ଜନ୍ମ ନେଇଛନ୍ତି ପ୍ରଭୁ ଯୀଶୁ, ସାରା ବିଶ୍ବରେ ଚର୍ଚ୍ଚରେ ସମୂହ ପ୍ରାର୍ଥନା

ଭୁବନେଶ୍ୱର ୨୫।୧୨ : ଆଜି ବଡ଼ଦିନ। ଜନ୍ମ ନେଇଛନ୍ତି ପ୍ରଭୁ ଯୀଶୁ। ସାରା ବିଶ୍ବରେ ଚର୍ଚ୍ଚରେ ଚାଲିଛି ସମୂହ ପ୍ରାର୍ଥନା। ସବୁଠି ସଜେଇ ହୋଇଛି ଚର୍ଚ୍ଚ। ରାତି ୧୦ଟାରୁ ବିଭିନ୍ନ ଚର୍ଚ୍ଚରେ ଭିଡ଼ ଲାଗିଥିଲା । କିଏ ଗୋଲାପ ଧରି ଆସୁଥିଲେ ତ କିଏ ମହମବତୀ ବତୀ। କ୍ରିସମାସ୍ କ୍ୟାରୋଲସ୍ ରେ ଗଞ୍ଜରୁଥାଏ ଚର୍ଚ୍ଚ ପରିସର। ପିଲାମାନେ ସାନ୍ତାକ୍ଲଜ୍ ପୋଷାକ ପିନ୍ଧି ଆସିଥାନ୍ତି । ଥଣ୍ଡାକାକରକୁ ଖାତି ଖାତିର ନକରି ପ୍ରଭୁ ଯୀଶୁଙ୍କ ଆଗମନକୁ ସମସ୍ତେ ଉତ୍ସୁକତାର ସହ ଅପେକ୍ଷା କରିଥାନ୍ତି। ନିର୍ଦ୍ଧାରିତ ରାତି ୧୨ଟା ବେଳକୁ ସେହି ପ୍ରତିକ୍ଷାର ଅନ୍ତ ଘଟିବା ସହ ଜନ୍ମ ନେଇଛନ୍ତି ପ୍ରଭୁ ଯୀଶୁଖ୍ରୀଷ୍ଟ । ଏହା ଏହାପରେ ଆରମ୍ଭ ହୋଇଛି ସେଲିବ୍ରେସନ୍ । ରାତି ତମାମ ଚର୍ଚ୍ଚରେ ଆନନ୍ଦଉଲ୍ଲାସର ପାଳନ ହୋଇଛି ବଡ଼ଦିନ। ଶିଶୁ ଯୀଶୁଙ୍କୁ ଗୋଲାପ ଫୁଲ ଦିଆଯାଇଥିଲା । ମହମବତୀ ଜାଳି ତାଙ୍କ ସ୍ବାଗତ କରାଯାଇଥିଲା। ମେଣ୍ଢାଶାଳରେ କେକ୍ କଟାଯିବା ସହ ବଡ଼ଦିନର ବାର୍ଭାନେଇ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଆଜି ବଡ଼ଦିନ ଅବସରରେ ମଧ୍ୟ ଚର୍ଚ୍ଚରେ ଶ୍ରଦ୍ଧାଳୁଙ୍କ ସମାଗମ ହୋଇଛି । ପ୍ରଭୁ ଯୀଶୁଙ୍କ ଦର୍ଶନ ପାଇଁ ଦିନତମାମ ଚର୍ଚ୍ଚ ଖୋଲାରହିବ । ବଡ଼ ଦିନ ପାଇଁ ଖ୍ରୀଷ୍ଟଧର୍ମାବଲମ୍ବୀଙ୍କ ପରିବାର ମଧ୍ୟରେ ଉତ୍ସବର ପରିବେଶ।

ସେହିପରି ବଡଦିନ ପାଳନ ପାଇଁ ଜି.ଉଦୟଗିରି ସମେତ କନ୍ଧମାଳର ବିଭିନ୍ନ ଚର୍ଚ୍ଚ ସଜେଇ ହୋଇଛି । ମଧ୍ୟ ରାତ୍ରରେ ପ୍ରଭୂ ଯୀଶୁ ଧରବତରଣ କରିଛନ୍ତି। ଏହି ମୁହୂର୍ତ୍ତ କୁ ସମସ୍ତେ ଅପେକ୍ଷା କରିଥିଲେ, ମଧ୍ୟ ରାତ୍ର ପ୍ରାର୍ଥନା ଆୟୋଜନ କରାଯାଇଥିଲା। ବଡଦିନ କୁ ଦୃଷ୍ଟି ରେ ରଖି ପୁଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ପୁଲିସ ପକ୍ଷରୁ ରୁ ଫ୍ଲାଗ ମାର୍ଚ୍ଚ କରିବା ସହିତ ସମସ୍ତ ପ୍ରବେଶ ପଥରେ ନାକା କରି ଗାଡି ମୋଟର ଯାଞ୍ଚ କରୁଛି। କଡା ପାଟ୍ରୋଲିଙ୍ଗ ବ୍ୟବସ୍ଥା କରାଯିବ ସହିତ ସ୍ୱତନ୍ତ୍ର ସୁରକ୍ଷା କର୍ମୀ ମୁତୟନ କରାଯାଇଛି।