ନୂଆଦିଲ୍ଲୀ ୩୦।୦୧; ମଧ୍ୟପ୍ରଦେଶରେ ବଡ ଅଘଟଣ । ନିର୍ମାଣଧୀନ ଛାତରୁ ଖସିଲା ସ୍ଲାବ । ୨ ଶ୍ରମିକ ମୃତ । ୫୦ରୁ ଅଧିକ ଆହତ ହୋଇଛନ୍ତି। ମଧ୍ୟପ୍ରଦେଶ ପନ୍ନା ଜିଲ୍ଲାର ସିମରିୟା ଥାନା ଅଞ୍ଚଳରେ ଥିବା ଏକ ସିମେଣ୍ଟ କାରଖାନାରେ ଏହି ଘଟଣା ଘଟିଥିଲା । ତେବେ ଘଟଣା ସମୟରେ ଶହ ଶହ ଶ୍ରମିକ କାମ କରୁଥିବା ଜଣାପଡ଼ିଛି । ବର୍ତ୍ତମାନ ଉଦ୍ଧାରକାର୍ଯ୍ୟ ଜାରି ରହିଛି ।
ତେବେ ସୂଚନା ମୁତାବକ, ଗୁରୁବାର ଅର୍ଥାତ ଆଜି ସକାଳେ ପନ୍ନାରେ ଥିବା ଜେକେ ସିମେଣ୍ଟ କାରଖାନାରେ ଏହି ଘଟଣା ଘିଟିଛି। କାରଖାନାରେ ଛାତ କାମ ଚାଲିଥିବା ବେଳେ ସ୍ଲାବଟି ଖସି ପଡ଼ୁଥିଲା। ଯେଉଁଠାରେ ଶହ ଶହ ଶ୍ରମିକ କାମ କରୁଥିଲେ । ଏହି ସ୍ଲାବ ଖସି ପଡିବାରୁ ଶ୍ରମିକ ଏହା ତଳେ ଚାପି ହୋଇଯାଇଥିଲେ । ଯାହାଫଳରେ ଦୁଇରୁ ଅଧିକ ଶ୍ରମିକଙ୍କର ମୃତ୍ୟୁ ହୋଇଛି।
ଏଥିସହ ଅନେକ ୫୦ରୁ ଅଧିକ ଗୁରୁତର ଆହତ ହୋଇଛନ୍ତି । ସେପଟେ ଦୁର୍ଘଟଣା ପରେ, ସୁରକ୍ଷା ଦୃଷ୍ଟିରୁ କାରଖାନା ଭିତରକୁ ପ୍ରବେଶ ସମ୍ପୂର୍ଣ୍ଣ ବନ୍ଦ କରିଦିଆଯାଇଛି। ପୋଲିସ ଏବଂ ପ୍ରଶାସନ ଦଳ ଭଗ୍ନାବଶେଷରେ ଫସି ରହିଥିବା ଶ୍ରମିକଙ୍କୁ ଉଦ୍ଧାର କରିବାରେ ବ୍ୟସ୍ତ ଅଛନ୍ତି। ଏଥିସହ ଘଟଣାର ତଦନ୍ତ ଜାରି ରଖିଛି ପୋଲିସ ।
