ନୂଆଦିଲ୍ଲୀ: MG ଓ୍ବିଣ୍ଡସର ଦେଶରେ ସବୁଠୁ ଦ୍ରୁତ ଭାବରେ ଲୋକପ୍ରିୟ ହେଉଥିବା ଇଲେକ୍ଟ୍ରିକ୍ କାର ହୋଇପାରିଛି । ଏହାର ବେସ୍ ଭାରିଆଣ୍ଟକୁ କମ୍ପାନି ପ୍ରାୟ ୮ ମାସ ତଳେ ଲଞ୍ଚ କରିଥିଲା। ୧୦ ଲକ୍ଷ ମୂଲ୍ୟରେ ଲଞ୍ଚ ହୋଇଥିବା ଏହି କାର୍ ସହ କମ୍ପାନି ଆରମ୍ଭ କରିଥିଲା ‘ବ୍ୟାଟେରୀ ଆଜ ଏ ସର୍ଭିସ’ ବା ବ୍ୟାଟେରୀ ରେଣ୍ଟାଲ ଅପ୍ସନର ମଧ୍ୟ ଆରମ୍ଭ କରିଥିଲା। ଯେଉଁ କାରଣରୁ ଏହି କାର୍ ବେଶ୍ ଲୋକପ୍ରିୟ ହେବା ସହ ଦେଶର ୧ ନମ୍ବର ଇଭି କାର୍ ହୋଇପାରିଛି।
ଆଉ ଏବେ ଏହି କାର୍ର ନୂଆ ଅପଡେଟେଡ ମଡେଲ ଲଞ୍ଚ କରିଛି କମ୍ପାନି। ଯେଉଁଥିରେ ଏହାର ରେଞ୍ଜ୍ ବଢ଼ାଇବା ସହ ନୂଆ ସିକ୍ୟୁରିଟି ଫିଚର୍ସ ମଧ୍ୟ ଦିଆଯାଇଛି। ମଙ୍ଗଳବାର ଲଞ୍ଚ ହୋଇଥିବା ଏମଜି ଓ୍ବିଣ୍ଡସର ପ୍ରୋ ଇଭିରେ ୫୨.୯ kWhର ବ୍ୟାଟେରୀ ପ୍ୟାକ୍ ଦିଆଯାଇଛି । ଯାହା ସିଙ୍ଗିଲ ଚାର୍ଜରେ ୪୪୯ କିମି ରେଞ୍ଜ ଦେବ। ବର୍ତ୍ତମାନର ଓ୍ବିଣ୍ଡସର ମଡେଲରେ ୩୩୨ କିମିର ରେଞ୍ଜ ମିଳୁଛି।
କାରରେ କମ୍ପାନି Level-2 ADAS ଦେଇଛି। ଯାହା କାର୍ର ଅଟୋମେସନ କ୍ଷମତା ଏବଂ ଏବଂ ସିକ୍ୟୁରିଟିକୁ ବଢ଼ାଇଥାଏ। ଏହା ବ୍ୟତୀତ ନୂଆ ମଡେଲରେ ଟ୍ରାଫିକ୍ ଜାମ୍ ଆସିଷ୍ଟାଣ୍ଟ, ଫରଓ୍ବାର୍ଡ କୋଲାଇଜନ ଓ୍ବାର୍ଣ୍ଣିଂ ଏବଂ ଆଡାପ୍ଟିଭ କ୍ରୁଜ କଣ୍ଟ୍ରୋଲ ଭଳି ଫିଚର୍ସ ମିଳିବ।
ଏହି କାର୍ର ପ୍ରାରମ୍ଭିକ ମୂଲ୍ୟ ବା ଇଣ୍ଟ୍ରେଡୋକ୍ଟରୀ ପ୍ରାଇସ ୧୨.୫୦ ଲକ୍ଷ ଟଙ୍କା ରହିଛି। ଏହି କାର୍ ଅରୋରା ସିଲଭର, ଗ୍ଲେଜ ରେଟ ଏବଂ ସେଲାଡନ ବ୍ଲୁ ଭାରିଆଣ୍ଟରେ ଲଞ୍ଚ ହୋଇଛି। କାର୍ ଟାଟା ନେକ୍ସନ ଇଭି ଏବଂ ହ୍ୟୁଣ୍ଡାଇ କ୍ରେଟା ଇଲେକ୍ଟ୍ରିକକୁ କଡ଼ା ଟକ୍କର ଦେଉଥିବା । ଏହାର ବୁକିଂ ମେ ୮ରୁ ଆରମ୍ଭ ହେବ।
ତେବେ ଏମଜି ଓ୍ବିଣ୍ଡସର ପ୍ରୋରେ ମଧ୍ୟ ଫିକ୍ସ ବ୍ୟାଟେରୀ ଏବଂ ରେଣ୍ଟାଲ୍ ବ୍ୟାଟେରୀ ଅପ୍ସନ ରହିଛି। ଯଦି ଗ୍ରାହକ ଫିକ୍ସ ବ୍ୟାଟେରୀ ସହ କିଣୁଛନ୍ତି ତେବେ ତାଙ୍କୁ ୧୭.୭୯ ଲକ୍ଷ ଟଙ୍କାର ପ୍ରାରମ୍ଭିକ ଦାମ ପଡ଼ିବ। ସେହିଭଳି ରେଣ୍ଟାଲ ପାଇଁ ୪.୫ ଟଙ୍କା ପ୍ରତି କିମି ହିସାବରେ ପେମେଣ୍ଟ କରିବାକୁ ପଡ଼ିବ।
