ଭଦ୍ରକ: ଥରେ ଠାକୁରଙ୍କୁ ଅସମ୍ମାନ କରିଥିଲେ , ଭୁଲ ସ୍ୱୀକାର କରିଥିଲା ପ୍ରଶାସନ । ଏମିତି କି ବ୍ଲାକ ଲିଷ୍ଟ ହୋଇଥିଲା ଇଭେଣ୍ଟ ସଂସ୍ଥା । ଏତେ ପରେ ବି କିଛି ଶିଖିଲେ ନାହିଁ । ପୁଣି ଅବହେଳିତ ହେଲେ ଭଗବାନ ମହାଦେବ । ମହୋତ୍ସବରେ ପୁଣି ଥରେ ମହାଦେବଙ୍କ ମୂର୍ତ୍ତିକୁ ପଡିଆରେ ଛାଡି ଦେବାର ଭିଡିଓ ଭାଇରାଲ ହୋଇଛି।  ଏହି ଭିଡିଓଟି ଭଦ୍ରକ ଜିଲ୍ଲା ଧାମନଗର ବ୍ଲକ ଅଞ୍ଚଳର ବୋଲି କୁହାଯାଉଛି । 

ଧାମନଗର ବ୍ଲକରେ ଶୀତ ମହୋତ୍ସବ ପରେ ଅବହେଳିତ ହୋଇଥିବା ମହାଦେବଙ୍କ ପ୍ରତିମୂର୍ତ୍ତିର ଭିଡିଓ ଭାଇରାଲ ହେଉଛି । ମହୋତ୍ସବ ପରେ ପଡିଆରେ ଶୀତ କାକର ଓ ଖରାରେ ପଡିରହିଛନ୍ତି ଦେବ ଦେବ ମହାଦେବଙ୍କ ମୂର୍ତ୍ତି  l ବାହାଘର ପରେ ବେଦୀ ମୁହଁ ପୋଡ଼ା ପଡ଼ି ଏପରି ବ୍ୟବହାରକୁ ସବୁଠି ନାପସନ୍ଦ କରାଯାଉଛି । ଘଟଣାକୁ ଜିଲ୍ଲା ପ୍ରଶାସନ କିମ୍ବା ମହୋତ୍ସବ କମିଟି ତରଫରୁ କୌଣସି ପ୍ରତିକ୍ରିୟା ମିଳି ପାରି ନାହିଁ । ତେବେ ଗତବର୍ଷ ଭଦ୍ରକ ଜିଲ୍ଲା ରେ ଆୟୋଜିତ ହୋଇଥିବା ଭଦ୍ରାୟଣିରେ ମଧ୍ୟ ମହୋତ୍ସବ ପରେ ଜଗନ୍ନାଥ ଙ୍କ ମୂର୍ତ୍ତି କୁ ପଡିଆ ରେ ଚାଡ଼ି ପଳାଇଥିଲେ ଇଭେଣ୍ଟ ସଂସ୍ଥା । ପରେ ଜିଲ୍ଲା ପ୍ରଶାସନ ତରଫରୁ ଇଭେଣ୍ଟ ସଂସ୍ଥାକୁ ବ୍ଲାକ ଲିଷ୍ଟ କରାଯାଇଥିଲା ।