ଭୁବନେଶ୍ବର ୨୦।୩: ପୂର୍ବତନ ସ୍ବାସ୍ଥ୍ୟ ମନ୍ତ୍ରୀ ନବ ଦାସଙ୍କ ପରିବାର ସିବିଆଇ ତଦନ୍ତ ପାଇଁ ମୁଖ୍ୟମନ୍ତ୍ରୀଙ୍କୁ ନିବେଦନ ପରେ ତେଜିଛି ରାଜନୀତି । ଏ ପ୍ରସଙ୍ଗରେ ପ୍ରତିକ୍ରିୟା ରହିଛନ୍ତି ବରିଷ୍ଠ ବିଜେପି ବିଧାୟକ ଜୟ ନାରାୟଣ ମିଶ୍ର । ସେ କହିଛନ୍ତି, ମୁଖ୍ୟମନ୍ତ୍ରୀଙ୍କୁ ଭେଟିବି । ନବ ଦାସ ମୃତ୍ୟୁ ଘଟଣାର ସିବିଆଇ ତଦନ୍ତ ପାଇଁ ଚାପ ପ୍ରୟୋଗ କରିବି । ଯେଉଁମାନେ ଷଡ଼ଯନ୍ତ୍ରକାରୀ, ସେମାନେ ନିଶ୍ଚିତ ଦଣ୍ଡ ପାଇବେ । ହତ୍ୟାର ଦୁଇ ବର୍ଷ ପରେ ନବ ଦାସଙ୍କ ପରିବାର ସଦସ୍ୟଙ୍କ ଜ୍ଞାନ ଉଦୟ ହେଲା କେମିତି ବୋଲି ସେ ପ୍ରଶ୍ନ କରିଛନ୍ତି । ଖଣି ହେଉ, କୋଇଲା ଟ୍ରାନ୍ସପୋର୍ଟ ହେଉ ବା ରାଜନୈତିକ ଉଦ୍ଦେଶ୍ୟରେ ହତ୍ୟା ହେଉ, ହତ୍ୟା ସବୁବେଳେ ହତ୍ୟା ବୋଲି ଜୟ ନାରାୟଣ କହିଛନ୍ତି ।
ସେପଟେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି କହିଛନ୍ତି, ମୁଖ୍ୟମନ୍ତ୍ରୀଙ୍କ ମନ୍ତବ୍ୟରୁ ଲାଗୁଛି ଗୋପାଳ ଯଦି ଦୋଷୀ ନୁହେଁ ତାକୁ ବେଲ୍ରେ ଛାଡ଼ନ୍ତୁ । ଗୋପାଳ ପଛରେ କିଏ ଆଉ ହତ୍ୟାକାଣ୍ଡ ପଛରେ କିଏ ତାକୁ ଗିରଫ କରନ୍ତୁ । ନବ ଦାସଙ୍କ ପରିବାରର ଯେହେତୁ କ୍ରାଇମବ୍ରାଞ୍ଚ ଉପରେ ଭରସା ନାହିଁ ତେଣୁ ସିବିଆଇ ତଦନ୍ତ ପାଇଁ ନିର୍ଦ୍ଦେଶ ଦିଅନ୍ତୁ ବୋଲି ତାରା କହିଛନ୍ତି ।
You Can Read:
ଗାନ୍ଧୀଛକ କ୍ରାଇମ୍ ସ୍ପଟ୍ରେ କ୍ରାଇମବ୍ରାଞ୍ଚ ଟିମ୍ର ତନାଘନା, ଜିଲ୍ଲା ମୁଖ୍ୟ ଚିକିତ୍ସାଳୟରେ ବି ତଦନ୍ତ
