ନୂଆଦିଲ୍ଲୀ ୨୮।୦୭; ଶ୍ରାବଣ ମାସରେ ଶିବଲିଙ୍ଗରେ ଗୋଟିଏ ମାତ୍ର ବେଲପତ୍ର ଚଢ଼ାଇପାରିଲେ ଶିବଙ୍କର ବିଶେଷ କୃପା ପ୍ରାପ୍ତ ହେବାର ବାଟ ଫିଟିଯାଇଥାଏ । ତେବେ ଜ୍ୟୋତିଷ ଶାସ୍ତ୍ର ଅନୁଯାୟୀ ଶ୍ରାବଣ ମାସରେ ମହାଦେବଙ୍କଠାରେ ସ୍ୱତନ୍ତ୍ର ନିୟମ ଅନୁସାରେ ବେଲପତ୍ର ଅର୍ପଣ କଲେ ନିର୍ଦ୍ଦିଷ୍ଟ ମନୋକାମନା ପୂରଣ ହୋଇପାରେ ।
-୧୦୮ ବେଲପତ୍ର ଉପରେ ଚନ୍ଦନକୁ ସାହୀ ଏବଂ ଡାଳିମ୍ବ ଡାଙ୍ଗକୁ ଲେଖନୀ ଭାବେ ବ୍ୟବହାର କରି ‘ରାମ’ ‘ରାମ’ ଲେଖନ୍ତୁ । ଏହାଦ୍ୱାରା ଶାରୀରିକ ତଥା ମାନସିକ କ୍ଳେଶ ଦୂର ହେବା ସହିତ ଗ୍ରହ ଦୋଷ କଟିବ ।
-ପ୍ରତ୍ୟେକ ସୋମବାର ଶିବଲିଙ୍ଗରେ ବେଲପତ୍ର ଅର୍ପଣ କରନ୍ତୁ । ଅର୍ପିତ ବେଲପତ୍ରରୁ କିଛି ଆଣି ନିଜ ପର୍ସ କିମ୍ବା ଟ୍ରେଜେରିରେ ରଖିଦିଅନ୍ତୁ । ଧନ ଅଭାବ ଦୂର ହୋଇଯିବ । ଏହାବ୍ୟତୀତ ନିଜ ଘର ବଗିଚାରେ ବେଲଗଛ ଲଗାନ୍ତୁ । ମା’ ଲକ୍ଷ୍ମୀଙ୍କ କୃପା ପ୍ରାପ୍ତ ହେବେ ।
-ବିବାହ ବିଳମ୍ବିତ ହେଉଥିଲେ ଶିବଲିଙ୍ଗରେ ବେଲପତ୍ର ଅର୍ପଣ କରନ୍ତୁ । ଶ୍ରାବଣ ସୋମବାରରୁ ଆରମ୍ଭ କରି ଲଗାତାର ୫ ସୋମବାର ୧୦୮ ବେଲପତ୍ର ଚଢ଼ାଇବା ଆବଶ୍ୟକ । ବେଲପତ୍ର ଅର୍ପଣ ସମୟରେ ‘ଓଁ ନମଃ ଶିବାୟ’ ମନ୍ତ୍ର ଉଚ୍ଚାରଣ କରନ୍ତୁ । ବିବାହ ପଥରେ ରହୁଥିବା ବାଧା ନିଶ୍ଚୟ ଦୂର ହୋଇଯିବ ।
-ସନ୍ତ।ନ ହେଉନଥିଲେ ଆପଣ ନିଜ ବୟସ ଅନୁସାରେ ସେତିକି ସଂଖ୍ୟକ ବେଲପତ୍ର ସଂଗ୍ରହ କରନ୍ତୁ ଏବଂ ଏଗୁଡ଼ିକୁ କଞ୍ଚ କ୍ଷୀରରେ ବୁଡ଼ାଇ ଶିବଲିଙ୍ଗରେ ଅର୍ପଣ କରନ୍ତୁ । ଅର୍ପଣ ମବେଳେ ‘ଓଁ ନମଃ ଶିବାୟ’ ଜପ କରିବାକୁ ଭୁଲନ୍ତୁ ନାହିଁ । ମନୋବାଞ୍ଛା ନିଶ୍ଚୟ ପୂରଣ ହେବ ।
