ନୂଆଦିଲ୍ଲୀ ୦୬/୦୫: ହାର୍ଭାର୍ଡ ବିଶ୍ୱବିଦ୍ୟାଳୟ ବିରୋଧରେ ଟ୍ରମ୍ପଙ୍କ କାର୍ଯ୍ୟାନୁଷ୍ଠାନ ଜାରି । ପାଲେଷ୍ଟାଇନ ସମର୍ଥନ ଓ ଇସ୍ରାଏଲ ବିରୋଧରେ କ୍ୟାମ୍ପସରେ ପ୍ରତିବାଦ ପରେ ଜାରି ରହିଛି ପ୍ରତିବାଦ । ଟ୍ରମ୍ପ ପ୍ରଶାସନ ଆମେରିକାର ଶିକ୍ଷା ବିଭାଗ ଗବେଷଣା ଓ ଅନ୍ୟାନ୍ୟ ଆର୍ଥିକ ସହାୟତା ପାଇଁ ବିଶ୍ୱବିଦ୍ୟାଳୟଗୁଡ଼ିକୁ ମିଳୁଥିବା କୋଟି କୋଟି ଡଲାରର ପାଣ୍ଠିକୁ ବନ୍ଦ କରିଦେଇଛି ।
ବିଭାଗ ପକ୍ଷରୁ ସୋମବାର ବିଶ୍ୱବିଦ୍ୟାଳୟ ପ୍ରଶାସନକୁ ଏ ବିଷୟରେ ଅବଗତ କରାଯାଇଥିଲା । ରଏଟର୍ସର ରିପୋର୍ଟ ଅନୁଯାୟୀ, ହାର୍ଭାର୍ଡ ଟ୍ରମ୍ପ ପ୍ରଶାସନର ଦାବି ପୂରଣ ନ କରିବା ଯାଏଁ ଏହି ପ୍ରତିବନ୍ଧକ ଜାରି ରହିବ। ବିଶ୍ୱବିଦ୍ୟାଳୟ କ୍ୟାମ୍ପସରେ ଇହୁଦୀ ବିରୋଧୀ ମନୋଭାବ, ଛାତ୍ର ଜାତି ନୀତି ଏବଂ ଅନୁଦାନ ଗ୍ରହଣରୁ ପ୍ରତିଷ୍ଠାନକୁ ନିଷିଦ୍ଧ କରିବାର ନିଷ୍ପତ୍ତି ସମ୍ପର୍କରେ ସ୍ପଷ୍ଟୀକରଣ ମାଗିଛି ବିଭାଗ ।
ଶିକ୍ଷା ବିଭାଗ ସଚିବ ଲିଣ୍ଡା ମ୍ୟାକମାହନ ଏକ ଚିଠିରେ କହିଛନ୍ତି ଯେ ହାର୍ଭାର୍ଡକୁ ସଂଘୀୟ ସରକାରଙ୍କଠାରୁ ପାଣ୍ଠି ଲୋଡ଼ିବା ଉଚିତ୍ ନୁହେଁ । କାରଣ ଏବେ କୌଣସି ଅନୁଦାନ ପ୍ରଦାନ କରାଯିବ ନାହିଁ। ହାର୍ଭାର୍ଡ ଏହାର ତୁରନ୍ତ ପ୍ରତିକ୍ରିୟା ଦେଇ ନଥିଲା। ରିପୋର୍ଟ ଅନୁସାରେ, ଆଇନଗତ ସୀମାବଦ୍ଧତାକୁ ଧ୍ୟାନରେ ରଖି ଟ୍ରମ୍ପ ପ୍ରଶାସନ ଏହି ପଦକ୍ଷେପ ନେବା ପାଇଁ ଏକ ନୂତନ ପଦ୍ଧତି ଗ୍ରହଣ କରିଛି।
ସେପଟେ ପାଲେଷ୍ଟାଇନ ସମର୍ଥନରେ ହୋଇଥିବା ପ୍ରତିବାଦ ପରେ, ଟ୍ରମ୍ପ ପ୍ରଶାସନ ବିଶ୍ୱବିଦ୍ୟାଳୟ ପ୍ରଶାସନ ଉପରେ କ୍ୟାମ୍ପସରେ ଇହୂଦୀ ବିରୋଧୀ କାର୍ଯ୍ୟକଳାପ ଘଟାଉଥିବା ଅଭିଯୋଗ କରିଥିଲା। ଟ୍ରମ୍ପ ପ୍ରଶାସନ କ୍ୟାମ୍ପସରେ ଏପରି ଗୋଷ୍ଠୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଏବଂ ପ୍ରତିବାଦ ସମୟରେ ମାସ୍କ ବ୍ୟାନ କରିବାକୁ ଦାବି କରିଥିଲା।
ତଥାପି, ବିଶ୍ୱବିଦ୍ୟାଳୟ ପକ୍ଷରୁ ଏପରି ଅଭିଯୋଗକୁ ଅସ୍ୱୀକାର କରାଯାଇଛି। ଟ୍ରମ୍ପ ପ୍ରଶାସନର ଦାବି ଅନୁଯାୟୀ, କ୍ୟାମ୍ପସ ପ୍ରତିବାଦକାରୀଙ୍କ ବିରୁଦ୍ଧରେ କୌଣସି ଠୋସ୍ କାର୍ଯ୍ୟାନୁଷ୍ଠାନ ନିଆଯାଇନାହିଁ, ଯାହା ଟ୍ରମ୍ପ ପ୍ରଶାସନର ଅସନ୍ତୋଷକୁ ବୃଦ୍ଧି କରିଛି।
