ଇନ୍ଦ୍ରେଶ ଉପାଧ୍ୟାୟ ଏବଂ ଧୀରେନ୍ଦ୍ର ଶାସ୍ତ୍ରୀ ମଧ୍ୟରୁ କିଏ ଅଧିକ ଧନୀ ?

ନୂଆଦିଲ୍ଲୀ: ବର୍ତ୍ତମାନ ସମୟରେ ସନାତନ ଧର୍ମର ପ୍ରଚାରକମାନଙ୍କ ମଧ୍ୟରେ ଦୁଇ ଯୁବ ଚେହେରା ସବୁଠାରୁ ଲୋକପ୍ରିୟ । ପଣ୍ଡିତ ଧୀରେନ୍ଦ୍ର ଶାସ୍ତ୍ରୀ ଏବଂ ଇନ୍ଦ୍ରେଶ ଉପାଧ୍ୟାୟ। ଦୁହେଁ ସୋସିଆଲ ମିଡିଆରେ ଏବଂ ଯୁବପିଢ଼ିଙ୍କ ମଧ୍ୟରେ ବହୁତ ଲୋକପ୍ରିୟ। ଜଣେ ତାଙ୍କ ଦରବାର ଏବଂ ସନାତନ ଯାତ୍ରା ପାଇଁ ଶିରୋନାମାରେ ରହିଥିବା ବେଳେ, ଅନ୍ୟ ଜଣେ ତାଙ୍କର ସୁମଧୁର କାହାଣୀ କହିବା ଶୈଳୀ ପାଇଁ ଜଣାଶୁଣା। ଏହାରି ମଧ୍ୟରେ ଇନ୍ଦ୍ରେଶ ଉପାଧ୍ୟାୟ ଗୃହସ୍ତ ଜୀବନ ଆରମ୍ଭ କରିବାକୁ ଯାଉଛନ୍ତି । ଇନ୍ଦ୍ରେଶ ଉପାଧ୍ୟାୟ ଶୁକ୍ରବାର ଜୟପୁରରେ ହରିୟାଣାର ଶିପ୍ରାଙ୍କ ସହିତ ବୈଦିକ ରୀତିନୀତି ଅନୁସାରେ ବିବାହ କରିବେ।

ଏସବୁ ଭିତରେ ଦୁଇ ଯୁବ ପ୍ରବଚକଙ୍କ ସଂପତ୍ତିକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଏହି ଦୁଇ ସନାତନ ଧର୍ମ ପ୍ରଚାରକଙ୍କ ମଧ୍ୟରୁ କିଏ ଅଧିକ ଧନୀ ? ପ୍ରତ୍ୟେକେ ପ୍ରବଚନ ଲାଗି କେତେ ଟଙ୍କା ନିଅନ୍ତି, ନା ସେମାନେ ମାଗଣା ଦରବାର ଲଗାନ୍ତି ? "ବାବା ବାଗେଶ୍ୱର" ଭାବରେ ଜଣାଶୁଣା ପଣ୍ଡିତ ଧୀରେନ୍ଦ୍ର କୃଷ୍ଣ ଶାସ୍ତ୍ରୀ, ତାଙ୍କ ଆୟ ଏବଂ ସମ୍ପତ୍ତି ବିଷୟରେ ସାର୍ବଜନୀନ ରିପୋର୍ଟ ରହିଛ । ତାଙ୍କର ଆୟର ମୁଖ୍ୟ ଉତ୍ସ ହେଉଛି ବାଗେଶ୍ୱର ଧାମରେ ଭକ୍ତମାନଙ୍କ ଦ୍ୱାରା ଦିଆଯାଉଥିବା ଦାନ।

ବିଭିନ୍ନ ଗଣମାଧ୍ୟମ ରିପୋର୍ଟ ଅନୁଯାୟୀ, ଧୀରେନ୍ଦ୍ର ଶାସ୍ତ୍ରୀଙ୍କ ସମ୍ପତ୍ତି ୧୯ରୁ ୨୦ କୋଟି ଟଙ୍କା ହେବ । ପ୍ରବଚନ ପାଇଁ ସେ ୧ ଲକ୍ଷରୁ ୩.୫ ଲକ୍ଷ ଟଙ୍କା ନିଅନ୍ତି । ଧୀରେନ୍ଦ୍ର ଶାସ୍ତ୍ରୀଙ୍କ ଅନୁଯାୟୀ, ସଂଗଠନର ଆୟ ସାମାଜିକ କଲ୍ୟାଣ ଉଦ୍ଦେଶ୍ୟରେ ବ୍ୟବହୃତ ହୁଏ । ଯେଉଁଥିରେ ଲଙ୍ଗର ଏବଂ ଏକ କର୍କଟ ହସ୍ପିଟାଲ ଅନ୍ତର୍ଭୁକ୍ତ। ଧୀରେନ୍ଦ୍ର ଶାସ୍ତ୍ରୀ ସ୍ପଷ୍ଟ କରିଛନ୍ତି ଯେ, ତାଙ୍କ ସଂଗଠନ ଏକ ବ୍ୟବସାୟ ନୁହେଁ ଏବଂ ଏହାର ଆୟ ଭକ୍ତଙ୍କ ସମର୍ଥନ ଉପରେ ନିର୍ଭର କରେ। ତଥାପି, ସାର୍ବଜନୀନ ଭାବରେ ଉପଲବ୍ଧ ଆକଳନ ତାଙ୍କୁ କୋଟିପତି ବର୍ଗରେ ସାମିଲ କରିଛି ।

ସେପଟେ ଇନ୍ଦ୍ରେଶ ଉପାଧ୍ୟାୟ ବୃନ୍ଦାବନର ଜଣେ ପ୍ରସିଦ୍ଧ ପ୍ରବଚକ । ତାଙ୍କର ସୋସିଆଲ ମିଡିଆରେ ପ୍ରବଳ ପ୍ରଶଂସକ ଅଛନ୍ତି। ଯୁବକମାନଙ୍କ ମଧ୍ୟରେ ତାଙ୍କର ଲୋକପ୍ରିୟତା YouTube ଏବଂ Instagram ଅନୁଗାମୀମାନଙ୍କ ସଂଖ୍ୟାରୁ ଅନୁମାନ କରାଯାଇପାରିବ। ଇନ୍ଦ୍ରେଶ ଉପାଧ୍ୟାୟଙ୍କ ସମ୍ପତ୍ତି ବିଷୟରେ କୌଣସି ସାର୍ବଜନୀନ ସୂଚନା ଉପଲବ୍ଧ ନାହିଁ। ଆଧ୍ୟାତ୍ମିକ ଗୁରୁ କିମ୍ବା ତାଙ୍କ ପରି ସାର୍ବଜନୀନ ବ୍ୟକ୍ତିତ୍ୱଙ୍କ ସମ୍ପତ୍ତି ସାଧାରଣତଃ ପ୍ରକାଶ କରାଯାଏ ନାହିଁ । ଏହି ସୂଚନା ପ୍ରଦାନ କରିପାରିବା ପାଇଁ କୌଣସି ନିର୍ଭରଯୋଗ୍ୟ ଉତ୍ସ ବି ନାହିଁ। ଯଦି ସୋସିଆଲ ମିଡିଆରୁ ମିଳିଥିବା ତଥ୍ୟ ଉପରେ ବିଶ୍ବାସ କରାଯାଏ, ତେବେ ସେ ପ୍ରତି ପ୍ରବଚନ ଲାଗି ୧୧,୦୦୦ରୁ ୫୦,୦୦୦ ଟଙ୍କା ଡିମାଣ୍ଡ କରନ୍ତି । କିନ୍ତୁ ତାଙ୍କର ବିଳାସପୂର୍ଣ୍ଣ ଜୀବନରୁ ଜଣାପଡ଼େ, ତାଙ୍କୁ ତାଙ୍କର ଅନୁଗାମୀମାନଙ୍କ ଠାରୁ ଖୁବ ଅର୍ଥ ଦାନା ଆକାରରେ ମିଳେ ।