ନୂଆଦିଲ୍ଲୀ ୧୪।୦୨: ମେଟା ଏଆଇ କରି ଦେଖାଇଲା ଏକ ବଡ କାରନାମା । ଆସିଲା ନୂଆ ଟେକନିକ୍ । ଉପକୃତ ହେବେ ଲୋକେ । ଏଣିକି କମ୍ୟୁଟର, ମୋବାଇଲ୍ କିମ୍ବା ଲାପଟପ୍ରେ ଆଉ କରିବାକୁ ପଡିବନି ଟାଇପିଙ୍ଗ୍ । ଚିନ୍ତା କରିବା ମାତ୍ରେ ହିଁ ହେବ ଟାଇପ୍ । ଶୁଣିଲେ ଆଶ୍ଚର୍ଯ୍ୟ ଲାଗୁଛି ନା କିନ୍ତୁ ଏହି ଟେକନିକ୍ ଆଣିଛି ମେଟା ।
ବାସ୍ତବରେ କମ୍ପାନୀ ୨୦୧୭ରେ ଏକ ଆଇଡିଆ ଆଣିଥିଲା । ଯେଉଁଥିରେ ବ୍ରେନ୍ ରିଡିଂ କ୍ୟାପ୍ ବିଷୟରେ କହିଥିଲା । ଏହା ବ୍ଯକ୍ତିଙ୍କର ଚିନ୍ତାଧାରା ଅନୁସାରେ ଟାଇପ୍ କରିବା ଆରମ୍ଭ କରିବ । ମେଟାର ବ୍ରେନ୍ ଟାଇପିଂ ସିଷ୍ଟମ କିଛିଟା ସମାନ। ମେଟାର ବ୍ରେନ୍ ଟାଇପିଂ ସିଷ୍ଟମ AI ଏବଂ ନ୍ୟୁରୋସାଇନ୍ସ ବ୍ୟବହାର କରିଥାଏ । ମେଟାର ଏହି ସିଷ୍ଟମ ବ୍ରେନ୍ ଆକ୍ଟିଭିଟିକୁ ଟ୍ରାକ୍ କରିଥାଏ ଏବଂ ବ୍ୟକ୍ତି କେଉଁ ବଟନ ଦବାଇବାକୁ ଚାହାନ୍ତି ତାହାର କରିଥାଏ ପୂର୍ବାନୁମାନ ।
ତେବେ ସବୁଠାରୁ ବଡ କଥା ହେଉଛି ଏହି ସିଷ୍ଟମ ବହୁତ ମହଙ୍ଗା ଏବଂ ବିଶାଳ । ଏହାକୁ କେବଳ ଅତ୍ୟନ୍ତ ନିୟନ୍ତ୍ରିତ ପରୀକ୍ଷାଗାର ସେଟିଂସ୍ରେ ବ୍ୟବହାର କରାଯାଇପାରିବ । ନିକଟରେ MIT ଟେକ୍ନୋଲୋଜି ଏକ ବ୍ଲଗରେ କହିଥିଲେ କି ଏହି ଟେକ୍ନୋଲୋଜିରେ ସ୍ପେଶାଲ୍ ବ୍ରେନ୍ ସ୍କାନ ହୋଇଥାଏ ।
ମେଟା ଦ୍ୱାରା ବ୍ୟବହୃତ ଏହି ମେସିନର ନାଁ ହେଉଛି ମ୍ୟାଗ୍ନେଟୋଏନ୍ସେଫାଲୋଗ୍ରାଫି (MEG)। ଯାହା ସବୁଠାରୁ ଛୋଟ ଚୁମ୍ବକୀୟ ତରଙ୍ଗକୁ ମଧ୍ୟ ଚିହ୍ନଟ କରିପାରିବ। ଏହି ସ୍କାନରଟି ବହୁତ ବଡ଼ ଏବଂ ସମ୍ବେଦନଶୀଳ । ଯାହାକୁ ଏକ ସ୍ପେଶାଲ୍ ରୁମ୍ରେ ରଖାଯାଇଥାଏ । ଏହି ରୁମ୍ ପୃଥିବୀର ଚୁମ୍ବକୀୟ କ୍ଷେତ୍ରକୁ ବ୍ଲକ୍ କରିଥାଏ ।
ମେଟା ଗବେଷକମାନେ Brain2Qwerty ନାମକ ଏକ AI ମଡେଲକୁ ଟ୍ରେନ୍ କରୁଛନ୍ତି । ଏହି ମଡେଲ ମସ୍ତିଷ୍କ ସଙ୍କେତଗୁଡ଼ିକର ବିଶ୍ଳେଷଣ କରିବାରେ ମଧ୍ୟ ସାହାଯ୍ୟ କରିଥାଏ । ମେଟାର ଏହି ସିଷ୍ଟମର ସଠିକତା ବିଷୟରେ କହିବାକୁ ଗଲେ, ଏହା ପ୍ରାୟ ୮୦ ପ୍ରତିଶତ ବୋଲି କୁହାଯାଉଛି। ମେଟାର ଏହି ପରୀକ୍ଷଣରେ ୩୫ ଜଣ ସ୍ୱେଚ୍ଛାସେବୀ ଅଂଶଗ୍ରହଣ କରିଥିଲେ । ଯେଉଁମାନେ ସ୍ପେନରେ ଥିବା ଗବେଷଣା କେନ୍ଦ୍ରରେ ପହଞ୍ଚିଥିଲେ । ପ୍ରତ୍ୟେକ ବ୍ୟକ୍ତି ସ୍କାନର ଭିତରେ ୨୦ ଘଣ୍ଟା ପର୍ଯ୍ୟନ୍ତ ବିତାଇଥିଲେ।
