ଲମତାପୁଟ: କୋରାପୁଟ ଜଲାପୁଟ ଜଳଭଣ୍ଡାରରେ ସେଫଲି ନେବା ବେଳେ ଅଘଟଣ ଘଟିଛି । ଶନିବାର ଜଳଭଣ୍ଡାରରେ ଡଙ୍ଗା ବୁଡ଼ି ନବମ ଶ୍ରେଣୀର ଦୁଇ ଛାତ୍ର ନିଖୋଜ ହୋଇଛନ୍ତି । ଡଙ୍ଗା ବୁଡ଼ି ଘଟଣାକୁ ୧୪ ଘଣ୍ଟା ବିତିଯାଇଛି । ହେଲେ ଉଦ୍ଧାର ହୋଇନାହାନ୍ତି ନିଖୋଜ ଛାତ୍ର । ସକାଳୁ ଜଳଭଣ୍ଡାର ନିକଟରେ ଅଗ୍ନିଶମ ବାହିନୀ, ଓଡ୍ରାଫ୍ ଟିମ୍ ପହଞ୍ଚି ସର୍ଚ୍ଚ ଅପରେସନ୍ ଆରମ୍ଭ କରିଛନ୍ତି । ସେପଟେ ଘଟଣାସ୍ଥଳରେ ନନ୍ଦପୁର ପୋଲିସ, ତହସିଲଦାର ପହଞ୍ଚି ଉଦ୍ଧାର କାର୍ଯ୍ୟର ଅନୁଧ୍ୟାନ କରିଛନ୍ତି ।
ସୂଚନା ଅନୁଯାଇ, ଶନିବାର ଜଲାପୁଟ ଜଳଭଣ୍ଡାର ଭିତରେ ଦେଶୀ ଡଙ୍ଗାରେ ତିନି ଛାତ୍ର ସେଲ୍ଫି ନେବା ବେଳେ ଅଘଟଣ ଘଟିଥିଲା । ଡଙ୍ଗାବୁଡ଼ି ଯିବାରୁ ଦୁଇ ସ୍କୁଲ ଛାତ୍ର ନିଖୋଜ ହୋଇଯାଇଛନ୍ତି । ତେବେ ନିଖୋଜ ଥିବା ଛାତ୍ର ହେଲେ ଜଲାପୁଟର ଶିବ ହନ୍ତାଳ ଓ ଅମିତ ହନ୍ତାଳ । ଅନ୍ୟଜଣେ ଛାତ୍ର ଗୌତମ ଖେମୁଣ୍ଡୁ ପହଁରା ଜାଣିଥିବାରୁ ବର୍ତ୍ତିଯାଇଛନ୍ତି । ଜଳଭଣ୍ଡାରରେ ନିଖୋଜ ଛାତ୍ରଙ୍କ ପରିବାର ସହ ଗ୍ରାମବାସୀ ଖୋଜାଖୋଜି କରିଥିଲେ। ରାତି ହୋଇଯିବାରୁ ଉଦ୍ଧାର କାର୍ଯ୍ୟ ବନ୍ଦ ଥିଲା । ରବିବାର ସକାଳୁ ଓଡ୍ରାଫ ଟିମ୍ ଦ୍ୱାରା ଉଦ୍ଧାର କାମ ଆରମ୍ଭ କରିଛି ।
