ନୂଆଦିଲ୍ଲୀ: ଆଜିଠୁ ସଂସଦରେ ବଜେଟ୍ ଅଧିବେଶନ । ଫେବ୍ରୁଆରୀ ୧୩ ତାରିଖ ପର୍ଯ୍ୟନ୍ତ ଚାଲିବ ପ୍ରଥମ ପର୍ଯ୍ୟନ୍ତ । ଆସନ୍ତାକାଲି ଅର୍ଥାତ୍ ଫେବ୍ରୁଆରୀ ପହିଲାରେ ସଂସଦରେ ବଜେଟ୍ ଆଗତ କରିବେ ଅର୍ଥମନ୍ତ୍ରୀ । ନିର୍ମଳା ସୀତାରମଣଙ୍କ ଏହା ଅଷ୍ଟମ ବଜେଟ୍ ଉପସ୍ଥାପନା ହେବ । ତେବେ ସାଧାରଣ ବଜେଟ୍ ଘୋଷଣା ଉପରେ ସମସ୍ତଙ୍କ ନଜର ରହିବ । ଏହାଛଡ଼ା ବଜେଟ୍ ଆଗତ ବେଳେ ପୁଞ୍ଜି ବଜାରରେ ହଲଚଲ ଦେଖିବାରୁ ମିଳିଥାଏ । ସାଧାରଣ ବଜେଟ୍ ପ୍ରଭାବ ସେୟାର ମାର୍କେଟ୍ ଉପରେ ପଡ଼ିଥାଏ । ମାତ୍ର ପଡ଼ୋଶୀ ପାକିସ୍ତାନ ବଜେଟରେ ଏପରି କିଛି ଦେଖିବାକୁ ମିଳିନଥାଏ । କାରଣ ପାକିସ୍ତାନ ବଜେଟ୍ ଭାରତ ତୁଳନାରେ ବହୁତ ଛୋଟ । ଆସନ୍ତୁ ଜାଣିବା ଦୁଇ ଦେଶର ବଜେଟକୁ ନେଇ କିଛି ବିଶେଷ ସୂଚନା ।
ଭାରତୀୟ ବଜେଟ୍:-
ଭାରତରେ ପ୍ରତିବର୍ଷ ଜାନୁଆରୀ ୩୧ରେ ବଜେଟ୍ ଅଧିବେଶନ ହୋଇଥାଏ । ଫେବ୍ରୁଆରୀ ପହିଲାରେ କେନ୍ଦ୍ର ସରକାର ସଂସଦରେ ଏହାକୁ ଆଗତ କରିଥାନ୍ତି । ବଜେଟର ଦସ୍ତାବିଚ୍ ବହୁ ଗୁରୁତ୍ବପୂର୍ଣ୍ଣ ହୋଇଥାଏ । ବିଜେଟ୍ ପୂର୍ବ କିଛି ବିଶେଷ କାର୍ଯ୍ୟକ୍ରମ ହୋଇଥାଏ । ଏହା ମଧ୍ୟରୁ ହାଲଓ୍ବା ସେରିମୋନି ଅନ୍ୟତମ । ଏହାଛଡ଼ା ବଜେଟ୍-ଡେ’ର ଗୋଟିଏ ଦିନ ପୂର୍ବରୁ ସଂସଦରେ ଦେଶ ବ୍ୟୟ ବରାଦ ସର୍ଭେ ରିପୋର୍ଟ ଉପସ୍ଥାପନ ହୋଇଥାଏ । ମାତ୍ର ପାକିସ୍ତାନରେ ବଜେଟ୍ ଆଗତ ପ୍ରକ୍ରିୟା ସମ୍ପୂର୍ଣ୍ଣଭାବେ ଭିନ୍ନ ।
ପାକିସ୍ତାନ ବଜେଟ୍:-
ପଡ଼ୋଶୀ ପାକିସ୍ତାନ ବଜେଟ୍ ଆଗତ ପ୍ରକ୍ରିୟା ଉପରେ ନଜର ପକାଇଲେ, ଏହା ଜୁନ୍ ମାସ ଆରମ୍ଭରୁ ପାକିସ୍ତାନ ସଂସଦରେ ଆଗତ ହୋଇଥାଏ । ମାତ୍ର ଭାରତ ଭଳି ପାକ୍ ବଜେଟରେ କୌଣସି ବିଶେଷ ତାରିଖ ନଥାଏ । ଦେଶର ଆର୍ଥିକ ବର୍ଷ ଆରମ୍ଭରୁ ଅର୍ଥାତ୍ ଜୁଲାଇ ପହିଲାରୁ ମଧ୍ୟ ଆସେମ୍ବିଲରେ ଉପସ୍ଥାପନ ହୋଇଥାଏ । ମନ୍ତ୍ରିମଣ୍ଡଳରେ ମଞ୍ଜୁରି ମିଳିବା ପରେ ଅର୍ଥମନ୍ତ୍ର ନ୍ୟାସନାଲ ଅସେମ୍ବିଲରେ ଏହାକୁ ଆଗତ କରିଥାନ୍ତି ।
ଭାରତ ବନାମ ପାକ୍ ବଜେଟ୍:-
ଭାରତ ବଜେଟ୍ ଏବଂ ପାକିସ୍ତାନ ବଜେଟର ଆକାର ଦେଖିବାକୁ ଗଲେ, ଭାରତ ତୁଳନାରେ ପାକ୍ ବଜେଟ୍ ବହୁତ ଛୋଟ ହୋଇଥାଏ । ଆର୍ଥିକ ବର୍ଷ ୨୦୨୪-୨୫ରେ ଭାରତର ବଜେଟ୍ ଥିଲା ୪୭,୬୫,୭୬୮ ଲକ୍ଷ କୋଟି ଟଙ୍କା । ହେଲେ ପାକିସ୍ତାନରେ ଏହା ମାତ୍ର ୧୮,୮୭୭ ଆରବ ପିକେଆର୍ ଥିଲା । ଭାରତୀୟ ମୁଦ୍ରାରେ ଦେଖିଲେ ଏହା ୫.୬୫ ଲକ୍ଷ କୋଟି ଟଙ୍କା । ପାକିସ୍ତାନ ବଜେଟର ଆକାର ଭାରତ ଠାକୁ ୮ ଗୁଣା ଛୋଟ ।...