ବାଲେଶ୍ବର ୩।୫: ରାଜା ଚକ୍ରଙ୍କ ଓକିଲଙ୍କ ନାଁରେ ମାନହାନୀ ମକଦ୍ଦମା । ରାଜା ଚକ୍ରଙ୍କ ଓକିଲ ସୀତାଂଶୁ ଦ୍ବିବେଦୀଙ୍କ ନାଁରେ ମକଦ୍ଦମା ଦାଏର ହୋଇଛି । ମକଦ୍ଦମା ଦାଏର କଲେ ବିଜେପି ରାଜ୍ୟ ସଭାପତି ମନମୋହନ ସାମଲ । ବାଲେଶ୍ବର ଏସ୍ଡିଜିଏମ୍ଙ୍କ କୋର୍ଟରେ ମକଦ୍ଦମା ଦାଏର ହୋଇଛି । ସୀତାଂଶୁ ଦ୍ବିବେଦୀଙ୍କ ବୟାନ ଉପରେ ମାନହାନୀ ମକଦ୍ଦମା ହୋଇଛି ।
ଏ ସମ୍ପର୍କରେ ପ୍ରତିକ୍ରିୟା ରଖି ମନମୋହନ ସାମଲ କହିଛନ୍ତି, ମାସେ ତଳେ ସୀତାଂଶୁ ମୋହନ ଦ୍ବିବେଦୀ ମୋ ବିରୁଦ୍ଧରେ ଏକ ଆରୋପ କରିଥିଲେ । ମୋ କର୍ମୀ ମାନେ ଷ୍ଟେଟ ହେଡ ନାଁରେ ୧ କୋଟି ୩ ଲକ୍ଷ ଟଙ୍କା ନଦେଲେ ବେପାର ବାଣିଜ୍ୟ ବନ୍ଦ ବାରିବାକୁ ଚାପ ପ୍ରୟୋଗ କରାଯିବା ନେଇ ଅଭିଯୋଗ କରିଥିଲେ । ମନ୍ଦ ଉଦ୍ଦେଶ୍ୟ ରଖି ମୋ ବିରୁଦ୍ଧରେ ଏପରି କହିଥିଲେ । ଆଜି ଏନେଇ ଏକ କ୍ରିମିନାଲ ଡିଫାମେସନ୍ କେସ୍ ଦାୟର କରିଛି । ଏସଡିଜେଏମଙ୍କ କୋର୍ଟରେ ଷ୍ଟେଟମେଣ୍ଟ ଦାଖଲ କରିବାକୁ ଆସିଥିଲି । ଏହା ମିଥ୍ୟା ଓ କପୋଳକଳ୍ପିତ କାହାଣୀ । ଏ ଅଭିଯୋଗର କୌଣସି ଭିତ୍ତି ନାହିଁ କି ସତ୍ୟତା ନାହିଁ । ମନ୍ଦ ଉଦ୍ଦେଶ୍ୟ ରଖି ମିଡ଼ିଆ ଆଗରେ ଏଭଳି ଅଭିଯୋଗ ଆଣିଛନ୍ତି । ମୋ ନାମରେ ଯଦି ଅଭିଯୋଗ ଅଛି ପ୍ରମାଣ କାଗଜ ଦେଖନ୍ତୁ । ବିନା ଅଭିଯୋଗରେ ସମ୍ବାଦ ପ୍ରସାରଣ କରନ୍ତୁ ନାହିଁ ବୋଲି ମନମୋହନ କହିଛନ୍ତି ।
You Can Read:
ରେଲୱେ କୋଇଲା ସାଇଡିଂକୁ ନେଇ ଚାପା ଉତ୍ତେଜନା, ୪ ପ୍ଲାଟୁନ ଫୋର୍ସ ମୁତୟନ
