ନୂଆଦିଲ୍ଲୀ: ପାକିସ୍ତାନ ଲଗାତାର ଦ୍ୱିତୀୟ ଦିନରେ ଭାରତ ଉପରେ ଆକ୍ରମଣ ଉଦ୍ୟମ କରିଛି । ଜମ୍ମୁ, ପୋଖରାନ ସମେତ ଅନେକ ସ୍ଥାନରେ ପାକିସ୍ତାନ ଡ୍ରୋନରେ ଆକ୍ରମଣ କରିଛି, ଯାହାକୁ ଭାରତ ଏୟାର ଡିଫେନ୍ସ ସିଷ୍ଟମ ଆକାଶରେ ହିଁ ନଷ୍ଟ କରିଛି । ଜମ୍ମୁର ବିଭିନ୍ନ ସ୍ଥାନରେ ବିସ୍ଫୋରଣ ଶବ୍ଦ ଶୁଣିବାକୁ ମିଳିଛି । ଜମ୍ମୁ, ପଠାନକୋଟ, ପୋଖରନ, ପୁଞ୍ଛ, ସାମ୍ୱା ଆଦି ସ୍ଥାନରେ ସମ୍ପୂର୍ଣ୍ଣ ବ୍ଲାକ୍ଆଉଟ୍ କରାଯାଇଛି । ଏହାପରେ ଲଗାତାର ସାଇରନ୍ ଶବ୍ଦ ଶୁଣିବାକୁ ମିଳିଛି ।
ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲା ଏକ୍ସରେ ପୋଷ୍ଟ କରି କହିଛନ୍ତି, 'ମୁଁ ଯେଉଁଠାରେ ଅଛି, ସେଠାରେ ବିସ୍ଫୋରଣ ଶବ୍ଦ, ହୁଏତ ତୋପର, ଶୁଣିବାକୁ ମିଳୁଛି ।' ଏହାସହ ଅନ୍ଧାର ସହରର ଏକ ଫଟୋ ମଧ୍ୟ ପୋଷ୍ଟ କରିଛନ୍ତି । ଏଥିରେ ସେ ଲେଖିଛନ୍ତି, ଜମ୍ମୁରେ ଏବେ ବ୍ଲାକଆଉଟ୍ ହୋଇଛି । ସାରା ସହରରେ ସାଇରନ ଶବ୍ଦ ଶୁଣିବାକୁ ମିଳୁଛି ।
Intermittent sounds of blasts, probably heavy artillery, can now be heard from where I am.
— Omar Abdullah (@OmarAbdullah) May 9, 2025
ଜମ୍ମୁ ବ୍ୟତୀତ, ପଞ୍ଜାବର ପଠାନକୋଟ, ଅମୃତସର, ଫିରୋଜପୁର, ଫାଜିଲ୍କା, ଗୁରଦାସପୁର, ତରନତାରନ ଓ ରାଜଧାନୀ ଚଣ୍ଡୀଗଡ଼ରେ ବି ବ୍ଲାକଆଉଟ୍ କରାଯାଇଛି । ପଠାଣକୋଟ ଓ ଫିରୋଜପୁରରେ ବି ବିସ୍ଫୋରଣ ଶବ୍ଦ ଶୁଣିବାକୁ ମିଳୁଛି । ଜମ୍ମୁ ଓ କାଶ୍ମୀରର ସାମ୍ବା ଏବଂ ଆରଏସ ପୁରାରେ କିଛି ଡ୍ରୋନକୁ ନିଷ୍କ୍ରିୟ କରାଯାଇଛି । ଭାରତୀୟ ସେନା ଆକାଶରେ ହିଁ ଧ୍ୱଂସ କରିଦେଇଛି । ଏହାସହ ସୀମା ଆର ପଟୁ ମଝିରେ ମଝିରେ ଗୁଳି ମାଡ଼ କରାଯାଉଛି ।
#WATCH | J&K | Red streaks seen and explosions can be heard as India's air defence intercepts Pakistani drones amid blackout in Samba.
— ANI (@ANI) May 9, 2025
(Visuals deferred by an unspecified time) pic.twitter.com/nDPV1ceQUD
