ଭୁବନେଶ୍ବର ୨୨।୪: ରାଜ୍ୟରେ ବଢ଼ୁଛି ଗ୍ରୀଷ୍ମ ପ୍ରବାହ । ଆହୁରି ୫ ଦିନ କଲବଲ କରିବ ତାତି । ଦିନ ୧୧ଟାରୁ ୪ ଯାଏଁ ଘରେ ରହିବାକୁ, କାମ ନଥିଲେ ବାହାରକୁ ବାହାରନ୍ତୁନି, ବାହାରିଲେ ମୁଣ୍ଡରେ କପଡା ପକାଇ ବାହାରିବାକୁ ପରାମର୍ଶ ଦିଆଯାଇଛି । ପିଲା ଓ ବୟସ୍କ ଲୋକ ମାନେ ଖରା ସମୟରେ ଘରେ ରୁହନ୍ତୁ । ଆଗାମୀ ପାଞ୍ଚ ଦିନ ଲାଗି ହିଟ୍ୱେଭ ଓ ତିନି ଦିନ ସିଭିୟର ହିଟ୍ ୱେଭ ଜାରି କରିଛି ପାଣିପାଗ ବିଭାଗ । ମଙ୍ଗଳବାର ୧୧ଟା ୩୦ସୁଦ୍ଧା ଝାରସୁଗୁଡାରେ ତାପମାତ୍ରା ୪୨.୦୬ ଡିଗ୍ରୀ ରହିଛି । ଆଗକୁ ଆହୁରି ବଢିବ ।
ଭୁବନେଶ୍ବର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶିକା ମନୋରମା ମହାନ୍ତି କହିଛନ୍ତି, ପାଞ୍ଚ ଦିନ ଯାଏଁ ଅରେଞ୍ଜ ଓ୍ବାର୍ଣ୍ଣିଂ ଜାରି କରାଯାଇଛି । ଆଗାମୀ ୨୪ ଘଣ୍ଟାରେ ପାଞ୍ଚ ଜିଲ୍ଲା ବଲାଙ୍ଗୀର, ବୌଦ୍ଧ, ସମ୍ବଲପୁର, ଝରସୁଗୁଡା ଓ ସୁନ୍ଦରଗଡ଼ ଲାଗି ଅରେଞ୍ଜ ଓ୍ବାର୍ଣ୍ଣିଂ ଜାରି କରାଯାଇଛି । ଚାରି ଜିଲ୍ଲାକୁ ୟେଲୋ ଓ୍ବାର୍ଣ୍ଣିଂ, ୧୧ ଜିଲ୍ଲାକୁ ଉଷ୍ମ ଓ ଆଦ୍ର ସ୍ଥିତି ନେଇ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଛି । ଆଗାମୀ ପାଞ୍ଚ ଦିନ ତାତିରୁ ନିସ୍ତାର ନାହିଁ । ଦକ୍ଷିଣ ଓଡ଼ିଶାକୁ ଆଗାମୀ ୨୪ ଘଣ୍ଟାରେ କାଳ ବୈଶାଖୀ ପ୍ରଭାବ ରହିଛି ।
You Can Read:
ପୁଅ ଦେହ ଖରାପରୁ ଦେଇପାରିଲେନି କିସ୍ତି ଟଙ୍କା, ଘରୋଇ ଫାଇନାନ୍ସ କମ୍ପାନୀ ଚାପରେ ଆତ୍ମହତ୍ୟା କଲେ ଯୁବକ !
