ନୂଆଦିଲ୍ଲୀ: ଶକ୍ତି ବଢ଼ାଇଲା ବାୟୁସେନା। ଭାରତରେ ପହଞ୍ଚିଲା ବିଶ୍ୱର ସବୁଠାରୁ ଉନ୍ନତ ଯୁଦ୍ଧ ହେଲିକପ୍ଟର ଆପାଚି। ବୋଇଂ କମ୍ପାନୀ ଦ୍ୱାରା ନିର୍ମିତ ହୋଇଛି ଏହି ହେଲିକପ୍ଟର। ଭାରତୀୟ ସେନା ଏହି ହେଲିକପ୍ଟରଗୁଡ଼ିକୁ ଯୋଧପୁରରେ ନିୟୋଜିତ କରିବ। ପ୍ରାୟ ୧୫ ମାସ ବିଳମ୍ବ ପରେ ଏହି ଯୋଗାଣ କରାଯାଇଛି। 

ଆପାଚି ହେଲିକପ୍ଟର ବିଶ୍ୱର ସବୁଠାରୁ ଉନ୍ନତ ଯୁଦ୍ଧ ହେଲିକପ୍ଟର। ଆମେରିକୀୟ ପ୍ରତିରକ୍ଷା ମହାରଥୀ ବୋଇଂ ଦ୍ୱାରା ନିର୍ମିତ ଏହି ହେଲିକପ୍ଟର ଆଧୁନିକ ଯୋଗାଯୋଗ, ନାଭିଗେସନ୍, ସେନ୍ସର ଏବଂ ଅସ୍ତ୍ର ପ୍ରଣାଳୀ ସହିତ ସଜ୍ଜିତ। ଏହା ଏକ ନାଇଟ୍ ଭିଜନ୍ ଏୟାରକ୍ରାଫ୍ଟ। ଏହା ପାଇଲଟମାନଙ୍କୁ ଦିନ ଏବଂ ରାତି ଉଭୟ ପରିସ୍ଥିତିରେ ଲକ୍ଷ୍ୟ ଚିହ୍ନଟ ଏବଂ ଆକ୍ରମଣ କରିବାରେ ସାହାଯ୍ୟ କରେ। ଏହା ମାଧ୍ୟମରେ ବର୍ଷା, ଧୂଳି କିମ୍ବା କୁହୁଡ଼ି ଯୋଗୁଁ ଦୁର୍ବଳ ଦୃଶ୍ୟତାରେ ମଧ୍ୟ ଆକ୍ରମଣ କରାଯାଇପାରିବ। 

The first batch of Apache attack Helicopters for the Indian Army has reached India. The choppers will be deployed in Jodhpur by the Indian Army: Indian Army officials

(Pics source: Indian Army) pic.twitter.com/u1u1Qwi56m

— ANI (@ANI) July 22, 2025

>

ବୋଇଂ ଅନୁଯାୟୀ, ଆପାଚି ଘଣ୍ଟା ପ୍ରତି ସର୍ବାଧିକ ୨୮୦ କିଲୋମିଟର ବେଗରେ ୨୧ ହଜାର ଫୁଟ ଉଚ୍ଚତା ପର୍ଯ୍ୟନ୍ତ ଉଡ଼ିପାରିବ। ଏଥିରେ ୧୬ ଆଣ୍ଟି-ଟ୍ୟାଙ୍କ AGM-114 ହେଲଫାୟାର ମିସାଇଲ ଫାୟାର କରିବାର କ୍ଷମତା ଅଛି। ଏଥିରେ ଦୁଇଟି ୩୦ମିମିର ବନ୍ଧୁକ ଅଛି, ଯାହା ଏକ ସମୟରେ ୧୨୦୦ ଗୁଳିରେ ଲୋଡ୍ ହୋଇଥାଏ। ଆପାଚେ ୧୬ଟି ଆଣ୍ଟି-ଟ୍ୟାଙ୍କ AGM-114 ହେଲଫାୟାର ଏବଂ ଷ୍ଟିଞ୍ଜର ମିସାଇଲରେ ସଜ୍ଜିତ। ହେଲଫାୟାର ମିସାଇଲଗୁଡ଼ିକ ଟ୍ୟାଙ୍କ, ତୋପ, BMP ଯାନ ଭଳି ଯେକୌଣସି ସଶସ୍ତ୍ର ଯାନକୁ ଗୋଟିଏ ମୁହୂର୍ତ୍ତରେ ଉଡ଼ାଇ ଦେଇପାରିବ।

ଭାରତ ୨୦୧୫ ଚୁକ୍ତିନାମା ଅନୁଯାୟୀ ଭାରତୀୟ ବାୟୁସେନା ପାଇଁ ୨୨ଟି ଆପାଚି ହେଲିକପ୍ଟର କିଣିଥିଲା। ଏହା ପରେ ୨୦୨୦ ଫେବୃଆରୀରେ, ଭାରତ ୬୦୦ ମିଲିୟନ ଡଲାର ମୂଲ୍ୟର ଏକ ଚୁକ୍ତିରେ ବୋଇଂ ଠାରୁ ଛଅଟି AH-64E ଆପାଚି କ୍ରୟକୁ ଅନୁମୋଦନ କରିଥିଲା। ଆପାଚି ବର୍ତ୍ତମାନ ଆମେରିକା, ବ୍ରିଟେନ, ଇସ୍ରାଏଲ, ଇଜିପ୍ଟ ଭଳି ଦେଶର ସେନାରେ ବ୍ୟବହୃତ ହେଉଛି।