ବିପଦ ଆସିଲେ ମୋବାଇଲ କରିଦେବ ଆଲର୍ଟ, ଖୋଲା ସ୍ଥାନକୁ ନଯିବାକୁ ସରକାରଙ୍କ ପରାମର୍ଶ

ନୂଆଦିଲ୍ଲୀ: ମଧ୍ୟପ୍ରାଚ୍ୟ ଅଶାନ୍ତ। ଆମେରିକା ଓ ଇସ୍ରାଏଲର ଆକ୍ରମଣ ପରେ ତାତିଛି ଇରାନ୍। ଶତ୍ରୁ ଦେଶର ସହଯୋଗୀ ରାଷ୍ଟ୍ରକୁ କରିଛି ହମଲା। ବର୍ତ୍ତିନି ୟୁଏଇ। ଦୁବାଇ ଉପରେ  ସମ୍ଭାବ୍ୟ କ୍ଷେପଣାସ୍ତ୍ର ଆକ୍ରମଣ ବିଷୟରେ ସୂଚନା ପାଇ ଦୁବାଇର ବାସିନ୍ଦାମାନେ ସମ୍ପୂର୍ଣ୍ଣ ଆତଙ୍କିତ। ଇରାନ ଗତ ସପ୍ତାହରେ ଅନେକ ଉପସାଗରୀୟ ଦେଶରେ ଥିବା ଆମେରିକୀୟ ଘାଟି ଉପରେ ଆକ୍ରମଣ କରିବା ପରେ ବାହାରକୁ ଯିବା ନେଇ ଦୁବାଇବାସୀଙ୍କୁ ସତର୍କ କରାଯାଇଛି।

ସତର୍କତା ଅନୁଯାୟୀ, ସରକାରଙ୍କ ପକ୍ଷରୁ ବାସିନ୍ଦାମାନଙ୍କୁ ବାହାରକୁ ଯିବା ପାଇଁ ସତର୍କ କରାଯାଇଛି। ଯେକୌଣସି ପରିସ୍ଥିତି ପାଇଁ ପ୍ରସ୍ତୁତ ରୁହନ୍ତୁ ଏବଂ ସତର୍କତାର ସହିତ କାର୍ଯ୍ୟ କରନ୍ତୁ। ଦୁବାଇ ବାସୀଙ୍କ ଅନୁସାରେ ଫୋନରେ ଚାରୋଟି ଥର ଆଲର୍ଟ ଆସିଛି। ଆମେ ଜରୁରୀକାଳୀନ ପରିସ୍ଥିତିରେ ପାସପୋର୍ଟ ସମେତ ସମସ୍ତ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ସହିତ ଏକ ବ୍ୟାଗ ପ୍ରସ୍ତୁତ ରଖିଛୁ।

ଉପସାଗରୀୟ ଦେଶଗୁଡ଼ିକ ଉପରେ ଇରାନୀ ଆକ୍ରମଣ ପରଠାରୁ ଇସ୍ରାଏଲ ଏବଂ ଆମେରିକା ଦ୍ୱାରା ପାଲଟା ଏୟାର ଷ୍ଟ୍ରାଇକ୍ ବୃଦ୍ଧି ପାଇଛି। ସଂଘର୍ଷ ପରେ ମଧ୍ୟପ୍ରାଚ୍ୟରେ ବିମାନ ଯାତ୍ରା ଗୁରୁତର ଭାବରେ ବାଧାପ୍ରାପ୍ତ ହୋଇଛି। ବିଶ୍ୱର ସବୁଠାରୁ ବ୍ୟସ୍ତବହୁଳ ଅନ୍ତର୍ଜାତୀୟ ବିମାନବନ୍ଦର ଏବଂ ପ୍ରମୁଖ ବିଶ୍ୱ ପରିବହନ କେନ୍ଦ୍ର ଦୁବାଇ ଉପରେ ଇରାନର ଆକ୍ରମଣ ପରେଅନେକ ସହର ପ୍ରଭାବିତ ହୋଇଛି। ବିମାନ ଉଡ଼ାଣ ବାଧାପ୍ରାପ୍ତ ହେବା ପରେ ବହୁ ସଂଖ୍ୟକ ଭାରତୀୟ ଯାତ୍ରୀ ଉପସାଗରୀୟ ରାଷ୍ଟ୍ରଗୁଡ଼ିକରେ, ବିଶେଷକରି ସଂଯୁକ୍ତ ଆରବ ଏମିରେଟ୍ସରେ ଫସି ରହିଥିଲେ।

ମାର୍ଚ୍ଚ ୨ ଠାରୁ, ସେମାନଙ୍କ ମଧ୍ୟରୁ ଅନେକ ଭାରତ ଫେରିବାରେ ସଫଳ ହୋଇଛନ୍ତି। ଅନେକ ଯାତ୍ରୀ ଦୁବାଇ ଏବଂ ୟୁଏଇର କର୍ତ୍ତୃପକ୍ଷଙ୍କ ପ୍ରତି ପ୍ରଶଂସା ପ୍ରକାଶ କରିଛନ୍ତି, କହିଛନ୍ତି ଯେ ବାଧା ସତ୍ତ୍ୱେ ପରିସ୍ଥିତିକୁ ଦକ୍ଷତାର ସହିତ ପରିଚାଳନା କରାଯାଇଛି। ଏହା ଇରାନ ବିରୁଦ୍ଧରେ ସାମରିକ ଆକ୍ରମଣରେ ଆମେରିକା ଏବଂ ଇସ୍ରାଏଲ ସହିତ ଯୋଗ ଦେବା କଥାକୁ ଅସ୍ୱୀକାର କରିଛି ସଂଯୁକ୍ତ ଆରବ ଏମିରେଟ୍ସ।

also- ଗ୍ରାଉଣ୍ଡରେ ଯୁଦ୍ଧ ଜିତିବାକୁ ଟ୍ରମ୍ପ ସେନାଙ୍କ ସାଂଘାତିକ ପ୍ଲାନ୍, ଇରାନରେ ଆତଙ୍କୀ ପୂରାଇବ CIA, ଜାଣିଦେଲା ତୁର୍କୀ

ମଙ୍ଗଳବାର ଦିନ, ଆକ୍ସିଓସ୍ ରିପୋର୍ଟ କରିଛି ଯେ ୟୁଏଇ ଦେଶକୁ ଲକ୍ଷ୍ୟ କରି ଇରାନୀ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ କରିଛି। ରିପୋର୍ଟ ପ୍ରକାଶ ପାଇବା ପରେ, UAE ଏହାର ସରକାରୀ ସମାଚାର ଏଜେନ୍ସି, ଏମିରେଟ୍ସ ନ୍ୟୁଜ୍ ଏଜେନ୍ସି (WAM) ମାଧ୍ୟମରେ ଏକ ବିବୃତ୍ତି ଜାରି କରି କହିଛି ଯେ "ଇରାନର ବାରମ୍ବାର ଆକ୍ରମଣର ଜବାବରେ ଏହାର ପ୍ରତିରକ୍ଷା ମନୋଭାବ ପରିବର୍ତ୍ତନ କରିବା ପାଇଁ କୌଣସି ନିଷ୍ପତ୍ତି ନେଇନାହିଁ"।