ନୂଆଦିଲ୍ଲୀ: ଅନ୍ତର୍ଜାତୀୟ କ୍ରିକେଟ୍ ପରିଷଦ(ଆଇସିସି) ବାର୍ଷିକ ଦଳ ମାନ୍ୟତା ଜାରି କରିଛି। ଅଷ୍ଟ୍ରେଲିଆ ଟେଷ୍ଟରେ ଶୀର୍ଷରେ ଥିବା ବେଳେ ଭାରତୀୟ ଦଳ ଦିନିକିଆ ଓ ଟି-୨୦ରେ ନମ୍ବର ଓ୍ଵାନ ସ୍ଥାନରେ ରହିଛି। କିନ୍ତୁ ଭାରତୀୟ ଦଳକୁ ଟେଷ୍ଟ ଫର୍ମାଟରେ ଦୁଇ ଲଗାତାର ସିରିଜ୍ ପରାଜୟର ଝଟକା ଲାଗିଛି। ଦଳ ଟପ୍-୩ରୁ ବାଦ୍ ପଡ଼ି ଚତୁର୍ଥ ସ୍ଥାନକୁ ଖସି ଆସିଛି। ଅଷ୍ଟ୍ରେଲିଆ ତିନି ଫର୍ମାଟ୍ରେ ଟପ୍-୩ରେ ରହିଛି, ଯାହା କଙ୍ଗାରୁ ଦଳ ପାଇଁ ବଡ଼ ଉପଲବ୍ଧି। ଇଂଲଣ୍ଡ ଟେଷ୍ଟ ମାନ୍ୟତାରେ ଅଷ୍ଟ୍ରେଲିଆର ନିକଟତର ରହିଛି।
ଆଇସିସି ଟେଷ୍ଟ ମାନ୍ୟତା
ଅଷ୍ଟ୍ରେଲିଆ ୧୨୬ ପଏଣ୍ଟ ସହ ଶୀର୍ଷରେ ରହିଛି। ଇଂଲଣ୍ଡ ଖାତାରେ ୧୧୩ ପଏଣ୍ଟ ରହିଛି ଏବଂ ଦଳ ଦ୍ଵିତୀୟ ସ୍ଥାନରେ ରହିଛି। ଦକ୍ଷିଣ ଆଫ୍ରିକା ୧୧୧ ସହ ଦ୍ଵିତୀୟରୁ ତୃତୀୟ ସ୍ଥାନକୁ ଖସି ଆସିଛି। ଭାରତୀୟ ୧୦୫ ପଏଣ୍ଟ ପାଇ ଚତୁର୍ଥରେ ରହିଛି। ନ୍ୟୁଜିଲାଣ୍ଡ ଟେଷ୍ଟ ମାନ୍ୟତାରେ ୯୫ ଅଙ୍କ ସହ ପଞ୍ଚମ, ଶ୍ରୀଲଙ୍କା(୮୭) ଷଷ୍ଠ, ପାକିସ୍ତାନ(୭୮) ସପ୍ତମ, ଓ୍ଵେଷ୍ଟଇଣ୍ଡିଜ(୭୩) ଅଷ୍ଟମ, ବାଂଲାଦେଶ(୬୨) ନବମ ଓ ଆୟରଲାଣ୍ଡ(୩୦) ଦଶମ ସ୍ଥାନରେ ରହିଛି।
ଆଇସିସି ଦିନିକିଆ ମାନ୍ୟତା
ଭାରତ ୧୨୪ ରେଟିଂ ପଏଣ୍ଟ ସହ ଏକ ନମ୍ବର ସ୍ଥାନରେ ରହିଥିବା ବେଳେ ନ୍ୟୁଜିଲାଣ୍ଡ ୧୦୯ ଅଙ୍କ ସହ ଦ୍ଵିତୀୟରେ ରହିଛି। ୧୦୯ ପଏଣ୍ଟ ସହ ଅଷ୍ଟ୍ରେଲିଆ ତୃତୀୟ, ୧୦୪ ପଏଣ୍ଟ ସହ ଶ୍ରୀଲଙ୍କା ଚତୁର୍ଥ, ପାକିସ୍ତାନ(୧୦୪) ପଞ୍ଚମ, ଦକ୍ଷିଣ ଆଫ୍ରିକା(୯୬) ଷଷ୍ଠ, ଆଫଗାନିସ୍ତାନ(୯୧) ସପ୍ତମ, ଇଂଲଣ୍ଡ(୮୪) ଅଷ୍ଟମ, ଓ୍ଵେଷ୍ଟଇଣ୍ଡିଜ(୮୩) ନବମ ଓ ବାଂଲାଦେଶ(୭୬) ଦଶମ ସ୍ଥାନରେ ରହିଛି।
ଟି-୨୦ ମାନ୍ୟତା
ଭାରତ ୨୭୧ ପଏଣ୍ଟ ସହ ଶୀର୍ଷରେ ରହିଛି। ୨୬୨ ଅଙ୍କ ସହ ଅଷ୍ଟ୍ରେଲିଆ ଦ୍ଵତିୀୟ ସ୍ଥାନରେ ରହିଛି। ୨୫୪ ପଏଣ୍ଟ ସହ ଇଂଲଣ୍ଡ ତୃତୀୟ, ୨୪୯ ପଏଣ୍ଟ ସହ ନ୍ୟୁଜିଲାଣ୍ଡ ଚତୁର୍ଥ, ୨୪୬ ପଏଣ୍ଟ ସହ ଓ୍ଵେଷ୍ଟଇଣ୍ଡିଜ ପଞ୍ଚମରେ ରହିଛି। ସେହିପରି ଦକ୍ଷିଣ ଆଫ୍ରିକା(୨୪୫) ଷଷ୍ଠ, ଶ୍ରୀଲଙ୍କା(୨୩୫) ସପ୍ତମ, ପାକିସ୍ତାନ(୨୨୮) ଅଷ୍ଟମ, ବାଂଲାଦେଶ(୨୨୫) ନବମ ଓ ଆଫଗାନିସ୍ତାନ(୨୨୩) ଦଶମ ସ୍ଥାନରେ ରହିଛି।
