ନୂଆଦିଲ୍ଲୀ ୦୩/୦୫: ଜମ୍ମୁ-କାଶ୍ମୀରର ପହଲଗାମରେ ନୀରିହ ପର୍ଯ୍ୟଟକଙ୍କୁ ହତ୍ୟା ପରେ ବଦ୍ଲା ଆକ୍ରୋଶରେ ଜଳୁଛି ସାରା ଦେଶ । ପ୍ରତିଶୋଧ ନିଆଁରେ ଜଳୁଛି ଭାରତ । ୨୨ ଏପ୍ରିଲରେ ପହଲଗାମର ବୈସାରନ ଉପତ୍ୟକାରେ ଆତଙ୍କବାଦୀମାନେ ୨୬ ଜଣ ପର୍ଯ୍ୟଟକଙ୍କୁ ଗୁଳି କରି ହତ୍ୟା କରିଥିଲେ। ଏହି ହତ୍ୟାକାଣ୍ଡ ବିଷୟରେ ଯିଏ ଶୁଣିଲା, ସିଏ ସରକାରଙ୍କୁ କେବଳ ଗୋଟିଏ ଦାବି କରିଥିଲେ ଯେ ଆତଙ୍କବାଦୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।
ମଧ୍ୟପ୍ରଦେଶର ଜବଲପୁରର ମହମ୍ମଦ ଖାନ ବି ଘଟଣାକୁ ନେଇ ହୋଇପଡିଥିଲେ ବିଚଳିତ । ବାଧ୍ୟ ହୋଇ, ସେ ନିଜକୁ ଧର୍ମ ପରିବର୍ତ୍ତନ କରିବାକୁ ନିଷ୍ପତ୍ତି ନେଲେ । ହିନ୍ଦୁ ଧର୍ମ ଗ୍ରହଣ କଲେ ଓ ତାଙ୍କ ପ୍ରେମିକାଙ୍କୁ ମନ୍ଦିରରେ କଲେ ବିବାହ ।
ସୂଚନା ଥାଉକି, ଜବଲପୁର ରାଞ୍ଝିର, ମୁସଲିମ ଯୁବକ ମହମ୍ମଦ ଖାନ । ହେଲେ ଏବେ ସେ ବଦଳିଯାଇ ହୋଇଗଲେ ସଞ୍ଜୁ । ବିନ କୌଣସି ଦ୍ୱିଧାରେ ନିଜ ଇଚ୍ଛାରେ ହିନ୍ଦୁ ଧର୍ମ ଗ୍ରହଣ କଲେ । ହିନ୍ଦୁ ରୀତିନୀତି ଅନୁସାରେ ବିବାହ କଲେ । ପହଲଗାମରେ ହୋଇଥିବା ଆତଙ୍କବାଦୀ ଘଟଣାରେ ଆହତ ଯୁବକ ମହମ୍ମଦ ଖାନ ଇସଲାମ ଧର୍ମ ତ୍ୟାଗ କରି ରାମ ମନ୍ଦିରରେ ବୈଦିକ ରୀତିନୀତିରେ ହିନ୍ଦୁ ଧର୍ମ ଗ୍ରହଣ କଲେ । ଏହା ସହିତ ସେ ତାଙ୍କ ନାମ ପରିବର୍ତ୍ତନ କରି 'ସଞ୍ଜୁ' ବନିଗଲେ ।
ସଞ୍ଜୁ ଓ ତାଙ୍କ ପ୍ରେମିକା ସୃଷ୍ଟି ହାଲଦାର । ଦୁହେଁ ଜବଲପୁରର ରାଞ୍ଝି ଅଞ୍ଚଳର ବାସିନ୍ଦା । ଯୁବକ ଜଣକ ସିଲେଇ ମେସିନ ମରାମତି କାମ କରନ୍ତି । ଯୁବତୀ ଜଣଙ୍କ ଟାଇପିଂ ଶିଖିବା ପାଇଁ ଆସୁଥିଲା । ଦେଖା ସାକ୍ଷାତ ଭିତରେ ଉଭୟଙ୍କ ମଧ୍ୟରେ ଗଢି ଉଠିଥିଲା ପ୍ରେମ ସମ୍ପର୍କ । ଗତ ତିନି ବର୍ଷ ଧରି ଉଭୟ ଉଭୟଙ୍କୁ ଭଲ ପାଇ ବସିଥିଲେ । ପରିବାରର ଆପତ୍ତି ଓ ସାମାଜିକ ବିରୋଧ ସତ୍ତ୍ୱେ, ଦୁହେଁ ପରସ୍ପରକୁ ଛାଡି ପାରିନଥିଲେ । ଶେଷରେ ବିବାହ କରିବାକୁ ନିଷ୍ପତ୍ତି ନେଇଥିଲେ।
ସଞ୍ଜୁ ଓ ସୃଷ୍ଟି ପ୍ରଥମେ ଏସଡିଏମଙ୍କ ସମ୍ମୁଖରେ ହାଜର ହୋଇ କୋର୍ଟରେ ବିବାହ କରିଥିଲେ । ପରେ ରାମ ମନ୍ଦିରରେ ହିନ୍ଦୁ ପରମ୍ପରା ଅନୁସାରେ ବିବାହ ସମ୍ପନ୍ନ ହୋଇଥିଲା। ବିବାହ ସମୟରେ, ପୁରୋହିତ ମନ୍ତ୍ର ଜପ କରିବା ସମୟରେ ଉଭୟଙ୍କୁ ଗଙ୍ଗାଜଳ ଦେଇଥିଲେ । ସଞ୍ଜୁ ସୃଷ୍ଟିଙ୍କ ମଥାରେ ସିନ୍ଦୁର ଦେଇ କରି ତାଙ୍କୁ ମାଳା ପିନ୍ଧାଇଥିଲେ । ଏହା ପରେ, ଦୁହେଁ ପ୍ରଭୁ ଶ୍ରୀରାମ ଓ ମାତା ଜାନକୀଙ୍କ ପାଦ ତଳେ ପଡ଼ି ଏକ ନୂତନ ଜୀବନ ଆରମ୍ଭ କରିବାର ପ୍ରତିଶୃତି ନେଇଥିଲେ ।
ଏହି କାର୍ଯ୍ୟକ୍ରମରେ ବଜରଙ୍ଗ ଦଳ ଏବଂ ଅନ୍ୟାନ୍ୟ ହିନ୍ଦୁ ସଂଗଠନର କର୍ମୀମାନେ ମଧ୍ୟ ଉପସ୍ଥିତ ଥିଲେ। ଝିଅଟିର ବାପାମାଆ ମଧ୍ୟ ବିବାହ ଉତ୍ସବରେ ଉପସ୍ଥିତ ଥିଲେ। ପୂର୍ବରୁ ଝିଅର ମାଆ ସ୍ପଷ୍ଟ ଭାବରେ କହିଥିଲେ ଯେ, ପୁଅଟି କୋର୍ଟରେ ହିନ୍ଦୁ ଧର୍ମ ଗ୍ରହଣ ନ କରିବା ଯାଏଁ ସେ ଏହି ବିବାହକୁ ଗ୍ରହଣ କରିବେ ନାହିଁ । ତେବେ ସଞ୍ଜୁ ପହଲଗାମ ହମଲା ପରେ ସେ ବହୁତ ଭାଙ୍ଗିପଡିଥିଲେ । ନିଷ୍ପତ୍ତି ନେଇଥିଲେ ଯେ ସେ ତାଙ୍କର ଧର୍ମ ପରିବର୍ତ୍ତନ କରି ହିନ୍ଦୁ ଧର୍ମ ଗ୍ରହଣ କରିବେ । ଏହି ସମୟରେ, ଝିଅଟିର ପରିବାର ମଧ୍ୟ ତାଙ୍କୁ ହିନ୍ଦୁ ଧର୍ମ ଗ୍ରହଣ କରିବାକୁ କହିଥିଲେ । ବହୁତ ଚିନ୍ତା କରିବା ପରେ, ସେ ତାଙ୍କ ଧର୍ମ ପରିବର୍ତ୍ତନ କଲେ।
