ନୂଆଦିଲ୍ଲୀ: ଇସ୍ରାଏଲ ଏବଂ ଇରାନ ମଧ୍ୟରେ ଚାଲିଥିବା ଯୁଦ୍ଧରେ ଡିଆଁ ମାରିଛି ଆମେରିକା। ଆମେରିକା ଇରାନର ତିନୋଟି ପରମାଣୁ ପ୍ଲାଣ୍ଟ ଉପରେ ଆକ୍ରମଣ କରି ଧ୍ୱଂସ କରିଥିବା ଦାବି କରିଛି। ଏହି ଆକ୍ରମଣ ପରେ ଚରମ ଚେତାବନୀ ଦେଇଛନ୍ତି ଇରାନ ସୁପ୍ରିମ ଲିଡର। କହିଛନ୍ତି ଯେ ଆମେରିକା ଏହାକୁ ଆରମ୍ଭ କରିଛି, ଏବେ ଆମେ ଏହାକୁ ଶେଷ କରିବୁ। ଇରାନର ବାୟୁସୀମା ଉଲ୍ଲଂଘନ କରି ଆମେରିକା ଇରାନ ବିରୁଦ୍ଧରେ ଏକ ବଡ଼ ଅପରାଧ କରିଛି। ଇସ୍ରାଏଲ ମଧ୍ୟ ଏବେ ସତର୍କ ହୋଇଯାଇଛି।
ତେହରାନ ପକ୍ଷରୁ କୁହାଯାଇଛି ପଶ୍ଚିମ ଏସିଆ ଅଞ୍ଚଳରେ ଥିବା ପ୍ରତ୍ୟେକ ଆମେରିକୀୟ ନାଗରିକ କିମ୍ବା ସାମରିକ କର୍ମଚାରୀ ଏବେ ଏହାର "ଟାର୍ଗେଟ"। ଇରାନର ବାୟୁସୀମା ଉଲ୍ଲଂଘନ କରି ଆମେରିକା ଇରାନ ବିରୁଦ୍ଧରେ ଏକ ଗମ୍ଭୀର ଅପରାଧ କରିଛି। ପଶ୍ଚିମ ଏସୀୟ ଅଞ୍ଚଳରେ ଏହାର କୌଣସି ସ୍ଥାନ ନାହିଁ। ମିଷ୍ଟର ଟ୍ରମ୍ପ ଆପଣ ଏହାକୁ ଆରମ୍ଭ କରିଥିଲେ କିନ୍ତୁ ଆମେ ଏହାକୁ ସମାପ୍ତ କରିବୁ।
ଏହି ଆକ୍ରମଣ ସମ୍ପର୍କରେ, ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନି ମଧ୍ୟ ୱାଶିଂଟନକୁ କଡ଼ା ଚେତାବନୀ ଦେଇ କହିଛନ୍ତି, "ଆମେରିକୀୟମାନେ ପୂର୍ବ ଅପେକ୍ଷା ଅଧିକ କ୍ଷତି ଏବଂ ଆଘାତ ଆଶା କରିବା ଉଚିତ।" ଖାମେନିଙ୍କ ଏହି ବୟାନ ଏହି ଅଞ୍ଚଳରେ ଉତ୍ତେଜନାକୁ ଆହୁରି ବୃଦ୍ଧି କରୁଛି, ଇରାନ ଏହାକୁ ଏକ ଅପ୍ରବର୍ତ୍ତନୀୟ ଯୁଦ୍ଧ କାର୍ଯ୍ୟ ଭାବରେ ଦେଖୁଛି।
ଏହି ସମୟରେ, ସର୍ବୋଚ୍ଚ ନେତାଙ୍କ ମତକୁ ଦୋହରାଇ ଖାମେନିଙ୍କ ପ୍ରତିନିଧି ହୋସେନ୍ ଶରିୟତମାଦାରୀ ତୁରନ୍ତ ପ୍ରତିଶୋଧ ନେବାକୁ ଆହ୍ୱାନ ଦେଇଛନ୍ତି। ସେ ଏହା ମଧ୍ୟ କହିଛନ୍ତି, "ଏବେ ବିଳମ୍ବ ନକରି ପଦକ୍ଷେପ ନେବାର ଆମର ପାଳି। ପ୍ରଥମ ପଦକ୍ଷେପ ସ୍ୱରୂପ, ଆମେ ବାହାରିନରେ ଆମେରିକୀୟ ନୌସେନା ନୌବାହିନୀ ଉପରେ କ୍ଷେପଣାସ୍ତ୍ର ଆକ୍ରମଣ କରିବା ଉଚିତ। ଆମେରିକୀୟ, ବ୍ରିଟିଶ, ଜର୍ମାନ ଏବଂ ଫରାସୀ ଜାହାଜ ପାଇଁ ହର୍ମୁଜ୍ ପ୍ରଣାଳୀକୁ ମଧ୍ୟ ବନ୍ଦ କରିବା ଉଚିତ।
ଇରାନ-ଇସ୍ରାଏଲ୍ ଉତ୍ତେଜନା ବଢିବାରେ ଲାଗିଛି । ଦୁଇ ଦେଶରେ ବିବାଦରେ ଏଣ୍ଟ୍ରି ମାରିଛି ଆମେରିକା । ଇରାନର ତିନୋଟି ପରମାଣୁ ଆଡ୍ଡା ଉପରେ ବୋମା ବର୍ଷା କରିଛି ଆମେରିକା ସେନା । ଇରାନ୍ର ୩ ପରମାଣୁ ଠିକଣା ଫୋର୍ଡୋ, ନତାଞ୍ଜ ଏବଂ ଇସ୍ଫହାନକୁ ବି୨ ବମ୍ବର ଓ ବଙ୍କର ବଷ୍ଟର ବୋମାରେ ଧ୍ବଂସ କରିଛି । ଫଳରେ ଇରାନ୍ର ନ୍ୟୁକ୍ଲିୟର ଶକ୍ତି ସଂପର୍ଣ୍ଣ ହେବା ସ୍ୱପ୍ନ ଭାଙ୍ଗିଛି । ଇରାନ୍ର ଯେଉଁ ୩ ଠିକଣା ଧ୍ୱସ୍ତ ହୋଇଛି ତାହା ବେଶ୍ ଗୁରୁତ୍ୱପୂର୍ଣ୍ଣ ଥିଲା। ଆମେରିକାର ଏହି ହମଲା ପରେ ଡୋନାଲ୍ଡ ଟ୍ରମ୍ପଙ୍କୁ ଚେତାବନୀ ଦେଇଛି ଇରାନ୍ ।
