ନୂଆଦିଲ୍ଲୀ: ଯୁବ ଭାରତୀୟ ମହିଳା କ୍ରିକେଟର କାଶଭି ଗୌତମ ଏବଂ ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଏକ ଭାବପୂର୍ଣ୍ଣ ଭିଡିଓ ଏବେ ଇଣ୍ଟରନେଟରେ ଧୁମ ମଚାଇଛି। ଉଭୟଙ୍କ ଏକ ଇମୋସନାଲ ଭିଡିଓ କେବଳ ଦୁଇ ଦିନରେ ଇନଷ୍ଟାଗ୍ରାମରେ ୮୦ ମିଲିୟନରୁ ଅଧିକ ଥର ଦେଖାଯାଇସାରିଛି।
ପ୍ରକୃତରେ ମହିଳା ପ୍ରମିୟର ଲିଗରେ ଗୁଜରାଟ ଜାଏଣ୍ଟସର ପ୍ରତିନିଧିତ୍ବ କରିଥିବା କାଶଭି, ଟୁର୍ଣ୍ଣାମେଣ୍ଟ ସମୟରେ ପାଣ୍ଡ୍ୟାଙ୍କ ସହ ସାକ୍ଷାତ କରିଥିଲେ। ଏହି ସମୟରେ ପାଣ୍ଡ୍ୟା ଜାଣିବାକୁ ପାଇଥିଲେ ଯେ, କାଶଭି ତାଙ୍କୁ ନିଜର ଆଦର୍ଶ ବୋଲି ମାନୁଛନ୍ତି। ଏଥିରେ ଖୁସି ହୋଇ ସେ ତାଙ୍କୁ ନିଜର ବ୍ୟାଟ ଉପହାରରେ ଦେବାକୁ ପ୍ରତିଶ୍ରୁତି ଦେଇଥିଲେ। ଆଉ ମୁମ୍ବାଇ ଇଣ୍ଡିଆନ୍ସ ଦିଲ୍ଲୀ କ୍ୟାପିଟାଲ୍ସ ମ୍ୟାଚ ପୂର୍ବରୁ ନିଜ ପ୍ରତିଶ୍ରୁତି ପୂରଣ କରିଛନ୍ତି ପାଣ୍ଡ୍ୟା। କାଶଭିଙ୍କୁ ଦେଇଛନ୍ତି ନିଜର ବ୍ୟାଟ୍। ପାଣ୍ଡ୍ୟା ବ୍ୟାଟ୍ ‘HP33’ ମଧ୍ୟ ଲେଖିଛନ୍ତି।
ଭିଡିଓରେ ପାଣ୍ଡ୍ୟା କାଶଭିଙ୍କୁ ବ୍ୟାଟ ଦେବା ସହ ଶୁଭେଚ୍ଛା ଜଣାଇଛନ୍ତି। ପାଣ୍ଡ୍ୟା କାଶଭିଙ୍କୁ ବ୍ୟାଟ ଦେବା ସହ କହିଛନ୍ତି ‘‘ଖେଳ ଆଉ ଖେଳର ଆନନ୍ଦ ନିଅ। ଭଲ ଖେଳ। ଭାରତ ପାଇଁ ଖେଳ।‘‘ ସେହିଭଳି କାଶଭି ଏହି ଭିଡିଓ ସେୟାର କରି କ୍ୟାପ୍ସନ ଲେଖିଛନ୍ତି ‘ଚାମ୍ପିୟନ୍ସ କେବଳ ଖେଳ ଖେଳନ୍ତିନି ସେମାନେ ଆଗାମୀ ପିଢ଼ୀର ଉତ୍ଥାନ କରିଥାନ୍ତି। ହାର୍ଦ୍ଦିକ ପାଣ୍ଡ୍ୟା, ପ୍ରତିଶ୍ରୁତି ଦେଇଥିଲେ। ତାକୁ ନିଭାଇଛନ୍ତି। ଧନ୍ୟବାଦ।’’
ସୂଚନାଥାଉକି, କାଶଭିଙ୍କୁ ଓ୍ବାନଡେ ବିଶ୍ବ କପ୍ ପୂର୍ବରୁ ଭାରତୀୟ ମହିଳା ଟିମ୍ରେ ପ୍ରଥମ ଥର ସାମିଲ କରାଯାଇଛି। ସେ ଡବ୍ଲୁପିଏଲ ୨୦୨୫ରେ ଉତ୍ତମ ପ୍ରଦର୍ଶନ କରିଥିବା ଖେଳାଳି। ସେ ୯ ମ୍ୟାଚରେ ୧୧ ଓ୍ବିକେଟ ନେବା ସହ ମହତ୍ବପୂର୍ଣ୍ଣ ରନ୍ କରିଛନ୍ତି।
