ବେଙ୍ଗାଲୁରୁ: ମହାକାଶରେ ଝୁଲିଲା ଇସ୍ରୋର ୧୦୦ତମ ମିଶନ । ହାଇ-ଅର୍ବିଟରେ ପହଞ୍ଚିବା ପୂର୍ବରୁ ସାଟେଲାଇଟରେ ତ୍ରୁଟି । ଏନଭିଏସ-୦୨ରେ ବୈଷୟିକ ତ୍ରୁଟି ଦେଖାଦେଇଛି । ଥ୍ରଷ୍ଟର୍ସ ଫାୟାର ଭଲ୍ବ ଖୋଲିବାରେ ସମସ୍ୟା ଉପୁଜିିଥିବା ଭାରତୀୟ ମହାକାଶ ଗବେଷଣା ସଂସ୍ଥା ପକ୍ଷରୁ ସୂଚନା ମିଳିଛି ।
ଉପଗ୍ରହ ଅର୍ବିଟରେ ପହଞ୍ଚିବା ପୂର୍ବରୁ ଏନଭିଏସ-୦୨ରେ ସାଟେଲାଇଟରେ ସମସ୍ୟା ଦେଖାଇଦେଇଥିଲା । ଫଳରେ କକ୍ଷପଥ ବୃଦ୍ଧି କରିବା ଆଭିଯାନ ସମ୍ଭବ ହୋଇନାହିଁ । ୟୁଆରରାଓ ସାଟେଲାଇଟ ସେଣ୍ଟର ଦ୍ବାରା ନିର୍ମିତ ଉପଗ୍ରହ ଏନଭିଏସ-୦୨ ଏକ ଜିଓଷ୍ଟେସନାରୀ ସର୍କୁଲା କକ୍ଷପଥରେ ସ୍ଥାପନ କରିବାର ଥିଲା । ସେପଟେ ଇସ୍ରୋ କର୍ତ୍ତୃପକ୍ଷ କହିଛନ୍ତି, ନାଭିଗେସନ ଉପଗ୍ରହ ଏବେ ଇଲିପ୍ଟିକାଲ ଅର୍ବିଟରେ ରହିଛି । ସମସ୍ୟାର ସମାଧାନ ପାଇଁ ବିକଳ୍ପ ରଣନୀତି ପ୍ରସ୍ତୁତ କରାଯାଉଛି । ୨୦୧୩ ମସିହା ପରେ ଇସ୍ରୋ NavIC ସିରିଜ୍ର ମୋଟ୍ ୧୧ଟି ସାଟେଲାଇଟ୍ ଲଞ୍ଚ କରିଛି । ଯେଉଁଥିରେ ୬ଟି ସମ୍ପୂର୍ଣ୍ଣ କିମ୍ବା ଅଂଶିକ ଭାବେ ଅସଫଳ ହୋଇଛି ।
ଜାନୁଆରୀ ୨୯ ତାରିଖରେ ଇସ୍ରୋ ତା’ର ୧୦୦ତମ ମିଶନ ଲଞ୍ଚ କରିଥିଲା । ଏହାଥିଲା ରିଜିଓନାଲ ନାଭିଗେସନ ସାଟେଲାଟ୍ ସିଷ୍ଟମ। ମାତ୍ର ହାଇ-ଅର୍ବିଟରେ ପହଞ୍ଚିବା ପୂର୍ବରୁ ଏଥିରେ ସମସ୍ୟା ଦେଖା ଦେଇଛି । ୧୯୯୯ ମସିହାରେ ନାବିକ ପାଇଁ ପ୍ରକ୍ରିୟା ଆରମ୍ଭ ହୋଇଥିଲା। ଏହାକୁ ୨୦୧୩ରେ ଉତକ୍ଷେପଣ କରାଯାଇଥିଲା।
