ଆସିଷ୍ଟାଣ୍ଟଙ୍କ ପାଇଁ ପତ୍ନୀଙ୍କୁ ଧୋକ୍କା ଦେଇଥିଲେ ଅଷ୍ଟ୍ରେଲିଆର ପୂର୍ବ କ୍ୟାପଟେନ୍, ଭରଣପୋଷଣରେ ଦେଇଥିଲେ ୩୦୦ କୋଟି ଟଙ୍କା

ନୂଆଦିଲ୍ଲୀ ୨୫।୦୨; ପୂର୍ବତନ ଅଷ୍ଟ୍ରେଲିୟ ଅଧିନାୟକ ମାଇକେଲ କ୍ଲାର୍କ। ସେ କେବଳ ତାଙ୍କ ଖେଳ ପାଇଁ ନୁହେଁ ବରଂ ତାଙ୍କ ବ୍ୟକ୍ତିଗତ ଜୀବନ ପାଇଁ ମଧ୍ୟ ଚର୍ଚ୍ଚାରେ ଅଛନ୍ତି। ୨୦୧୨ ମସିହାରେ ସେ ଅଷ୍ଟ୍ରେଲିୟ ସୁପରମଡେଲ କାଇଲି ବଣ୍ଡିଙ୍କୁ ବିବାହ କରିଥିଲେ। ଏହି ବିବାହ ସେତେବେଳେ ବହୁତ ଚର୍ଚ୍ଚାରେ ଥିଲା। ଉଭୟଙ୍କୁ ପ୍ରାୟତଃ ମଡେଲିଂ ଏବଂ କ୍ରିକେଟ ଇଭେଣ୍ଟରେ ଦେଖାଯାଉଥିଲା। କ୍ଲାର୍କ ଏବଂ କାଇଲି ଖୁସି ଦାମ୍ପତୟ ଜୀବନ କାଟୁଥିଲେ । କିନ୍ତୁ କ୍ଲାର୍କ କ୍ରିକେଟରୁ ଅବସର ନେବା ମାତ୍ରେ ପରିସ୍ଥିତି ଖରାପ ହେବାକୁ ଲାଗିଲା। ଯେତେବେଳେ କ୍ଲାର୍କଙ୍କ ତାଙ୍କ ଆସିଟାଣ୍ଟଙ୍କ ସହିତ ଆଫେୟାର୍ସ ଥିବା ଖବର ଗଣମାଧ୍ୟମରେ ପ୍ରକାଶ ପାଇଲା, ସେତେବେଳେ ସବୁକିଛି ବିଗିଡି ଯାଇଥିଲା। ଏହି ସମ୍ପର୍କ ଯୋଗୁଁ ତାଙ୍କର ୮ ବର୍ଷର ବୈବାହିକ ଜୀବନ ଭାଙ୍ଗିଗଲା। ଯାହା ଫଳରେ ତାଙ୍କ ପତ୍ନୀ କାଇଲି ବଣ୍ଡିଙ୍କ ସହ ଛାଡପତ୍ର ହୋଇଥିଲା।

ମାଇକେଲ କ୍ଲାର୍କଙ୍କ ପୂର୍ବତନ ପତ୍ନୀ କାଇଲି ବଣ୍ଡି ମଧ୍ୟ ଜଣେ ଜଣାଶୁଣା ଅଷ୍ଟ୍ରେଲିୟ ସେଲିବ୍ରିଟି। ସେ ତାଙ୍କ ଦେଶରେ ତାଙ୍କର ମଡେଲିଂ ଏବଂ ଟିଭି ଉପସ୍ଥାପିକା କାମ ପାଇଁ ଜଣାଶୁଣା। ୨୦୧୯ ମସିହାରେ, କ୍ଲାର୍କଙ୍କ ତାଙ୍କ ଆସିଟାଣ୍ଟ ସହିତ ସମ୍ପର୍କ ବିଷୟରେ ପ୍ରକାଶ ପାଇବା ପରେ ଉଭୟଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା। କାଇଲି ତାଙ୍କୁ ଏକ ହୋଟେଲରେ ଧରିବା ପରେ ପରିସ୍ଥିତି ଆହୁରି ଖରାପ ହୋଇଗଲା। ଏହି ଖବର କ୍ଲାର୍କଙ୍କ ବିବାହ ଭାଙ୍ଗି ଦେଇଥିଲା। ୨୦୨୦ ମସିହାରେ କ୍ଲାର୍କ ଏବଂ କାଇଲି ଛାଡପତ୍ର ନେଇଥିଲେ, କିନ୍ତୁ ଏହି ଛାଡପତ୍ର ପୂର୍ବତନ ଅଷ୍ଟ୍ରେଲିୟ ଅଧିନାୟକଙ୍କ ପାଇଁ ବହୁତ ମହଙ୍ଗା ସାବ୍ୟସ୍ତ ହୋଇଥିଲା।

କ୍ଲାର୍କଙ୍କୁ ପ୍ରାୟ ୪୦ ନିୟୁତ ଆମେରିକୀୟ ଡଲାର ଭରଣପୋଷଣ ଭାବରେ କାଇଲିଙ୍କୁ ଦେବାକୁ ପଡିଥିଲା। ଯାହା ଭାରତୀୟ ମୁଦ୍ରାରେ ପ୍ରାୟ ୩୦୦ କୋଟି ଟଙ୍କା ହେବ। ଏହାକୁ କ୍ରିକେଟ ଜଗତର ଯେକୌଣସି ଖେଳାଳିଙ୍କ ପାଇଁ ସବୁଠାରୁ ମହଙ୍ଗା ଛାଡପତ୍ର ବୋଲି ବିବେଚନା କରାଯାଏ। ଛାଡପତ୍ର ପରେ, କାଇଲି କ୍ଲାର୍କଙ୍କ ଝିଅର ଦାୟିତ୍ୱ ଗ୍ରହଣ କରିଥିଲେ। ହେଲେ ସେମାନଙ୍କ ଅଲଗା ହେବା ପର ଠାରୁ, କ୍ଲାର୍କ ଏବଂ କାଇଲି ସେମାନଙ୍କ ଝିଅ ପାଇଁ ପରସ୍ପରକୁ ସାକ୍ଷାତ କରୁଛନ୍ତି ଏବଂ ଏବେ ଦୁହେଁ କେବଳ ଭଲ ବନ୍ଧୁ।