ଆଠଗଡ଼ ବନଖଣ୍ଡରେ ସରିଲା ପକ୍ଷୀ ଗଣନା, ଚଳିତ ବର୍ଷ ବଢ଼ିଛନ୍ତି ୫ ହଜାରରୁ ଅଧିକ ପକ୍ଷୀ

ଆଠଗଡ଼ ୧୯।୧: ଆଠଗଡ଼ ବନଖଣ୍ଡରେ ସରିଲା ପକ୍ଷୀ ଗଣନା । ଗତ ବର୍ଷ ତୁଳନାରେ ଚଳିତ ବର୍ଷ ଆଠଗଡ଼ ବନଖଣ୍ଡରେ ପକ୍ଷୀ ସଂଖ୍ୟା ୨୨ ପ୍ରତିଶତ ବଢ଼ିଛି । ଚଳିତ ବର୍ଷ ବଢ଼ିଛନ୍ତି ୫ ହଜାରରୁ ଅଧିକ ପକ୍ଷୀ ।

ଚଳିତ ବର୍ଷ ଆଠଗଡ଼ ବନଖଣ୍ଡରେ ୨୫୫୮୫ ପକ୍ଷୀ ଗଣନା କରାଯାଇଥିବା ବେଳେ ଗତ ବର୍ଷ ୧୯୯୬୨ଟି ପକ୍ଷୀ ଗଣନା କରାଯାଇଥିଲା । ଚଳିତ ବର୍ଷ ୯୫ ପ୍ରଜାତିର ପକ୍ଷୀ ଦେଖିବକୁ ମିଳିଛି । ପାଖାପାଖି ୫ ପ୍ରତିଶତ  ବିଦେଶାଗତ ପକ୍ଷୀ ଦେଖିବକୁ ମିଳିଛି । ଆଠଗଡ଼ ବନଖଣ୍ଡ ଅଧିନରେ ଥିବା ୫ଟି ରେଞ୍ଜର ବିଭିନ୍ନ ସ୍ଥାନ ମାନଙ୍କରେ ପକ୍ଷୀ ଗଣନା ଶେଷ ହୋଇଛି । ନରସିଂହପୁର ପୂର୍ବାଞ୍ଚଳ ରେଞ୍ଜରେ ୬୫୬୬, ନରସିଂହପୁର ପଶ୍ଚିମାଞ୍ଚଳ ରେଞ୍ଜରେ ୧୬୬୩, ବଡ଼ମ୍ବା ରେଞ୍ଜରେ ୨୫୨୦, ଆଠଗଡ଼ ରେଞ୍ଜରେ ୭୫୨୫ ଏବଂ ଖୁଣ୍ଟୁଣୀ ରେଞ୍ଜରେ ୭୩୧୧ଟି ଦେଶୀ ଏବଂ ବିଦେଶାଗତ ପକ୍ଷୀଙ୍କର ଗଣନା ହୋଇଛି । ଏହି ପକ୍ଷୀ ଗଣନା କାର୍ଯ୍ୟରେ ଆଠଗଡ଼ ବନଖଣ୍ଡରେ ୧୬୦ ଜଣ କର୍ମଚାରୀ ନିୟୋଜିତ ହୋଇଥିଲେ ।