ନୂଆଦିଲ୍ଲୀ ୧୦।୦୪: ଆଇପିଏଲ ୨୦୨୫ । ଗୁରୁବାର ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଦିଲ୍ଲୀ କ୍ୟାପିଟାଲ୍ସ । ଏହି ମୁକାବିଲା ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯିବ । ବିରାଟ କୋହଲି ପୂର୍ବରୁ IPL ଇତିହାସରେ ସର୍ବାଧିକ ରନ କରିଥିବା ଖେଳାଳି ହୋଇସାରିଛନ୍ତି । ତାଙ୍କ ନାଁରେ ବର୍ତ୍ତମାନ ୮୧୬୮ ରନ୍ ରହିଛି । କିନ୍ତୁ 'କିଙ୍ଗ୍କୋହଲି' ଏବେ ସିକ୍ସର କିଙ୍ଗ୍ ହେବାଠାରୁ ଦୂରରେ ନାହାନ୍ତି । ସେ ଗୁରୁବାର ଭାଙ୍ଗିପାରନ୍ତି ରୋହିତ ଶର୍ମାଙ୍କ ଛକା ରେକର୍ଡ ।
ଆଇପିଏଲ ଇତିହାସରେ ଏପର୍ଯ୍ୟନ୍ତ ସର୍ବାଧିକ ଛକା ମାରିବାର ରେକର୍ଡ ୱେଷ୍ଟଇଣ୍ଡିଜର ଡ୍ୟାସିଂ ବ୍ୟାଟର କ୍ରିସ ଗେଲଙ୍କ ନାଁରେ ରହିଛି । ସେ IPLରୁ ଅବସର ନେବାର ପ୍ରାୟ ୪ ବର୍ଷ ବିତିଗଲାଣି, ତଥାପି କିନ୍ତୁ ଏପର୍ଯ୍ୟନ୍ତ କେହି ଭାଙ୍ଗିପାରିନାହାନ୍ତି ତାଙ୍କର ୩୫୭ ଛକାର ରେକର୍ଡ ।
ବିରାଟ କୋହଲି ଆଇପିଏଲ୍ କ୍ୟାରିୟରରେ ଏପର୍ଯ୍ୟନ୍ତ ମାରିଛନ୍ତି ୨୭୮ଟି ଛକା । ଏହାବ୍ୟତୀତ ରୋହିତ ଶର୍ମାଙ୍କ ନାଁରେ ବର୍ତ୍ତମାନ ୨୮୨ଟି ଛକା ଅଛି । କହି ରଖୁଛୁ କି ରୋହିତ ବର୍ତ୍ତମାନ ଆଇପିଏଲରେ ସର୍ବାଧିକ ଶତକ ମାରିଥିବା ଭାରତୀୟ ଖେଳାଳି । ଯଦି ବିରାଟ ଦିଲ୍ଲୀ ବିପକ୍ଷ ମ୍ୟାଚ୍ରେ ଆଉ ୫ଟି ଛକା ମାରିବେ, ତେବେ ସେ ଇତିହାସ ରଚିବେ । ତେବେ ଗୋଟିଏ ଗ୍ରାଉଣ୍ଡରେ ସର୍ବାଧିକ ଛକା ମାରିବା ମାମଲାରେ ବିରାଟ ସମ୍ପ୍ରତି କ୍ରିସ୍ ଗେଲ୍ଙ୍କୁ ପଛରେ ପକାଇ ଦେଇଛନ୍ତି ।
ଆଇପିଏଲ୍ରେ ଲିଗ୍ରେ ସର୍ବାଧିକ ଛକା ମାରିଥିବା ଖେଳାଳିଙ୍କ ତାଲିକାରେ ପ୍ରଥମରେ ରହିଛନ୍ତି କ୍ରିସ୍ ଗେଲ୍ । ସେ ୩୫୭ଟି ଛକା ମାରିଛନ୍ତି । ଏହି ଲିଷ୍ଟରେ ୨୮୨ଟି ଛକା ସହିତ ରୋହିତ ଶର୍ମା ଦ୍ୱିତୀୟ ସ୍ଥାନରେ ଥିବା ବେଳେ ବିରାଟ କୋହଲି ୨୭୮ ଛକା ସହିତ ବର୍ତ୍ତମାନ ତୃତୀୟ ସ୍ଥାନରେ ଅଛନ୍ତି । ସେହିପରି ଏମ୍ ଏସ୍ ଧୋନି ଏବଂ ଏବି ଡିଭିଲିୟର୍ସ ଚତୁର୍ଥ ଏବଂ ପଞ୍ଚମ ସ୍ଥାନରେ ଅଛନ୍ତି । ଧୋନି ଏବଂ ଡିଭିଲିୟର୍ସଙ୍କ ଆଇପିଏଲରେ ୨୫୦ରୁ ଅଧିକ ଛକା ମାରିଛନ୍ତି ।
ବିରାଟ କୋହଲିଙ୍କ ବିଷୟରେ କହିବାକୁ ଗଲେ, ସେ IPL ଇତିହାସରେ ୮ହଜାରରୁ ଅଧିକ ରନ୍ କରିଥିବା ଏକମାତ୍ର ବ୍ୟାଟର । ବାସ୍ତବରେ ଅନ୍ୟ କୌଣସି ବି ବ୍ୟାଟର ଆଇପିଏଲ୍ରେ ଏପର୍ଯ୍ୟନ୍ତ ୭ହଜାର ରନ ପୂରଣ କରିପାରି ନାହାଁନ୍ତି।
