ଇସଲାମବାଦ: ପାକିସ୍ତାନ ପାଇଁ ଆରମ୍ଭ ହୋଇଗଲାଣି ‘ବୁରେ ଦିନ୍’। ପହଲଗାମ ହମ୍ଲା ପରେ, ଭାରତର ପ୍ରତିଶୋଧ ଭୟରେ ଥରି ଉଠିଛି ପାକିସ୍ତାନ। ଏବେ ପାକିସ୍ତାନକୁ ଝଟ୍କା ଦେଇଛି ସାଉଦି ଆରବ। ମେ ମାସରେ ଆରମ୍ଭ ହେଉଥିବା ହଜ୍ ଯାତ୍ରା ପାଇଁ ପ୍ରସ୍ତୁତିରେ ବ୍ୟସ୍ତ ସାଉଦି ସରକାର। ଏଭଳି ସ୍ଥିତିରେ ହଜ୍ ଯାତ୍ରୀ ସାଉଦି ଯାଇପାରିବେ ନାହିଁ ୬୭ ହଜାରରୁ ଅଧିକ ପାକିସ୍ତାନୀ ନାଗରିକ। ଏହି ପଦକ୍ଷେପ ଦର୍ଶାଉଛି ଯେ ଏହା ସର୍ବନିମ୍ନ ସଂଖ୍ୟକ ପାକିସ୍ତାନୀଙ୍କୁ ନିମନ୍ତ୍ରଣ କରିବାକୁ ଚାହୁଁଛି ସାଉଦି।
ରିପୋର୍ଟ ଅନୁଯାୟୀ, ଏହି ବର୍ଷ ୬୭ ହଜାରରୁ ଅଧିକ ଘରୋଇ ପାକିସ୍ତାନୀ ହଜ୍ ଯାତ୍ରୀ ସାଉଦି ଯାଇପାରିବେ ନାହିଁ। ସାଉଦି ସରକାର ଏହି ପଦକ୍ଷେପ ଏପରି ସମୟରେ ନେଇଛନ୍ତି ଯେତେବେଳେ ପାକିସ୍ତାନ ହଜ୍ ପାଇଁ ପ୍ରଥମ ବିମାନ ଛାଡିବାକୁ ଯାଉଛି। ଇସଲାମାବାଦରୁ ସାଉଦି ଆରବକୁ ପ୍ରଥମ ହଜ୍ ବିମାନ ଏପ୍ରିଲ ୨୯ରେ ଛାଡିବ।
ଚଳିତ ବର୍ଷ, ଘରୋଇ କାର୍ଯ୍ୟକ୍ରମ ଅଧୀନରେ ୬୭,୨୧୦ ପାକିସ୍ତାନୀ ତୀର୍ଥଯାତ୍ରୀ ହଜ୍ ଯାତ୍ରାରେ ଯାଇପାରିବେ ନାହିଁ। ଯଦିଓ ଘରୋଇ ଯୋଜନାରେ ୯୦,୮୩୦ ଜଣ ତୀର୍ଥଯାତ୍ରୀ ଯାତ୍ରା କରିବାର ଥିଲା, ଏବେ କେବଳ ୨୩,୬୨୦ ଜଣ ଯାଇପାରିବେ। ଧାର୍ମିକ ବ୍ୟାପାର ମନ୍ତ୍ରଣାଳୟ ଅନୁଯାୟୀ, ୨୦୨୫ରେ କେବଳ ୨୬ ପ୍ରତିଶତ ଘରୋଇ ତୀର୍ଥଯାତ୍ରୀଙ୍କୁ ହଜ୍ କରିବାର ସୁଯୋଗ ଦିଆଯିବ, ଯାହାର ଅର୍ଥ ହେଉଛି ପ୍ରତି ଚାରି ଜଣଙ୍କ ମଧ୍ୟରୁ ତିନି ଜଣ ପାକିସ୍ତାନୀ ତୀର୍ଥଯାତ୍ରୀ ଯାଇପାରିବେ ନାହିଁ।
ସୂତ୍ର ଅନୁଯାୟୀ ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶରେ ଏକ ତଦନ୍ତ କମିଟି ଗଠନ ସତ୍ତ୍ୱେ, ଏହି ପ୍ରସଙ୍ଗରେ କୌଣସି ଅଗ୍ରଗତି ହୋଇନାହିଁ। ବୈଦେଶିକ ମନ୍ତ୍ରଣାଳୟ ମଧ୍ୟ ସ୍ପଷ୍ଟ କରିଛି ଯେ ଏହା ୨୦୨୫ ହଜ୍ ତୀର୍ଥଯାତ୍ରୀଙ୍କ ପାଇଁ କୌଣସି ବିଶେଷ ରିହାତି ପାଇପାରିବ ନାହିଁ। ଏବେ ସରକାରଙ୍କ ପାଖରେ ୬୭ ହଜାରରୁ ଅଧିକ ଘରୋଇ ତୀର୍ଥଯାତ୍ରୀଙ୍କ କଣ ହେବ ତାହାର କୌଣସି ଉତ୍ତର ନାହିଁ।
ପାକିସ୍ତାନର ପ୍ରଥମ ହଜ୍ ବିମାନ ଏପ୍ରିଲ ୨୯ରେ ଇସଲାମାବାଦରୁ ୩୯୩ ଜଣ ହଜ୍ ଯାତ୍ରୀଙ୍କୁ ନେଇ ଯାତ୍ରା କରିବ। ଧାର୍ମିକ ବ୍ୟାପାର ମନ୍ତ୍ରଣାଳୟର ଅଧିକାରୀମାନେ ଇସଲାମାବାଦ ବିମାନବନ୍ଦରରେ ରୋଡ୍ ଟୁ ମକ୍କା ପ୍ରତିନିଧିମଣ୍ଡଳକୁ ସ୍ୱାଗତ କରିଥିଲେ।
