ମୁମ୍ଵାଇ ୧୩।୦୪; ହିନ୍ଦୀ ସିନେ ଦୁନିଆର ଅନ୍ୟତମ ସଫଳ ଯୁବ ଷ୍ଟାର୍ କାର୍ତ୍ତିକ ଆର୍ୟନ ବକ୍ସ ଅଫିସ୍ରେ ବଡ଼ ଧମାକା କରିବାକୁ ଯାଉଛନ୍ତି । ନିର୍ଦ୍ଦେଶକ ଅନୁରାଗ ବାସୁଙ୍କ ସହ ଅପ୍କମିଙ୍ଗ ଫିଲ୍ମରେ ସେ ନଜର ଆସିବେ । ଏହା ପରେ କରନ ଜୋହରଙ୍କ ପ୍ରଯୋଜିତ ‘ତୁ ମେରୀ ମେଁ ତେରା ମେଁ ତେରା ତୁ ମେରୀ’ ଓ ‘ନାଗଜିଲ୍ଲା’ରେ ନଜର ଆସିବେ ।
ଫିଲ୍ମ ‘ନାଗଜିଲ୍ଲା’ରେ କାର୍ତ୍ତିକଙ୍କ ଡବଲ୍ ରୋଲ୍ ରହିବ । ମଣିଷ ଓ ସାପ ମଧ୍ୟରେ ସଂଘର୍ଷ ଉପରେ ଫିଲ୍ମଟି ପର୍ଯ୍ୟବସିତ । ‘ଯୱାନ’ରେ ଶାହରୁଖ୍ଙ୍କ ଭଳି ଏହି ଫିଲ୍ମରେ କାର୍ତ୍ତିକ ଉଭୟ ହିରୋ ଓ ଭିଲେନ୍ ଭୂମିକାରେ ନଜର ଆସିବେ । କିନ୍ତୁ କାହାଣୀରେ ଏକ ଟ୍ୱିଷ୍ଟ୍ ରହିବ । ‘ନାଗଜିଲ୍ଲା’ ଜରିଆରେ ନିର୍ଦ୍ଦେଶନା ଦୁନିଆରେ ଏଣ୍ଟ୍ରି କରିବେ ମୃଗଦୀପ ସିଂହ ଲାମ୍ବା । ଫିଲ୍ମକୁ ବଡ଼ ବଜେଟ୍ରେ ପ୍ରସ୍ତୁତ କରିବା ଲାଗି ନିର୍ଦ୍ଦେଶକ ମୃଗଦୀପ ଓ ପ୍ରଯୋଜକ ମହାବୀର ଜୈନ କରନ ଜୋହରଙ୍କ ସହ ସହଭାଗିତା କରିଛନ୍ତି ।
‘ତୁ ମେରୀ ମେଁ ତେରା ମେଁ ତେରା ତୁ ମେରୀ’ ଫିଲ୍ମର ସୁଟିଂ ଶେଷ ହେବା ପରେ ‘ନାଗଜିଲ୍ଲା’ର ସୁଟିଂ ଆସନ୍ତା ସେପ୍ଟେମ୍ବରରୁ ଆରମ୍ଭ ହେବ । ୨୦୨୬, ଦ୍ୱିତୀୟାର୍ଦ୍ଧରେ ଫିଲ୍ମଟି ମୁକ୍ତିଲାଭ କରିବ ।
