ରାତି ଅଧରେ ମହିଳା କନଷ୍ଟେବଳଙ୍କୁ ପ୍ରେମ ନିବେଦନ କଲେ ଆଇଆଇସି, ଏସପିଙ୍କ ପାଖରେ ପହଞ୍ଚିଲା ମାମଲା

ରାମଚଣ୍ଡୀ,୧୭/୦୧: କୋଣାର୍କ ବେଳାମାର୍ଗସ୍ଥିତ ରାମଚଣ୍ଡୀ ଥାନାର ଜଣେ ମହିଳା କନେଷ୍ଟବଳ ନିଜକୁ ଅସୁରକ୍ଷିତ ମନେ କରି ଏସ୍‌ପିଙ୍କୁ ନ୍ୟାୟ ପାଇଁ ଲିଖିତ ଭାବେ ନିବେଦନ  କରିଛନ୍ତି । ମହିଳା କନେଷ୍ଟବଳ ଥାନା ଅଧିକାରୀଙ୍କ ବିରୋଧରେ ଏଭଳି ଅଭିଯୋଗ ଆଣିବାରୁ ଘଟଣାଟି  ସ୍ଥାନୀୟ ଅଞ୍ଚଳରେ ଆଲୋଚ୍ୟର ବିଷୟ ହୋଇଛି ।  

ରାମଚଣ୍ଡୀ ଥାନାର ମହିଳା କନେଷ୍ଟବଳ ଏସ୍‌ପିଙ୍କ ନିକଟରେ ଅଭିଯୋଗ କରିଛନ୍ତି, ମୁଁ ରାତିରେ ଥାନା ପରିସରରେ ଥିବା ରୁମ୍‌ରେ ଥିବା ବେଳେ ଆଇଆଇସି ରାତି ପ୍ରାୟ ୧୧ଟା ୫୦ରେ ମୋତେ ଫୋନ୍‌ କରିଥିଲେ । ମୋତେ ମେନ୍‌ ଗେଟ୍‌ ଖୋଲିବାକୁ କହିଥିଲେ ।  ମୁଁ କେଉଁ ଗେଟ୍‌ ଖୋଲିବି ବୋଲି ପଚାରିବାରୁ, ସାର୍‌ ମୋତେ ତୁ ଯେଉଁ ରୁମ୍‌ରେ ଶୋଇଛୁ ତା’ର ପଛପଟ କବାଟ ଖୋଲ । 

ମୋର ସେଣ୍ଟ୍ରି ଡ୍ୟୁଟି ନାହିଁ ବୁଲୁ ଭାଇଙ୍କର ଡ୍ୟୁଟି ଅଛି ଡାକିବି । ନାଇଁ ନାଇଁ  ତାକୁ ଡାକନା । ତୁ ତୋ ରୁମର ପଛପଟ କବାଟ ଖୋଲ । ମୁଁ ନ ଖୋଲିବାରୁ ମୋତେ କହିଲେ  ମୁଁ କ’ଣ ନିରାଶ ହୋଇ ଫେରିଯିବି । ମୁଁ ଏହା  ଶୁଣି ଭୟଭିତ ହୋଇ କନଷ୍ଟେବଳ ବିଦ୍ୟାଧର  ଟୁଡୁଙ୍କୁ ଫୋନ୍‌ ଯୋଗେ ଏକଥା ଜଣାଇଥିଲି । ସାରା ରାତି କାନ୍ଦି ଅନିଦ୍ରାରେ ଭୟଭୀତ ଅବସ୍ଥାରେ  ରହିଛି । ପୂର୍ବରୁ ଥରେ ଏଭଳି କରିଥିଲେ ।

ଆଇଆଇସିଙ୍କର ଏତାଦୃଶ୍ୟ କାର୍ଯ୍ୟ ପାଇଁ ଆମ୍ଭେ  ଥାନାରେ ନିଜକୁ ଅସୁରକ୍ଷିତ ମନେ କରୁଛୁ । ଏହି ଘଟଣାର ତଦନ୍ତ କରାଗଲେ ତାଙ୍କୁ ନ୍ୟାୟ ପ୍ରଦାନ କରାଯାଉ ବୋଲି ଗୁହାରି  କରିଛନ୍ତି । ଏହି ଅଭିଯୋଗ ପତ୍ର ସେ ନିମାପଡ଼ା ଏସ୍‌ଡିପିଓଙ୍କ ଜରିଆରେ ଏସ୍‌ପିଙ୍କୁ ପ୍ରଦାନ କରିଛନ୍ତି । ଏହି ଅଭିଯୋଗ ପାଇବା ପରେ ଜଣେ  ବରିଷ୍ଠ ଅଧିକାରୀଙ୍କୁ ଘଟଣାର ତଦନ୍ତ ଲାଗି  ପଠାଇଥିବା ଏସ୍‌ପି ବିନୀତି ଅଗ୍ରୱାଲ୍‌ କହିଛନ୍ତ