ଝିଅକୁ ଟାଣିନେଲା ୧୫ ଫୁଟର ଲହଡି, ଉଦ୍ଧାର କରିବାକୁ ସମୁଦ୍ର ମଝିକୁ ଡେଇଁ ପଡିଲା ବାପା

କାଲିଫର୍ଣ୍ଣିଆ, ୧୭|୧୧: ଝିଅକୁ ରକ୍ଷା କରିବା ପାଇଁ ସମୁଦ୍ରକୁ ଡେଉଁ ପଡିଲା ବାପା । କିନ୍ତୁ ହାର ମାନିଲା ପ୍ରୟାସ । ବିଧିର ବିଧାନ ଥିଲା କିଛି ଅଲଗା । ଶେଷରେ ଉଦ୍ଧାର କରିବା ବଦଳରେ ନିଜେ ଶବ ହୋଇଗଲା ବାପା । ଆଖପାଖରେ ଯେଉଁ ଲୋକେ ଏହା ଦେଖୁଥିଲେ ସେମାନଙ୍କ ଆଖିରେ ଆସି ଯାଇଥିଲା ଲୁହ । ସମସ୍ତଙ୍କ ଆଗରେ ଚାଲିଗଲା ଗୋଟିଏ ବାପାର ଜୀବନ । କିଛି ଏମିତି ଘଟିଛି ଆମେରିକାର କାଲିଫର୍ଣ୍ଣିଆରେ ।

ନ୍ୟୁୟର୍କ ପୋଷ୍ଟ ଅନୁସାରେ, କାନାଡାର ଜଣେ ୩୯ ବର୍ଷୀୟ ବ୍ୟକ୍ତି ନିଜ ପତ୍ନୀ ଦୁଇ.ଝିଅଙ୍କୁ ଧରି କାଲିଫର୍ଣ୍ଣିଆ ବୁଲି ଆସିଥିଲେ । ସେମାନେ ସମୁଦ୍ରରେ ଗାଧୋଉଥିବା ବେଳେ ୧୫ରୁ ୨୦ ଫୁଟର ଏକ ଲହଡି ଆସିଥିଲେ । ଏହା ଛୋଟ ଝିଅକୁ ପାଣି ମଧ୍ୟକୁ ଟାଣି ନେଇଥିଲା । ଝିଅର ମା ଉଦ୍ଧାର ପାଇଁ ପ୍ରାୟସ କରିଥିଲେ ମଧ୍ୟ ବିଫଳ ହୋଇଥିଲେ । ଶେଷରେ ବାପା ସମୁଦ୍ର ଭିତରକୁ ଉଦ୍ଧାର କରିବାକୁ ଯାଇଥିଲେ । କିନ୍ତୁ ଆଉ ଉଚ୍ଚ ଲହ଼ଡିର ସାମ୍ନା କରିପାରିନଥିଲେ । ସେମାନଙ୍କ ସାନ ଝିଅ କୂଳରେ ଥିବା ବେଳେ ଅଳ୍ପକେ ଅଘଟଣରୁ ବର୍ତ୍ତି ଯାଇଥିବା ଜଣାପଡିଛି ।

ସେଠାରେ ଉପସ୍ଥିତ ଥିବା ଲାଇଫ୍ ଗାର୍ଡ ବ୍ୟକ୍ତିଙ୍କୁ ଉଦ୍ଧାର କରି କୂଳକୁ ଆଣିଥିଲେ । ହେଲେ ସେତେବେଳକୁ ବିଳମ୍ବ ହୋଇଯାଇଥିଲା । ବ୍ୟକ୍ତିଜଣଙ୍କ ପ୍ରାଣ ହରାଇ ସାରିଥିଲେ । ଉଭୟ ପତି ପତ୍ନୀଙ୍କୁ ହସ୍ପିଟାଲ ନିଆଯାଇଥିଲା । ଡାକ୍ତର ପତିଙ୍କୁ ମୃତ ଘୋଷଣା କରିଥିବା ବେଳେ ଝିଅର ମାଆଙ୍କ ଚିକିତ୍ସା ହୋଇଥିଲା । କିଚି ଘଣ୍ଟା ପରେ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା ।

ତେବେ ୫ ବର୍ଷୀୟ ଝିଅକୁ ଉଦ୍ଧାର କରିବା ପାଇଁ ଏବେବି ସର୍ଚ୍ଚ ଅପରେସନ ଜାରି ରହିଛି । ଅନ୍ୟ ଦିଗରେ ପରିବାର ପକ୍ଷରୁ ବ୍ୟକ୍ତିଙ୍କ ନାଁ ପ୍ରକାଶ କରିବାକୁ ମନା କରାଯାଇଛି । ସେପଟେ ସ୍ଥାନୀୟ କୋଷ୍ଟ ଗାର୍ଡମାନେ ସମୁଦ୍ରରେ ଗାଧୋଇବା ବେଳେ ସାବଧାନ ରହିବା ଦରକାର ବୋଲି କହିଛନ୍ତି । ସମୁଦ୍ର ଆଡେ ସଦାବେଳେ ମୁହଁ କରି ଗାଧୋଇବା ଦରକାର ବୋଲି କୋଷ୍ଟ ଗାର୍ଡଙ୍କ ପକ୍ଷରୁ କୁହାଯାଇଛି ।