ନୂଆଦିଲ୍ଲୀ: ରେକର୍ଡ କଲା ବିଦେଶୀ ମୁଦ୍ରା ଭଣ୍ଡାର। ମେ ୩୧ରେ ଭାରତର ବିଦେଶୀ ମୁଦ୍ରା ଭଣ୍ଡାର ୪.୮୩ ବିଲିୟନ ଡଲାର ବଢ଼ି ୬୫୧.୫ ବିଲିୟନ ଡଲାରର ଐତିହାସିକ ସ୍ତରରେ ପହଞ୍ଚିଛି। ଭାରତୀୟ ରିଜର୍ଭ ବ୍ୟାଙ୍କ (RBI) ଗଭର୍ଣ୍ଣର ଶକ୍ତିକାନ୍ତ ଦାସ ମୁଦ୍ରାନୀତି ସମୀକ୍ଷା ପରେ ଏକ ବିବୃତ୍ତିରେ ଏହି ସୂଚନା ଦେଇଛନ୍ତି। ଏହା ପୂର୍ବରୁ ଦେଶର ବିଦେଶୀ ମୁଦ୍ରା ଭଣ୍ଡାର ମେ ୨୪ରେ ୬୪୬.୬ ବିଲିୟନ ଡଲାର ରେକର୍ଡ ହୋଇଥିଲା।
ଶକ୍ତକାନ୍ତ ଦାସ କହିଛନ୍ତି ‘ଭାରତ ପାଇଁ ଏହା ନୂଆ ଉପଲବ୍ଧି। ଭାରତର ବିଦେଶୀ ମୁଦ୍ରା ଭଣ୍ଡାର ୨୦୨୪ ମେ ୩୧ରେ ଐତିହାସିକ ସ୍ତର ୬୫୧.୫ ବିଲିୟନ ଡଲାରରେ ପହଞ୍ଚିଛି। ଭାରତର ବାହ୍ୟ କ୍ଷେତ୍ର ମଜଭୁତ ରହିଛି। ଆମର ବିଶ୍ବାସ ଆମେ ବାହ୍ୟ ଆର୍ଥିକ ଆବଶ୍ୟକତାକୁ ସହଜରେ ପୂରା କରିପାରିବୁ।’
ଏହା ପୂର୍ବରୁ ମେ ୧୭ରେ ବିଦେଶୀ ମୁଦ୍ରା ଭଣ୍ଡାର ୬୪୮.୭ ବିଲିୟନ ଡଲାର ସହ ଅଲ୍ ଟାଇମ୍ ହାଇରେ ପହଞ୍ଚିଥିଲା। ବିଦେଶୀ ମୁଦ୍ରା ଭଣ୍ଡାରକୁ କୌଣସି ବାହ୍ୟ ସମସ୍ୟାର ମୁକାବିଲା କରିବାରେ ଏବଂ ଅର୍ଥନୀତିର ସଂପୂର୍ଣ୍ଣ ଶକ୍ତି ଉପସ୍ଥାପନ କରୁଥିବା ମୁଖ୍ୟ କାରଣ ବୋଲି ମଧ୍ୟ ଧରାଯାଏ।