ଦୁଇ ବର୍ଷର ବନବାସ ପରେ ଟିମକୁ ଫେରିଲେ ଇଶାନ୍ କିଷାନ, T-20 ବିଶ୍ୱକପ୍‌ରେ ଦେଖାଇବେ ଜଲଓ୍ୱା

ନୂଆଦିଲ୍ଲୀ: T20 ବିଶ୍ୱକପ୍-2026 ପାଇଁ ଭାରତୀୟ ଦଳ ଘୋଷଣା। ଟିମ୍ କମାଣ ସମ୍ଭାଳିବେ ସୂର୍ଯ୍ୟ । ୧୫ ଜଣିଆ ଭାରତୀୟ ଦଳରେ ସାମିଲ ଇଶାନ କିଶନ ଏବଂ ରିଙ୍କୁ ସିଂହ। ଖରାପ ଫର୍ମ ସହିତ ସଂଘର୍ଷ କରୁଥିବା ଶୁଭମନ ଗିଲ ଟିମରୁ ଆଉଟ୍। ମୁମ୍ବାଇସ୍ଥିତ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) ମୁଖ୍ୟାଳୟରେ ଏକ ଗୁରୁତ୍ୱପୂର୍ଣ୍ଣ ଚୟନକର୍ତ୍ତା କମିଟି ବୈଠକ ଅନୁଷ୍ଠିତ ହୋଇଥିଲା। ଏହା ପରେ ବିଶ୍ୱକପ୍ ପାଇଁ ଦଳ ଘୋଷଣା କରିଥିଲେ BCCI ସଚିବ ଦେବଜିତ ସାଇକିଆ।ବିଶ୍ୱକପ୍ ପାଇଁ ସୂର୍ଯ୍ୟକୁମାର ଯାଦବଙ୍କ ଉପରେ ଭରସା କରିଛି BCCI। ତାଙ୍କୁ ଅଧିନାୟକ ଭାବେ ନିଯୁକ୍ତି କରାଯାଇଛି। ଅକ୍ଷର ପଟେଲ ଉପ-ଅଧିନାୟକ ଦାୟିତ୍ୱ ନେବେ। ସବୁଠାରୁ ବଡ଼ କଥା ହେଲା ଶୁଭମନ ଗିଲଙ୍କୁ ମିଳିଳାନି ସ୍ଥାନ। ଶୁଭମନ ଗିଲ୍ ବାଦ ପଡ଼ିବା ପରେ, ଅକ୍ଷର ପଟେଲଙ୍କୁ ୨୦୨୬ ଟି-୨୦ ବିଶ୍ୱକପ୍ ପାଇଁ ଉପ-ଅଧିନାୟକ ନିଯୁକ୍ତ କରାଯାଇଛି।

ସେହିପରି ଦୀର୍ଘ ଦିନର ବନବାସ ପରେ ଟିମକୁ ଫେରିଛନ୍ତି ଇଶାନ୍ କିଶାନ। ଇଶାନଙ୍କ ସହିତ ରିଙ୍କୁ ସିଂହ ମଧ୍ୟ ଦଳକୁ ଫେରିଛନ୍ତି। ରିଙ୍କୁ ସିଂହ ଟି-୨୦ ଏସିଆ କପରେ ଟିମ୍ ଇଣ୍ଡିଆର ଅଂଶ ଥିଲେ କିନ୍ତୁ ତାଙ୍କୁ ଦକ୍ଷିଣ ଆଫ୍ରିକା ବିପକ୍ଷରେ ଟି-୨୦ ସିରିଜରୁ ବାଦ ଦିଆଯାଇଥିଲା। ୱିକେଟକିପର-ବ୍ୟାଟର ଜିତେଶ ଶର୍ମାଙ୍କୁ ମଧ୍ୟ ଟି-୨୦ ବିଶ୍ୱକପ୍ ଦଳରୁ ବାଦ ଦିଆଯାଇଛି। ଜିତେଶ ଶର୍ମା ଦକ୍ଷିଣ ଆଫ୍ରିକା ବିପକ୍ଷରେ ଟି-୨୦ ସିରିଜରେ ଦଳର ଅଂଶ ଥିଲେ।ପେସ୍ ଓ ସ୍ପିନରକୁ ଗୁରୁତ୍ୱ ଦେଇଛନ୍ତି ଚୟନକର୍ତ୍ତା। ଜସପ୍ରିତ ବୁମରାହ ପେସ୍ ର ନେତୃତ୍ୱ ନେବେ। ସେହିପରି ସ୍ପିନର ନେତୃତ୍ୱ ନେବେ ବରୁଣ ଚକ୍ରବର୍ତ୍ତୀ ଏବଂ କୁଲଦୀପ ଯାଦବ।

ଏମାନଙ୍କ ବ୍ୟତୀତ, ହାର୍ଦ୍ଦିକ ପାଣ୍ଡ୍ୟା ଏବଂ ଶିବମ ଦୁବେଙ୍କୁ ଟିମ୍ ଇଣ୍ଡିଆରେ ଅଲରାଉଣ୍ଡର ଭାବରେ ମନୋନୀତ କରାଯାଇଛି।୨୦୨୬ ଟି୨୦ ବିଶ୍ୱକପ୍ ପାଇଁ ମନୋନୀତ ଅଧିକାଂଶ ଖେଳାଳି ଦକ୍ଷିଣ ଆଫ୍ରିକା ବିପକ୍ଷ ଟି୨୦ ସିରିଜରେ ଚମତ୍କାର ପ୍ରଦର୍ଶନ କରିଥିଲେ। ଫଳସ୍ୱରୂପ, ଚୟନକର୍ତ୍ତାମାନେ ସେମାନଙ୍କୁ ବିଶ୍ୱକପ୍ ଦଳରେ ରଖିବାକୁ ନିଷ୍ପତ୍ତି ନେଇଛନ୍ତି। ତିଲକ ବର୍ମା ଦକ୍ଷିଣ ଆଫ୍ରିକା ବିପକ୍ଷ ଟି୨୦ ସିରିଜର ୪ ମ୍ୟାଚ୍ରେ ୧୮୭ ରନ୍ କରି ଦଳର ସର୍ବାଧିକ ସ୍କୋରର ଥିଲେ। ତାଙ୍କ ପରେ ହାର୍ଦ୍ଦିକ ପାଣ୍ଡ୍ୟା ଥିଲେ, ଯିଏ ୧୮୬ରୁ ଅଧିକ ଷ୍ଟ୍ରାଇକ୍ ରେଟ୍ ଏବଂ ଦୁଇଟି ଅର୍ଦ୍ଧଶତକ ସହିତ ତିନୋଟି ଇନିଂସରେ ୧୪୨ ରନ୍ କରିଥିଲେ।

ଦକ୍ଷିଣ ଆଫ୍ରିକା ବିପକ୍ଷରେ ବରୁଣ ଚକ୍ରବର୍ତ୍ତୀଙ୍କ ବୋଲିଂ ପ୍ରଦର୍ଶନ ପ୍ରଭାବଶାଳୀ ଥିଲା। ସେ ଚାରି ମ୍ୟାଚ୍ରେ ସର୍ବାଧିକ ୱିକେଟ୍ ନେଇଥିଲେ, ୧୦ଟି ନେଇଥିଲେ ଏବଂ ପ୍ଲେୟାର ଅଫ୍ ଦି ସିରିଜ୍ ବିବେଚିତ ହୋଇଥିଲେ। ଟିମ୍ ଇଣ୍ଡିଆକୁ ଇଶାନ କିଷନ ଫେରିଲେ କାହିଁକି? ଇଶାନ କିଷାନଙ୍କ ଟି-୨୦ ବିଶ୍ୱକପ୍ ଦଳରେ ଫେରିବା କାରଣ ଥିଲା ସୟଦ ମୁସ୍ତାକ ଅଲି ଟ୍ରଫିରେ ତାଙ୍କର ପ୍ରଦର୍ଶନ। ସେ ତାଙ୍କ ଅଧିନାୟକତ୍ୱରେ ଝାଡ଼ଖଣ୍ଡକୁ ପ୍ରଥମ SMAT ଟାଇଟଲ ଜିତାଇଥିଲେ। ଯାହା ସେମାନଙ୍କୁ ସେହି ଘରୋଇ T20 ଟୁର୍ଣ୍ଣାମେଣ୍ଟରେ ସର୍ବାଧିକ ରନ ସ୍କୋରିଂ, ବିସ୍ଫୋରକ ଶତକ ହାସଲ କରିଥିଲେ। ତାଙ୍କର ବ୍ୟାଟିଂ ଦକ୍ଷତା ତାଙ୍କୁ ପ୍ରଥମ SMAT ଟାଇଟଲ ଦେଇଥିଲା।

ସେ ସମଗ୍ର ଟୁର୍ଣ୍ଣାମେଣ୍ଟରେ ୧୦ଟି ମ୍ୟାଚରେ ୫୦୦ରୁ ଅଧିକ ରନ କରିଥିଲେ।ଟି20 ବିଶ୍ୱକପ୍ ପାଇଁ ଭାରତୀୟ ଦଳରେ ସୂର୍ଯ୍ୟକୁମାର ଯାଦବ, ଅକ୍ଷର ପଟେଲ, ଇଶାନ କିଶନ, ସଞ୍ଜୁ ସାମସନ, ଅଭିଷେକ ଶର୍ମା, , ତିଲକ ବର୍ମା, ଶିବମ ଦୁବେ, ହାର୍ଦ୍ଦିକ ପାଣ୍ଡ୍ୟା, ୱାଶିଂଟନ ସୁନ୍ଦର, ବରୁଣ ଚକ୍ରବର୍ତ୍ତୀ, କୁଲଦୀପ ଯାଦବ, ଅର୍ଶଦୀପ ସିଂହ, ଜସପ୍ରିତ ବୁମରାହ, ରିଙ୍କୁ ସିଂହ ଏବଂ ହର୍ଷିତ ରାଣା ଅଛନ୍ତି।