ବିଧାୟକ ଟଙ୍କଧର ତ୍ରିପାଠୀଙ୍କ ମହାନତା : ନିଜେ ଦେଉନାହାନ୍ତି ଭାଷଣ, ପଦ୍ମଶ୍ରୀ ଭାଗବତ ପ୍ରଧାନଙ୍କ ପାଇଁ ଧରିଛନ୍ତି ମାଇକ୍ରୋଫୋନ୍

Published By : Prameya-News7 Bureau | August 30, 2025 IST

ଝାରସୁଗୁଡା ୩୦।୮: ଝାରସୁଗୁଡ଼ା ବିଧାୟକଙ୍କ ମହାନତା । ବିଧାୟକ ଟଙ୍କଧର ତ୍ରିପାଠୀଙ୍କ ହାତରେ ଅଛି ମାଇକ୍ରୋଫୋନ । କିନ୍ତୁ ବିଧାୟକ ଭାଷଣ ଦେଉ ନାହାନ୍ତି । ଜଣେ ମହାନ ବ୍ୟକ୍ତିଙ୍କ ପାଇଁ ବିଧାୟକ ଧରିଛନ୍ତି ମାଇକ୍ରୋଫୋନ୍ । ତାହା ପୁଣି ଶବ୍ଦ ନୃତ୍ୟଗୁରୁଙ୍କ ପାଇଁ ।

ଶବ୍ଦ ନୃତ୍ୟଗୁରୁ ପଦ୍ମଶ୍ରୀ ଭାଗବତ ପ୍ରଧାନ ୮୮ ବର୍ଷରେ ପଦାର୍ପଣ କଲେଣି । ଝାରସୁଗୁଡା ବେହେରାମାଲ ଗଜଲକ୍ଷ୍ମୀ ପୂଜା କମିଟି ପକ୍ଷରୁ ଆୟୋଜିତ ନୂଆଁଖାଇ ଭେଟଘାଟ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ଭାଗବତ ପ୍ରଧାନ । କିନ୍ତୁ ବୟସାଧିକ୍ୟ ଯୋଗୁଁ ସେ ଠିଆ ହୋଇ ପାରୁ ନଥିଲେ କି ହାତରେ ମାଇକ୍ରୋଫୋନ୍ ଧରି ପାରୁନଥିଲେ । ଭାଷଣ ଦେବାକୁ ଅମଙ୍ଗ ହେଉଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ ବିଧାୟକ ଟଙ୍କଧର ତ୍ରିପାଠୀ । ଭାଗବତଙ୍କ ନିକଟରେ ବସିଥିଲେ ଟଙ୍କଧର । ତୁରନ୍ତ ଆୟୋଜକଙ୍କ ନିକଟରୁ ମାଇକ୍ରୋଫୋନ୍ ମଗାଇ ନିଜ ହାତରେ ଧରିଥିଲେ । ଆଉ ଭାଗବତ ପ୍ରଧାନ ଭାଷଣ ଦେଇ ନୂଆଁଖାଇର ତାତ୍ପର୍ଯ୍ୟ ବୁଝାଇଥିଲେ । ପ୍ରାୟ ୧୦ ମିନିଟ୍‌ରୁ ଅଧିକ ସମୟ ବିଧାୟକ ମାଇକ୍ରୋଫୋନ୍ ଧରିଥିଲେ । ବିଧାୟକଙ୍କ ଏଭଳି ମହାନତାକୁ ଉପସ୍ଥିତ ଲୋକେ ପ୍ରଶଂସା କରିଥିଲେ ।

You Can Read:

ଅବୁଝମାଡ ଜଙ୍ଗଲରେ ମାଓ ଶିବିର ଧ୍ବଂସ : କିଛି ମାଓବାଦୀ ପ୍ରାଣ ହରାଇଥିବା ଆଶଙ୍କା, ଶତାଧିକ ବନ୍ଧୁକ ସହ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ

 

 

 

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.