'ଆମେରିକାକୁ ପରମାଣୁ ଅସ୍ତ୍ରର ଚାବି ହସ୍ତାନ୍ତର କରିଥିଲେ 'ମୁଶରଫ', ପୂର୍ବତନ ଅଧିକାରୀଙ୍କ ଚାଞ୍ଚଲ୍ୟକର ଖୁଲାସା

ନୂଆଦିଲ୍ଲୀ ୨୫/୧୦: ପୂର୍ବତନ CIA ଅଧିକାରୀ ଜନ୍ କିରିଆକୋଙ୍କ ସାଂଘାତିକ ଖୁଲ୍ଲାସା । ପାକିସ୍ତାନ, ସାଉଦି ଆରବ ଓ ଦକ୍ଷିଣ ଏସିଆର ରାଜନୀତି ସହିତ ଜଡିତ ଅନେକ ଗୁରୁତ୍ୱପୂର୍ଣ୍ଣ ଗୁପ୍ତ କଥା ପ୍ରକାଶ କରିଛନ୍ତି । କିରିଆକୋ ଏମିତି କିଛି କହିଛନ୍ତି ଯାହାକୁ ନେଇ ଆରମ୍ବ ହୋଇଛି ତର୍ଜମା । ବିଶେଷ କରି ଆମେରିକା ବିରୋଧରେ ବିଷ ଓଗାଳିଛନ୍ତି ସେ। ତାଙ୍କ କହିବା କଥା ଆମେରିକା ପୂର୍ବତନ ପାକିସ୍ତାନୀ ରାଷ୍ଟ୍ରପତି ପରଭେଜ ମୁଶାରଫଙ୍କୁ କୋଟି କୋଟି ଡଲାର ସହାୟତା ଦେଇ କିଣୁଥିଲା ।

ସମୟ ଥିଲା ଯେତେବେଳେ ଆମେରିକା ପାକିସ୍ତାନର ପରମାଣୁ ଅସ୍ତ୍ରଶସ୍ତ୍ରକୁ ନିୟନ୍ତ୍ରଣ କରୁଥିଲା । ୧୫ ବର୍ଷ ଧରି CIA ପାଇଁ କାମ କରୁଥିବା ଓ ପାକିସ୍ତାନରେ ଆତଙ୍କବାଦ ବିରୋଧୀ ଅଭିଯାନ ପାଇଁ ଦାୟୀ ଥିବା ଜନ୍ କିରିଆକୋ କହିଛନ୍ତି, "ଆମେରିକା ଏକଛତ୍ରବାଦୀଙ୍କ ସହିତ କାମ କରିବାକୁ ପସନ୍ଦ କରେ । କାରଣ ସେଠାରେ କୌଣସି ଜନସାଧାରଣ କିମ୍ବା ଗଣମାଧ୍ୟମ ଚାପ ନାହିଁ । ଆମେ ମୁଶାରଫଙ୍କୁ କିଣିଥିଲୁ, ଏବଂ ସେ ଆମକୁ ପାକିସ୍ତାନରେ ଆମ ଇଚ୍ଛା ଅନୁସାରେ କାମ କରିବାକୁ ଅନୁମତି ଦେଇଥିଲେ।

ସେ କହିଛନ୍ତି ଯେ ମୁଶାରଫ ଏକ ଡବଲ ଖେଳ ଖେଳୁଥିଲେ।  ଗୋଟିଏ ପଟେ, ସେ ଆତଙ୍କବାଦ ବିରୋଧରେ ଆମେରିକା ସହିତ ସହଯୋଗ କରିବାର ଅଭିନୟ କରୁଥିଲେ । ଅନ୍ୟପଟେ, ସେ ପାକିସ୍ତାନର ସେନା ଓ ଆତଙ୍କବାଦୀ ଗୋଷ୍ଠୀଗୁଡ଼ିକୁ ଭାରତ ବିରୋଧରେ ସକ୍ରିୟ ରଖିଥିଲେ। କିରିଆକୋ କହିଛନ୍ତି, "ପାକିସ୍ତାନୀ ସେନା ଅଲ-କାଏଦା ବିଷୟରେ ଚିନ୍ତିତ ନଥିଲା; ସେମାନଙ୍କର ପ୍ରକୃତ ଚିନ୍ତା ଭାରତ ଥିଲା । ମୁଶରଫ ସ୍ପଷ୍ଟ ଭାବରେ ଆମେରିକାକୁ ସମର୍ଥନ କରୁଥିଲେ, କିନ୍ତୁ ପରଦା ପଛରେ ସେ ଭାରତ ବିରୋଧରେ କାମ କରୁଥିଲେ।" 

କିରିଆକୋଉଙ୍କ କହିବା ଅନୁସାରେ, ଏହା ଆମେରିକାର ଏକ ବଡ଼ ଭୁଲ ଥିଲା । ସେ ଯୁକ୍ତି ଦେଇଥିଲେ ଯେ ସାଉଦି ଆରବ ନିଜେ ପରମାଣୁ ପ୍ରଯୁକ୍ତିବିଦ୍ୟା ଉପରେ କାମ କରୁଥିଲା ।  ହୁଏତ ଏହି କାରଣରୁ ସେ AQ ଖାନଙ୍କୁ ସୁରକ୍ଷା ଦେଉଥିଲା। ସେ କହିଥିଲେ, "ଆମେ ସର୍ବଦା ସନ୍ଦେହ କରୁଥିଲୁ ଯେ ସାଉଦି ଆରବ ନିଜର ପରମାଣୁ କ୍ଷମତା ବିକାଶ କରୁଛି।" 

ସେ ଆହୁରି ମଧ୍ୟ କହିଛନ୍ତି ଯେ ସାମ୍ପ୍ରତିକ ସାଉଦି-ପାକିସ୍ତାନ ପ୍ରତିରକ୍ଷା ଚୁକ୍ତିନାମା ଏହି ପୁରୁଣା ସମ୍ପର୍କର ଏକ ଅଂଶ ହୋଇପାରେ। ଏବେ ସାଉଦି ଆରବ ହୁଏତ ବର୍ଷ ବର୍ଷ ପୂର୍ବେ କରିଥିବା ନିବେଶକୁ ପୁନରୁଦ୍ଧାର କରୁଛି। କିରିଆକୁ କହିଛନ୍ତି ଯେ ଆମେରିକା ଗଣତନ୍ତ୍ର ବିଷୟରେ କଥାବାର୍ତ୍ତା କରେ, କିନ୍ତୁ ଏହାର ବୈଦେଶିକ ନୀତି ସମ୍ପୂର୍ଣ୍ଣ ସ୍ୱାର୍ଥ ଉପରେ ଆଧାରିତ। ଆମେ ନିଜକୁ ଗଣତନ୍ତ୍ର ଏବଂ ମାନବାଧିକାରର ରକ୍ଷକ ଭାବରେ ଚିତ୍ରଣ କରୁ । କିନ୍ତୁ ସତ୍ୟ ହେଉଛି, ଆମେ କେବଳ ତାହା କରୁ ଯାହା ଆମକୁ ଲାଭ ଦିଏ," ସେ କହିଥିଲେ।

ତାଙ୍କ ଅନୁସାରେ, ଆମେରିକା ଓ ସାଉଦି ଆରବ ମଧ୍ୟରେ ସମ୍ପର୍କ ସମ୍ପୂର୍ଣ୍ଣ ଭାବରେ "ତେଲ ଓ ଅସ୍ତ୍ରଶସ୍ତ୍ର" ଉପରେ ଆଧାରିତ । ଆମେ ସେମାନଙ୍କ ତେଲ କିଣୁ, ଓ ସେମାନେ ଆମର ଅସ୍ତ୍ରଶସ୍ତ୍ର କିଣୁ। ଏହା ହିଁ ପ୍ରକୃତ ସମ୍ପର୍କ," ସେ କହିଥିଲେ। କିରିଆକୋଉ ମନେ ପକାଇଥିଲେ ଯେ କିପରି ଜଣେ ସାଉଦି ରକ୍ଷକ ଥରେ ତାଙ୍କୁ ଉପହାସ କରିଥିଲେ, "ତୁମେ ଆମର ଭଡାଟିଆ ରକ୍ଷକ - ଆମେ ତୁମକୁ ଏଠାକୁ ଆସିବା ପାଇଁ ଟଙ୍କା ଦେଇଥିଲୁ।