ଇଣ୍ଡୋନେସିଆରେ ଯାତ୍ରୀବାହୀ ବସ୍ ଦୁର୍ଘଟଣା, ୧୫ ରୁ ଅଧିକ ମୃତ୍ୟୁ ଆଶଙ୍କା

ନୂଆଦିଲ୍ଲୀ ୨୨/୧୨: ଇଣ୍ଡୋନେସିଆରେ ଭୟଙ୍କର ସଡ଼କ ଦୁର୍ଘଟଣା । ୧୬ ଜଣଙ୍କ ମୃତ୍ୟୁ ହୋଇଥିବା ସୂଚନା । ଏହାସହ ଅନେକ ଆହତ ହୋଇଥିବା ସୂଚନା । ଆଗକୁ ବି ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ରିପୋର୍ଟ ଅନୁଯାୟୀ ଅଧିକାରୀମାନେ କହିଛନ୍ତି ଯେ ସୋମବାର ମଧ୍ୟରାତ୍ରି ପରେ ଇଣ୍ଡୋନେସିଆର ମୁଖ୍ୟ ଜାଭା ଦ୍ୱୀପରେ ଏକ ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ ହୋଇଛି ।

ଫଳରେ ଦୁର୍ଘଟଣାରେ ପ୍ରାୟ ୧୬ ଜଣଙ୍କର ମୃତ୍ୟୁ ହୋଇଛି। ରିପୋର୍ଟ ଅନୁଯାୟୀ, ସନ୍ଧାନ ଓ ଉଦ୍ଧାର ସଂସ୍ଥାର ମୁଖ୍ୟ ବୁଡିଓନୋ କହିଛନ୍ତି, "୩୪ ଜଣଙ୍କୁ ନେଇ ଯାଉଥିବା ବସ୍ ଟି ଏକ ଟୋଲ୍ ରାସ୍ତାରେ ନିୟନ୍ତ୍ରଣ ହରାଇ ଏକ କଂକ୍ରିଟ୍ ବାରିୟରକୁ ଧକ୍କା ଦେଇ ଓଲଟି ପଡ଼ିଥିଲା । ଆନ୍ତଃ-ପ୍ରାଦେଶିକ ବସ୍ ଟି ରାଜଧାନୀ ଜାକର୍ତ୍ତାରୁ ଦେଶର ପୁରୁଣା ରାଜକୀୟ ସହର, ଯୋଗ୍ୟାକାର୍ତାକୁ ଯାତ୍ରା କରୁଥିଲା।

କେନ୍ଦ୍ରୀୟ ଜାଭାର ସେମାରାଙ୍ଗରେ କ୍ରାପିୟାକ୍ ଟୋଲ୍ ୱେରେ ଏକ ବକ୍ର ପ୍ରସ୍ଥାନ ରାମ୍ପରେ ପ୍ରବେଶ କରିବା ସମୟରେ ବସ୍ ଟି ଓଲଟି ପଡ଼ିଲା। ସେ କହିଛନ୍ତି ଯେ ସ୍ଥିତି ଏମିତି ହୋଇଥିଲା ଯେ, ଅନେକ ଯାତ୍ରୀଙ୍କୁ ବାହାରକୁ ଛିଟିକି ପଡିଥିଲେ । ଦୁର୍ଘଟଣାର ପ୍ରାୟ ୪୦ ମିନିଟ୍ ପରେ ପୋଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ ।

ଘଟଣାସ୍ଥଳରୁ ଛଅ ଜଣ ଯାତ୍ରୀଙ୍କ ମୃତଦେହ ଉଦ୍ଧାର କରାଯାଇଥିଲା। ଡାକ୍ତରଖାନାକୁ ଯିବା ବାଟରେ କିମ୍ବା ଚିକିତ୍ସା ସମୟରେ ଆଉ ଦଶ ଜଣଙ୍କର ମୃତ୍ୟୁ ହୋଇଥିଲା। ବୁଡିଓନୋଙ୍କ ଅନୁଯାୟୀ, ୧୮ ଜଣ ଆହତଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ଥିବା ବେଳେ ୧୩ ଜଣ ନିକଟବର୍ତ୍ତୀ ଦୁଇଟି ହସ୍ପିଟାଲରେ ଗୁରୁତର ଅବସ୍ଥାରେ ଅଛନ୍ତି।