ଭାରତ-ପାକ୍ ସଂଘର୍ଷକୁ ଅସ୍ତ୍ରଶସ୍ତ୍ରର ଟେଷ୍ଟିଂ ଗ୍ରାଉଣ୍ଡ କରିଥିଲା ଚୀନ, ଅପରେସନ ସିନ୍ଦୂରକୁ ନେଇ ଆମେରିକାର ଖୁଲାସା

ଭାରତ-ପାକ୍ ସଂଘର୍ଷକୁ ଅସ୍ତ୍ରଶସ୍ତ୍ରର ଟେଷ୍ଟିଂ ଗ୍ରାଉଣ୍ଡ କରିଥିଲା ଡ୍ରାଗନ। ଅପରେସନ ସିନ୍ଦୂରକୁ ନେଇ ଆମେରିକାର ଖୁଲାସା। ଆମେରିକା କଂଗ୍ରେସର ସଦ୍ୟତମ ରିପୋର୍ଟରେ ଦାବି କରାଯାଇଛି ଯେ ୨୦୨୫ ମେ ମାସରେ ଭାରତ ଏବଂ ପାକିସ୍ତାନ ମଧ୍ୟରେ ହୋଇଥିବା ଛୋଟ ସଂଘର୍ଷକୁ ବ୍ୟବହାର କରି ନୂତନସାମରିକ ଅସ୍ତ୍ରଶସ୍ତ୍ର ପରୀକ୍ଷା କରିଥିଲା ଚୀନ। ସିଧାସଳଖ ଏହି ସଂଘର୍ଷରେ ସାମିଲ ନହୋଇବି ଚୀନ୍ ଏହାର ଅସ୍ତ୍ରଶସ୍ତ୍ର କ୍ଷମତା ପ୍ରଦର୍ଶନ କରିବାର ଫାଇଦା ଉଠାଇଥିଲା।

ଏହି ରିପୋର୍ଟ ଆମେରିକା କଂଗ୍ରେସର ଏକ କମିଟି ତଥା ଆମେରିକା-ଚୀନ୍ ଅର୍ଥନୈତିକ ଏବଂ ସୁରକ୍ଷା ସମୀକ୍ଷା କମିଶନଙ୍କ ଦ୍ୱାରା ଏକ ରିପୋର୍ଟ ପ୍ରକାଶିତ ହୋଇଥିଲା। ଭାରତ ଏବଂ ପାକିସ୍ତାନ ମଧ୍ୟରେ ଚାରି ଦିନିଆ ସଂଘର୍ଷକୁ ଏକ ପରୀକ୍ଷଣ କ୍ଷେତ୍ର ଭାବରେ ବ୍ୟବହାର କରିଥିଲା ଚୀନ୍। ଏହା ଏହାର ଅସ୍ତ୍ରଶସ୍ତ୍ର ବିଷୟରେ ତଥ୍ୟ ପ୍ରଦାନ କରିଥିଲା, ଯାହା ଏହାକୁ ବିଶ୍ୱକୁ ବିକ୍ରୟ ପାଇଁ ପ୍ରୋତ୍ସାହିତ କରିଥିଲା। ରିପୋର୍ଟରେ କୁହାଯାଇଛି ଯେ ବେଜିଂ ଏହାର ଅସ୍ତ୍ରଶସ୍ତ୍ରର ଶକ୍ତି ଏବଂ ପ୍ରଚାର କରିବା ପାଇଁ ଏହି ସଂଘର୍ଷର ସୁଯୋଗ ନେଇଥିଲା। ଏହା

ପହଲଗାମ ନରସଂହାର ଜବାବରେଅପରେସନ ସିନ୍ଦୂରଆରମ୍ଭ କରିଥିଲା ଭାରତ। ପାକିସ୍ତାନ ସହ ସଂଘର୍ଷ ୭ରୁ ୧୦ ମେ ପର୍ଯ୍ୟନ୍ତ ଚାଲିଥିଲା। ଆତଙ୍କୀଙ୍କୁ ଧୂଳିସାତ କରିବାକୁ ଆରମ୍ଭ କରିଥିଲା ଅପରେସନ୍ ସିନ୍ଦୁର। ମେ ୧୦ରେ ଏକ ଯୁଦ୍ଧବିରତି ହୋଇଥିଲା। ଏହା ଦୁଇ ପରମାଣୁ ଅସ୍ତ୍ରଶସ୍ତ୍ର ସମ୍ପନ୍ନ ପଡ଼ୋଶୀଙ୍କ ମଧ୍ୟରେ ବର୍ଷ ବର୍ଷ ଧରି ସବୁଠାରୁ ତୀବ୍ର ସଂଘର୍ଷ ଥିଲା। ରିପୋର୍ଟ ଅନୁଯାୟୀ, ଏହା ପ୍ରଥମ ଥର ପାଇଁ ଚୀନର ଆଧୁନିକ ଅସ୍ତ୍ରଶସ୍ତ୍ର- ଯେପରିକିHQ-9 ଏୟାର ଡିଫେନ୍ସ ସିଷ୍ଟମ,PL-15 ମିଶାଇଲଏବଂJ-10 ଲଢ଼ୁଆ ଜେଟ୍ଯୁଦ୍ଧରେ ବ୍ୟବହାର କରାଯାଇଥିଲା। ନିଜେ ଯୁଦ୍ଧରେ ସାମିଲ ନହୋଇବି ପରୋକ୍ଷରେ ଅସ୍ତ୍ରଶସ୍ତ୍ର ପରୀକ୍ଷା କରିବାର ସୁଯୋଗ ଦେଇଥିଲା।

ରିପୋର୍ଟରେ ଦାବି କରାଯାଇଛି ଯେ ଜୁନ 2025ରେ ଚୀନ୍ ପାକିସ୍ତାନକୁ ୪୦ଟି J-35ର 5th ଜେନେରେସନ ଲଢ଼ୁଆ ବିମାନ, KJ-500 ବିମାନ ଏବଂ ଏକ ବାଲିଷ୍ଟିକ୍ ମିସାଇଲ ପ୍ରତିରକ୍ଷା ପ୍ରଣାଳୀ ବିକ୍ରୟ କରିବାକୁ ପ୍ରସ୍ତାବ ଦେଇଥିଲା।

ଚୀନ୍ ଦ୍ୱାରା ପାକିସ୍ତାନକୁ ଯୋଗାଇ ଦିଆଯାଇଥିବା HQ-9 ବାୟୁ ପ୍ରତିରକ୍ଷା ପ୍ରଣାଳୀକୁ ଭାରତୀୟ ସେନା ମଧ୍ୟ ନଷ୍ଟ କରିଦେଇଥିଲା। ଉତ୍ତେଜନା ପରେ ଚୀନ୍ ଦୂତାବାସଗୁଡ଼ିକ ସାର୍ବଜନୀନ ଭାବରେ ସେମାନଙ୍କର ଅସ୍ତ୍ରଶସ୍ତ୍ରର ସଫଳତାର ପ୍ରଚାର କରିଥିଲା। ସେମାନେ କହିଥିଲେ ଯେ ଭାରତ-ପାକିସ୍ତାନ ବିବାଦରେ ଚୀନ୍ ଅସ୍ତ୍ରଶସ୍ତ୍ର ଭଲ ପ୍ରଦର୍ଶନ କରିଥିଲା। ଏହାର ସୁଯୋଗରେ ଚୀନ୍ ତା’ର ଅସ୍ତ୍ରଶସ୍ତ୍ର ବିକ୍ରୟ ବୃଦ୍ଧି କରିବାକୁ ଚାହୁଁଥିଲା।

ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ସଂଘର୍ଷ ପରେ, ଫରାସୀ ରାଫେଲ୍ ଯୁଦ୍ଧ ବିମାନକୁ ବଦନାମ କରିବା ପାଇଁ ଏକ ଭୁଲ ସୂଚନା ଅଭିଯାନ ଆରମ୍ଭ କରିଥିଲା ଚୀନ୍। ଫରାସୀ ଗୁଇନ୍ଦା ସୂଚନା ଅନୁଯାୟୀ, ଚୀନ୍ ରାଫେଲ୍ ବିକ୍ରୟକୁ ବନ୍ଦ କରିବା ଏବଂ ନିଜସ୍ୱ J-35 ଜେଟର ବିକ୍ରୟକୁ ବୃଦ୍ଧି କରିବା ପାଇଁ ନକଲି ସୋସିଆଲ ମିଡିଆ ଆକାଉଣ୍ଟ ବ୍ୟବହାର କରିଥିଲା। ସେମାନେ ରାଫେଲ ଜେଟ୍ ନଷ୍ଟ କରିଥିବାର ଏଆଇ ଏବଂ ଭିଡିଓ ଗେମ୍ ଚିତ୍ର ବ୍ୟବହାର କରିଥିଲା ଡ୍ରାଗନ। ଆମେରିକାର ଏହି ରିପୋର୍ଟ ପରେ ପୁଣି ଚର୍ଚ୍ଚାକୁ ଆସିଛି ଜିନପିଙ୍ଗଙ୍କ କାରନାମା। ଚୀନ୍ କିପରି ନିଜର ସାମରିକ ଶକ୍ତି ବୃଦ୍ଧି କରିବା ପାଇଁ ଆଞ୍ଚଳିକ ବିବାଦର ଉପଯୋଗ କରୁଛି, ତାହା ଏଠି ଧରାପଡ଼ିଛି।