ବିନିକା ୧୧/୧୨: ସୁବର୍ଣ୍ଣପୁର ବିନିକା ବ୍ଲକ ଫୁଲମୁଠି ଠାରେ ଜାକଜକମରେ ଚାଲିଛି ଗୋକୁଳାଷ୍ଟମୀ ମହୋତ୍ସବ । ବୁଧବାର ଠାରୁ ଆରମ୍ଭ ହୋଇଛି କଂସ ଦରବାର । ୭ ଦିନ ଧରି ଗୋକୁଳାଷ୍ଟମୀ ମହୋତ୍ସବରେ ଜମିବ କଂସ ଦରବାର । ବିନିକା ଥାନା ଅଧିକାରୀ ମୁଖ୍ୟ ଅତିଥି ଭାବରେ ଯୋଗ ଦେଇ ଉତ୍ସବର ଉଦ୍‌ଘାଟନ କରିଥିଲେ । କଂସ ଭୂମିକାରେ ଅଭିନୟ କରୁଥିବା ଗୋପାଳ ପଣ୍ଡାଙ୍କ ଅଭିନୟ ସମସ୍ତଙ୍କ ମନ ମୋହୁଛି ।ଶୀତୁଆ ରାତିରେ କଂସ ଦରବାର ସମ୍ମୁଖରେ ଲୋକଙ୍କ ଭିଡ ଲାଗିଛି ।  ମୀନାବଜାର ବୁଲିବା ସହ ଦୋଳି ଖେଳି ମଜା ନେଉଛନ୍ତି କୁନି କୁନି ପିଲା । କଂସ ଦରବାରରେ ନୃତ୍ୟ ଗୀତ  ସହ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଚାଲିଛି ।