ରାୟପୁର: ଆଜି ଛତିଶଗଡର ରାଜଧାନୀ ରାୟପୁର ଠାରେ ଲୋକାୟନ ସଭାଗୃହ ରେ ମହାନଦୀର ସଙ୍କଟ ଓ ଜଳ ବିବାଦକୁ ନେଇ ଏକ ଗୋଲ ଟେବୁଲ ବୈଠକ ଅନୁଷ୍ଠିତ ହୋଇ ଯାଇଛି l ମହାନଦୀ ବଞ୍ଚାଅ ଆନ୍ଦୋଳନ, ନଦୀ ଘାଟି ମୋର୍ଚ୍ଚା ଓ ରାଷ୍ଟ୍ରୀୟ ଜଳ ବିରlଦରି ର ମିଳିତ ପ୍ରୟାସରେ ଅନୁଷ୍ଠିତ ଏହି ବୈଠକରେ ଛତିଶଗଡ଼ ଓ ଓଡ଼ିଶାର ଅନେକ ନଦୀ ଆନ୍ଦୋଳନର ନେତୃତ୍ଵ ଯୋଗ ଦେଇଥିଲେ l  ଜଳ ମାନବ ଡ ରାଜେନ୍ଦ୍ର ସିଂହ ଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକ ରେ ଅନେକ ଗୁରୁତ୍ଵପୂର୍ଣ୍ଣ ନିଷ୍ପତି ନିଆଯାଇଛି l 

ମହାନଦୀ ଜଳ ବିବାଦର ଆପୋଷ ସମାଧାନ ପାଇଁ ଓଡ଼ିଶା ଓ ଛତିଶଗଡ଼ ସରକାରଙ୍କ ସହମତିକୁ ବୈଠକ ରେ ସ୍ବାଗତ କରାଯାଇଥିଲା l କିନ୍ତୁ ଆପୋଷ ଆଲୋଚନା କୁ ଯିବା ପୂର୍ବରୁ ଅଣ ମୌସୁମୀ ସମୟରେ ଯେତିକି ପାଣି ଓଡ଼ିଶାର ଆବଶ୍ୟକତା ରହିଛି ତାକୁ ଛାଡ଼ିବାକୁ  ସର୍ତ୍ତ ରହିବା ଜରୁରୀ ବୋଲି ବୈଠକ ରେ ମତ ପ୍ରକାଶ ପାଇଥିଲା l ଦୁଇ ସରକାର ଭିତରେ ଆପୋଷ ସମାଧାନ କୁ ସୀମିତ ନରଖି ନଦୀ ସହିତ ସଂଶ୍ଳିଷ୍ଟ ଅଂଶୀଦାର ମାନଙ୍କୁ ଏଥିରେ ସାମିଲ କରିବା ପାଇଁ ଦୁଇ ରାଜ୍ୟ ସରକାରଙ୍କୁ ନିବେଦନ କରା ଯାଇଛି l 

ମହାନଦୀ ଆଜି ସଙ୍କଟରେ ଏବଂ ଏହି ସଙ୍କଟ ରୁ ମୁକ୍ତି ପାଇଁ ଲୋକଙ୍କୁ ନଦୀ ସହିତ ଯୋଡିବା ଅବଶକ୍ୟ ବୋଲି ବିଚାର କରି ଆସନ୍ତା ବର୍ଷ ନୂଆ ବର୍ଷରେ ମହାନଦୀ ମହୋତ୍ସବ ଆୟୋଜନ କରିବାର ନିଷ୍ପତି ହୋଇଛି l ଏଥିରେ ଦୁଇ ରାଜ୍ୟର ସଂସ୍କୃତି, ସାହିତ୍ୟ, ଅର୍ଥନୀତି ଓ ସାମାଜିକ ଜୀବନ ସମ୍ପର୍କରେ କାର୍ଯ୍ୟକ୍ରମ ମାନ ଅନୁଷ୍ଠିତ ହେବ l ଏଥିପାଇଁ ମହାନଦୀ ଚେତନା ଯାତ୍ରା ମଧ୍ୟ ଆୟୋଜିତ ହେଵ l 

ମହାନଦୀ ଜଳ ବିବାଦର ଆପୋଷ ସମାଧାନ ସମ୍ପର୍କରେ ଦିଲ୍ଲୀ ଠାରେ ମହାନଦୀ ସଂସଦ ଅନୁଷ୍ଠିତ ହେବ ସେପ୍ଟେମ୍ବର ଶେଷ ସପ୍ତାହରେ l ଏଥିରେ ଓଡ଼ିଶା, ଛତିଶଗଡ ସମେତ ଦେଶର ନଦୀ ବିଶେଷଜ୍ଞ ମାନେ ଯୋଗ ଦେବେ l କେନ୍ଦ୍ର ତଥା ଦୁଇ ରାଜ୍ୟ ସରକାରଙ୍କ ପ୍ରତିନିଧି ମାନଙ୍କୁ ମଧ୍ୟ ଏହି ସଂସଦ କୁ ଆମନ୍ତ୍ରଣ କରାଯିବ l 

ଆଜିର ଏହି ବୈଠକ ରେ ମହାନଦୀ ବଞ୍ଚାଅ ଆନ୍ଦୋଳନ ର ଆବାହକ ସୁଦର୍ଶନ ଦାସ, ନଦୀ ଘାଟି ମୋର୍ଚ୍ଚା ର ଆବାହକ ଗୌତମ ବନ୍ଦୋପlଦ୍ଦ୍ୟାୟ, ରାଷ୍ଟ୍ରୀୟ ଜଳ ବିରlଦରି ର ନିର୍ଦେଶକ ଡ ସଞ୍ଜୟ ସିଂହ ଆୟୋଜନ କରିଥିଲେ l ଓଡ଼ିଶାରୁ ଏଥିରେ ବିଜୟ ପ୍ରଧାନ, ସଚ୍ଚିକାନ୍ତ ପ୍ରଧାନ, ଅର୍ଜୁନ ସାମନ୍ତରାୟ, ଅଶୋକ ପ୍ରଧାନ ପ୍ରମୁଖ ଯୋଗ ଦେଇଥିବା ବେଳେ ଛତିଶଗଡ ର ବିଭିନ୍ନ ନଦୀ ଅବବାହିକା ରୁ ଅନେକ ସାମାଜିକ କର୍ମୀ, ଲୋକ ପ୍ରତିନିଧି, ବୁଦ୍ଧିଜୀବୀ ମାନେ ଯୋଗ ଦେଇଥିଲେ l