ଆନନ୍ଦପୁର ୧୦।୪: ଧରାପଡିଲେ ଗଞ୍ଜେଇ ମାଫିଆ । ୩୫ କେଜି ଗଞ୍ଜେଇ ଜବତ ସହ ୨ ଜଣଙ୍କୁ ଗିରଫ କଲା ପୋଲିସ । ଖସିଯାଇଥିବା ଅନ୍ୟ ୪ ଅଭିଯୁକ୍ତଙ୍କୁ ଧରି ପଚରାଉଚରା ଚଳାଇଛି ପୋଲିସ ।
ସୂଚନାଯୋଗ୍ୟ ଯେ, କେନ୍ଦୁଝର ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଅଧିନ ୨୦ନଂ ଜାତୀୟ ରାଜପଥ ପାର୍ଶ୍ୱରେ ଥିବା ଏକ ପରିତ୍ୟକ୍ତ ଘିଅ ଫ୍ୟାକ୍ଟ୍ରି ଠାରେ ଗଞ୍ଜେଇ ବିତରଣ ହେଉଥିବା ସମୟରେ ଅଚାନକ ଚଢାଉ କରିଥିଲା ପୋଲିସ । ପୋଲିସକୁ ଦେଖି ସେଠାରେ ଥିବା ୬ଜଣଙ୍କ ମଧ୍ୟରୁ ୪ ଜଣ ଫେରାରା ହୋଇଯାଇଥିବା ବେଳେ ୨ ଜଣଙ୍କୁ କାବୁ କରିବା ସହ ୩୫ କେଜି ଜବତ କରିଥିଲା ପୋଲିସ । ପରେ ଅଟକ ୨ ଜଣଙ୍କ ବୟାନ ଆଧାରରେ ଅନ୍ୟ ୪ ଜଣଙ୍କୁ ମଧ୍ୟ ଧରିଛି ପୋଲିସ । ଏ ସମ୍ପର୍କରେ ଏକ ମାମଲା ରୁଜୁକରି ୨ ଅଭିଯୁକ୍ତ ରାମଚନ୍ଦ୍ରପୁର ଥାନା ନୂଆଗାଁର ରଶ୍ମୀରଞ୍ଜନ ମାଝି ଓ ଘସିପୁରା ଥାନା ପାଇକଚାଟରା ଗାଁର ସମୀର ରାଉତଙ୍କୁ ଗିରଫ କରିଛି ପୋଲିସ । ଅନ୍ୟ ଅଭିଯୁକ୍ତଙ୍କୁ ପଚରାଉଚର ଚାଲିଛି । ତେବେ ଏମାନେ ଫୁଲବାଣୀ ଅଞ୍ଚଳରୁ ଗଞ୍ଜେଇ ଆଣି ଆନନ୍ଦପୁର ଉପଖଣ୍ଡ ଅଞ୍ଚଳରେ ଛୋଟ ବ୍ୟବସାୟୀଙ୍କୁ ବିକ୍ରି କରୁଥିବା ପୋଲିସ ନିକଟରେ ସ୍ବୀକାର କରିଛନ୍ତି ।
You Can Read:
ଦଳର ନେତା ଶୃଙ୍ଖଳିତ ଭାବେ କାମ କଲେ ପୁଣି ଥରେ ଲୋକ କ୍ଷମତାକୁ ଫେରାଇ ଆଣିବେ : ଅଶ୍ବିନୀ ପାତ୍ର
