ନୂଆଦିଲ୍ଲୀ ୦୫।୦୬; iPhone ଏବଂ iPad ଚଲାଉଥିବା କୋଟି କୋଟି ୟୁଜର୍ସଙ୍କୁ ଝଟକା । ଆଇଫୋନରେ ଆଉ ଚଲାଇପାରିବେ ନାହିଁ ୟୁଟ୍ୟୁବ୍। ପ୍ରକୃତରେ YouTube ଏକ ନୂତନ ଅପଡେଟ୍ ଆଣିଛି, ଯାହା ଦ୍ୱାରା କିଛି ବଛା ବଛା ୟୁଜର୍ସଙ୍କ ପାଇଁ ଆପ୍ ସପୋର୍ଟ ବନ୍ଦ କରିଦିଆଯାଇଛି। ୟୁଟ୍ୟୁବ ଆପ୍ର ଏକ ନୂତନ ଭର୍ସନ ଜାରି କରିଛି। ଏହି ନୂତନ ଭର୍ସନ ଯୋଗୁଁ, ପୁରୁଣା iPhone ଏବଂ iPad ଚଲାଉଥିବା ୟୁଜର୍ସଙ୍କ ପାଇଁ ୟୁଟ୍ୟୁବ ଆପ୍ର ସପୋର୍ଟ ବନ୍ଦ କରିଦିଆଯାଇଛି। YouTube ଆପ୍ର ନୂଆ ଭର୍ସନ iOS 16 ଏବଂ ତା'ପର ମଡେଲ୍ଗୁଡ଼ିକୁ ସପୋର୍ଟ କରିବ। ଯାହାର ଅର୍ଥ ହେଉଛି ଯଦି ଆପଣଙ୍କର ଆଇଫୋନ୍ କିମ୍ବା iPad iOS 15 ରେ କାମ କରିବ ନାହିଁ ।
ଏହି ମଡେଲ୍ରେ କରିବ ନାହିଁ କାମ
YouTubeର ନୂଆ ଅପଡେଟ୍ ପରେ, ଏହି ଆପ୍ ଆଉ ତଳେ ଉଲ୍ଲେଖିତ iPhone ଏବଂ iPad ମଡେଲଗୁଡ଼ିକୁ ସପୋର୍ଟ କରିବ ନାହିଁ। କିନ୍ତୁ ୟୁଜର୍ସମାନେ ବ୍ରାଉଜର ମାଧ୍ୟମରେ YouTube ଆକ୍ସେସ୍ କରିପାରିବେ। ଯଦି ବ୍ରାଉଜର ମାଧ୍ୟମରେ YouTube ବ୍ୟବହାର କରାଯାଏ। ତେବେ ଆପଣ ଆପ୍ରେ ଉପଲବ୍ଧ ସୁବିଧା ଯେପରିକି ସୁମ୍ଥ ନେଭିଗେସନ୍, ଅଫଲାଇନ୍ ସପୋର୍ଟ ଏବଂ ଭିଡିଓ ଷ୍ଟ୍ରିମିଂ ଟୁଲ୍ସ ଇତ୍ୟାଦିର ଲାଭ ଉଠାଇପାରିବେ ନାହିଁ।
- iPhone 6s Plus
- iPhone 6s
- iPhone 7 Plus
- iPhone 7
- iPod Touch (7th Generation)
- iPhone SE (1st Generation)
- iPad mini 4
- iPad Air 2
ଏହା ପ୍ରଥମ ଥର ନୁହେଁ ଯେ କୌଣସି ଆପ୍ ପୁରୁଣା ମଡେଲଗୁଡ଼ିକୁ ସମର୍ଥନ କରିବା ବନ୍ଦ କରିଦେଇଛି, WhatsApp ମଧ୍ୟ ପୁରୁଣା ସଂସ୍କରଣକୁ ସମର୍ଥନ କରୁଥିବା ମଡେଲଗୁଡ଼ିକୁ ସମର୍ଥନ କରିବା ବନ୍ଦ କରିଦେଇଛି। ଏଥିରୁ ଗୋଟିଏ କଥା ସ୍ପଷ୍ଟ ଯେ ଡେଭଲପରମାନେ ଅଧିକ ଉନ୍ନତ ସଫ୍ଟୱେର୍ ସହିତ ଆସୁଥିବା ନୂତନ ଡିଭାଇସ୍ ଉପରେ ଧ୍ୟାନ ଦେଉଛନ୍ତି।
YouTube ଆପ୍ ଚଲାଇବାକୁ ଚାହାଁନ୍ତି ତେବେ କ'ଣ କରିବେ?
ୟୁଟ୍ୟୁବ ପୁରୁଣା ଡିଭାଇସ୍ ପାଇଁ ସପୋର୍ଟ ବନ୍ଦ କରିବା ଏକ ସୂଚକ ଯେ ଏହା ଫୋନ୍ ଅପଗ୍ରେଡ୍ କରିବାର ସମୟ। ଯଦି ଆପଣ iPhone ରେ YouTube ଆପ୍ ଚଲାଇବାକୁ ଚାହାଁନ୍ତି, ତେବେ ଆପଣଙ୍କୁ iOS 16 କିମ୍ବା ତା'ଠାରୁ ଅଧିକ iOS ଭର୍ସନ ସହିତ ଆସୁଥିବା ଏକ ନୂତନ ଫୋନ୍ କିଣିବାକୁ ପଡିବ।
