ନୂଆଦିଲ୍ଲୀ ୨୬/୦୯: ମେଟା ପ୍ଲାଟଫର୍ମର ସହ-ପ୍ରତିଷ୍ଠାତା ତଥା ସିଇଓ ମାର୍କ ଜୁକରବର୍ଗ । ଏହାରି ଭିତରେ ସାମିଲ ହୋଇଛନ୍ତି ୨୦୦ ବିଲିୟନ ଡଲାରର କ୍ଲବରେ । ନିଜର ସମ୍ପତ୍ତି ସହ ଧନୀ ତାଲିକାର ତୃତୀୟ ସ୍ଥାନରେ ପହଞ୍ଚିଛନ୍ତି । ଟେସଲା ମୁଖ୍ୟ ଏଲନ୍ ମସ୍କ ଏବଂ ଆମାଜନ୍ ପ୍ରତିଷ୍ଠାତା ଜେଫ୍ ବେଜୋସ୍ ଏହି କ୍ଲବରେ ପୂର୍ବରୁ ଅନ୍ତର୍ଭୁକ୍ତ ହୋଇଛନ୍ତି ।
ବ୍ଲୁମବର୍ଗର ବିଲିୟନେୟାର ଇଣ୍ଡେକ୍ସ ଦ୍ୱାରା ୨୫ ସେପ୍ଟେମ୍ବର ୨୦୨୪ରେ ପ୍ରକାଶିତ ବିଲିୟନେୟାରଙ୍କ ସଦ୍ୟତମ ତଥ୍ୟ ଅନୁଯାୟୀ, ଏଲୋନ୍ ମସ୍କ ହେଉଛି ୨୬୮ ବିଲିୟନ ଡ଼ଲାରର ସମ୍ପତ୍ତି ସହିତ ଦୁନିଆର ସବୁଠାରୁ ଧନୀ ବ୍ୟକ୍ତି । ଜେଫ୍ ବେଜୋସ୍ ୨୧୬ ବିଲିୟନ ଡ଼ଲାରର ସମ୍ପତ୍ତି ସହିତ ବିଶ୍ୱର ଦ୍ୱିତୀୟ ଧନୀ ବ୍ୟକ୍ତି ।
ତୃତୀୟ ସ୍ଥାନରେ ଅଛନ୍ତି ମାର୍କ ଜୁକରବର୍ଗ । ଯାହାର ସମ୍ପତ୍ତି ୨୦୦ ବିଲିୟନ ଡଲାର ଏବଂ ସେ ପ୍ରଥମ ଥର ପାଇଁ ୨୦୦ ବିଲିୟନ ଡଲାର ସମ୍ପତ୍ତି କ୍ଲବରେ ଯୋଗ ଦେଇଛନ୍ତି। ମାର୍କ ଜୁକରବର୍ଗଙ୍କ ସମ୍ପତ୍ତିକୁ ଚଳିତ ବର୍ଷ ୭୧ ବିଲିୟନ ଡ଼ଲାରର ସବୁଠାରୁ ବଡ ଲମ୍ଫ ଦେଖିବାକୁ ମିଳିଛି। ଯେତେବେଳେ କି ଜେଫ୍ ବେଜୋସଙ୍କ ସମ୍ପତ୍ତି ୩୯.୪୩ ବିଲିୟନ ଡ଼ଲାର ଏବଂ ଏଲୋନ୍ ମସ୍କଙ୍କ ସମ୍ପତ୍ତି ୩୮.୯ ବିଲିୟନ ଡ଼ଲାରରେ ବୃଦ୍ଧି ପାଇଛି ।
ଲୁଇ ଭ୍ୟୁଟନ୍ ଚେୟାରମ୍ୟାନ୍ ବର୍ନାର୍ଡ ଆର୍ନାଲ୍ଟ୍ ୨୦୦ ବିଲିୟନ ଡଲାରର ଧନ କ୍ଲବରେ ଯୋଗଦେବାଠାରୁ ମାତ୍ର କିଛି ପାଦ ଦୂରରେ । ବର୍ନାର୍ଡ ଆର୍ନାଲ୍ଟଙ୍କର ୧୮୩ ବିଲିୟନ ଡଲାର ସମ୍ପତ୍ତି ଅଛି । ଡାଟାବେସ୍ କମ୍ପାନୀ ଓରାକେଲର ଲ୍ୟାରି ଏଲିସନ ମଧ୍ୟ କ୍ଲୁମର ନିଟ୍ ମୂଲ୍ୟ ୨୦୦ ବିଲିୟନ ଡଲାରଠାରୁ କିଛି ଦୂରରେ ଏବଂ ଏହାର ସମ୍ପତ୍ତି ୧୮୯ ବିଲିୟନ ଡ଼ଲାର୍ ଅଟେ । ଚଳିତ ବର୍ଷ ବର୍ନାର୍ଡ ଆର୍ନାଲ୍ଟଙ୍କ ସମ୍ପତ୍ତି ୨୪.୨ ବିଲିୟନ ଡ଼ଲାରରେ ହ୍ରାସ ପାଇଥିବାବେଳେ ଲ୍ୟାରି ଏଲିସନଙ୍କ ସମ୍ପତ୍ତି ମୂଲ୍ୟ ୫୫.୬ ବିଲିୟନ ଡ଼ଲାରରେ ବୃଦ୍ଧି ପାଇଛି।
ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ, ଭାରତର ସବୁଠାରୁ ଧନୀ ଶିଳ୍ପପତି ତଥା ରିଲାଏନ୍ସ ଇଣ୍ଡଷ୍ଟ୍ରିଜ୍ର ଚେୟାରମ୍ୟାନ୍ ମୁକେଶ ଅମ୍ବାନୀଙ୍କ ସମ୍ପତ୍ତି ୧୧୩ ବିଲିୟନ ଡଲାର ଅଟେ। ଯେଉଁଠାରେ ଆଦାନୀ ଗ୍ରୁପ୍ ଚେୟାରମ୍ୟାନ୍ ଗୌତମ ଆଦାନୀଙ୍କ ସମ୍ପତ୍ତି ୧୦୫ ବିଲିୟନ ଡଲାର ଅଟେ । ମୁକେଶ ଅମ୍ବାନୀଙ୍କ ସମ୍ପତ୍ତି ୧୬.୭ ବିଲିୟନ ଡ଼ଲାରରେ ବୃଦ୍ଧି ପାଇଛି ଏବଂ ଗୌତମ ଆଦାନୀଙ୍କ ସମ୍ପତ୍ତି ଚଳିତ ବର୍ଷ ୨୦.୯ ବିଲିୟନ ଡ଼ଲାରରେ ବୃଦ୍ଧି ପାଇଛି।
