ନୂଆଦିଲ୍ଲୀ: ପଳାତକ ଲଳିତ ମୋଦୀକୁ ଭାନୁଆଟୁ ନାଗରିକତା ମିଳିଛି । ପ୍ରଶାନ୍ତ ମହାସାଗରରେ ଥିବା ଏକ ଛୋଟ ଦ୍ୱୀପରାଷ୍ଟ୍ର ଭାନୁଆଟୁ । ଏହି ଦ୍ୱୀପରାଷ୍ଟ୍ର ଟିକସ ଅନୁକୂଳ ଏବଂ ଏଠାରେ ପ୍ରତ୍ୟର୍ପଣ କରାଯିବାର କୌଣସି ନିୟମ ନାହିଁ ।
ଲଳିତ ମୋଦୀର ନାଗରିକତା ୨୦୨୪ ଡିସେମ୍ବର ୩୦ରେ ଅନୁମୋଦନ କରାଯାଇଥିବା ଭାନୁଆଟୁ ପାସପୋର୍ଟର ଏକ କପିରୁ ଜଣାପଡିଛି । ଶୁକ୍ରବାର ବୈଦେଶିକ ମନ୍ତ୍ରଣାଳୟର ସପ୍ତାହିକ ପ୍ରେସ୍ ବ୍ରିଫିଂରେ ଏହି ଖବର ଉପରେ ମୋହର ମରାଯାଇଛି । ବିଦେଶୀ ନାଗରିକତା ହାସଲ କରିବା ପରେ ଏବେ ଲଳିତ ମୋଦୀର ଭାରତ ପ୍ରତ୍ୟର୍ପଣ କରିବା ପ୍ରୟାସ ଜଟିଳ ହୋଇଯିବ ।
#WATCH | Delhi | MEA spokesperson Randhir Jaiswal says, "Lalit Modi has made an application for surrendering his passport in High Commission of India, London. The same will be examined in light of extant rules and procedures. We are also given to understand that he has acquired… pic.twitter.com/uyMQiECqnE
— ANI (@ANI) March 7, 2025
ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୈସ୍ୱାଲ କହିଛନ୍ତି, ‘ଲଳିତ ମୋଦୀ ଲଣ୍ଡନରେ ଥିବା ଭାରତୀୟ ହାଇକମିଶନଙ୍କ ନିକଟରେ ତାଙ୍କ ପାସପୋର୍ଟ ଜମା କରିବାକୁ ଆବେଦନ କରିଛନ୍ତି । ବିଦ୍ୟମାନ ନିୟମ ଏବଂ ପ୍ରକ୍ରିୟା ଅନୁସାରେ ଏହାର ତଦନ୍ତ କରାଯିବ । ସେ ଭାନୁଆଟୁ ନାଗରିକତା ହାସଲ କରିଛନ୍ତି ବୋଲି ଆମକୁ କୁହାଯାଇଛି । ଆମେ ଆଇନ ଅନୁଯାୟୀ ତାଙ୍କ ବିରୋଧରେ ମାମଲା ରୁଜୁ କରୁଛୁ ।‘ ଆଇପିଏଲର ପୂର୍ବତନ ଅଧ୍ୟକ୍ଷ ଲଳିତ ମୋଦୀ ଆର୍ଥିକ ଦୁର୍ନୀତି, ମନି ଲଣ୍ଡ୍ରିଂ ଏବଂ ବୈଦେଶିକ ମୁଦ୍ରା ଆଇନ ଉଲ୍ଲଂଘନ ଅଭିଯୋଗରେ ୨୦୧୦ ମସିହାରେ ଭାରତରୁ ଫେରାର ହୋଇଥିଲା ।
