ମହାନଦୀ ପ୍ରସଙ୍ଗରେ ବିଜେଡିକୁ ଆହ୍ୱାନ, ଆଲୋଚନା ପାଇଁ ରେଡି ହୁଅ

ଭୁବନେଶ୍ୱର ୦୬/୦୨: ମହାନଦୀ ପ୍ରସଙ୍ଗରେ ରାଜସ୍ବ ମନ୍ତ୍ରୀଙ୍କ କଡା ଜବାବ । ବିଧାନସଭା ରେ ବିତର୍କ ପାଇଁ କଲେ ଆହ୍ୱାନ । କହିଲେ ୨୪ ବର୍ଷ ରେ ମହାନଦୀ ପାଇଁ କଣ କରିଛନ୍ତି ଶ୍ୱେତ ପତ୍ର ପ୍ରକାଶ କରୁ ବିଜେଡି । ବିଧାନସଭାରେ ବିଜେଡିର ଜଳ ସମ୍ପଦ ମନ୍ତ୍ରୀଙ୍କ ଲିଖିତ ବିବୃତି ମହାନଦୀ କଫିନରେ କଣ୍ଟା ବାଡେଇ ଦେଇଛି ।

ଛତିଶଗଡ ଯେତେ ବ୍ୟାରେଜ କଲେ ବି କୌଣସି ପ୍ରଭାବ ପଡିବନି ବୋଲି କହିଥିଲେ ବିଜେଡିର ଜଳ ସମ୍ପଦ ମନ୍ତ୍ରୀ । ମନ୍ତ୍ରୀଙ୍କ ବିଧାନସଭା ରେକର୍ଡ ବୟାନକୁ ଟ୍ରିବୁନାଲରେ ଉପସ୍ଥାପନା କରିଛି ଛତିଶଗଡ । ଆମେ ବ୍ଲେମ ଗେମ ଖେଳୁ ନାହୁଁ । ୨୪ ବର୍ଷରେ ବିଜେଡି କଣ କରିଛି ଲୋକେ ଜାଣିବା ଦରକାର । ସତସାହସ ଥିଲେ ବିଧାନସଭାରେ ବିତର୍କକୁ ଆସନ୍ତୁ ।

​​​​​​​

ବିଜେଡି ବେଳେ ଟ୍ରିବୁନାଲରେ କେତେ ଥର ଶୁଣାଣି ହେଇଛି କେତେ ଟଙ୍କା ଖର୍ଚ୍ଚ ହୋଇଛି ମୁଁ ହିସାବ ଦେବି । ଗତକାଲି ସଂସଦରେ ଏନେଇ ଉତ୍ତର ଆସିଛି ଉଭୟ ରାଜ୍ୟ ସହମତି ଭିତିରେ ଆଲୋଚନା କରୁଛନ୍ତି । ଆମର ମନ୍ତ୍ରୀ ସ୍ତରୀୟ କମିଟି ଗଠନ ହୋଇସାରିଛ । ଛତିଶଗଡର ମନ୍ତ୍ରୀ ସ୍ତରୀୟ କମିଟି ଗଠନ ପରେ ଆଗକୁ ବଢିବ ଆଲୋଚନା । କେନ୍ଦ୍ର ସରକାରଙ୍କ ଗୋଟେ ବଡ଼ ଭୂମିକା ରହୁଛି ।