ଜଟଣୀ: ଓଡ଼ିଶା ପ୍ରସିଦ୍ଧ ଜଟଣୀ ଗଣେଶ ପୂଜାର ତୃତୀୟ ଦିବସରେ ବହୁ ଗହଳି ଦେଖିବାକୁ ମିଳିଥିଲା l ଜଟଣୀର ଛୋଟ ବଡ ୩ ଶହରୁ ଉର୍ଦ୍ଧ୍ଵ ପୂଜା ମଣ୍ଡପରେ ପୂଜା ପାଉଛନ୍ତି ଗଜାନନ l ସୁନ୍ଦର ମୂର୍ତ୍ତି ସହ ସବୁ ପୂଜା ମଣ୍ଡପର ସାଜସଜ୍ଜା ତ୍ବରଣ ଆଦି କାମ   ଖୁବ ଆକର୍ଷଣ ହୋଇଛି l  ଗଣେଶ ପୂଜାକୁ ନେଇ ଜଟଣୀ ସହର ଚଳଚଞ୍ଚଳ ଥିବାବେଳେ ଅଗ୍ରପୁଜ୍ୟ ଗଜାନନଙ୍କ ପୂଜାକୁ ନେଇ ଓଡିଶା ପ୍ରଶିଦ୍ଧ ଜଟଣୀ ସହରେ ଧୁମ୍ ଧାମରେ ପାଳନ କରାଯାଉଛି l 

ଜଟଣୀର ରାଜା ବଜାର,ବଡବଜାର, କୁଦିଆରୀ ବଜ଼ାର,ସୀତାରାମ ଛକ , ମାଛ ମାର୍କେଟ, ମହୁଲ ଗୁଡିକ ଛକ, ଥାନା ଛକ , ହରିଭାଇନା ଛକ ,ଗୋଳେଇ ମାର୍କେଟ, ପୋଷ୍ଟ ଅଫିସ ଛକ,ଗୋପବନ୍ଧୁ ବଜାରରେ ସନ୍ଧ୍ୟା ହେଲେ ଶ୍ରଦ୍ଧାଳୁଙ୍କ ଖୁବ ଭିଡ଼ ଜମୁଛି l ଚଳିତ ବର୍ଷ ଆକର୍ଷଣୀୟ ଆଲୋକର ସାଜସଜା , ତ୍ବରଣ, ପାଖପାଖି ୧୦ ଟି ଯାତ୍ରା ପାର୍ଟି,  ୩ଟି ମୀନାବଜାର ସହିତ ସାଂସ୍କୃତିକ କାର୍ଯ୍ୟକ୍ରମରେ ବିଭିନ୍ନ ପୂଜାମଣ୍ଡପ ଆୟୋଜନ କରାଯାଇଛି l ଗଣେଶ ଚତୁର୍ଥୀ ତିଥିରୁ ପୂର୍ଣ୍ଣମୀ ପର୍ଯ୍ୟନ୍ତ ୧୨ ଦିନ ଧରି ଗଜାନନ ଙ୍କ ପୂଜା ଜଟଣୀରେ ଅନୁଷ୍ଠିତ ହେବ l ଶାନ୍ତି ଶୃଙ୍ଖଳା ପାଇଁ କମିଶନରେଟ ପୋଲିସ ପକ୍ଷରୁ ମଧ୍ୟ୍ୟ ବ୍ୟାପକ ବନ୍ଦୋବସ୍ତ କରା ଯାଇଛି l 

କମିଶନରରେଟ ପୋଲିସ ତରଫରୁ ଚଳିତ ବର୍ଷ ଗଣେଶ ପୂଜା କିଭଳିଭାବେ ସରସ ସୁନ୍ଦର ହବ ସେଇ ନେଇ ଖୁବ ବନ୍ଦବସ୍ତ ମଧ୍ୟ ହେବା ସହ ଜଣେ ADCP, 4 ଜଣ ACP, ୪ ଇନ୍ସପେକ୍ଟର, ୫୦ରୁ ଉର୍ଦ୍ଧ୍ଵ ପୋଲିସ ଅଫିସର ସହ ୧୨ ପ୍ଲାଟୁନ ଫୋର୍ସ, ୧୬୦ ହୋମ ଗାର୍ଡ, ୨୦ ଜଣ ଲେଡି ପୋଲିସ ସହ   ସମସ୍ତ ମୁଖ୍ୟ ପୂଜା  ମଣ୍ଡପରେ ସାଧା ପୋଷାକରେ ପୋଲିସ ରହିବା ସହ ସବୁ ପ୍ରକାର ସହଯୋଗ କରାଯିବ ବୋଲି କମିଶନରରେଟ ପୋଲିସ ତରଫରୁ କରାଯାଇଛି l