ନୂଆଦିଲ୍ଲୀ: ପାକିସ୍ତାନର କ୍ବେଟାର ମାର୍ଗେଟ୍ କ୍ଷେତ୍ରରେ ଭୟଙ୍କର ବିସ୍ଫୋରଣ । ଏହି ବ୍ଲାଷ୍ଟରେ ଫ୍ରଣ୍ଟିୟର କାଂଷ୍ଟେବୁଲାରୀର ୪ଜଣ ଯବାନ ସହିଦ ହୋଇଛନ୍ତି । ସେହିପରି ଏଥିରେ ୩ଜଣ ଗୁରୁତର ଭାବେ ଆହତ ହୋଇଛନ୍ତି । ସେମାନଙ୍କୁ ନିକସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ବିସ୍ଫୋରଣ ପାକିସ୍ତାନର ଏକ ସୁରକ୍ଷା ବାହାନ ନିକଟରେ ହୋଇଛି । ଏହାକୁ ଖୈବର ପଖତୁନଖ୍ଓ୍ବା ଏବଂ ବେଲୁଚିସ୍ତାନ ଆତଙ୍କବାଦୀ ଗୋଷ୍ଠୀ କରିଥିବା ନେଇ କୁହାଯାଉଛି ।
ହନତ୍ର ଉରକର ଏସଏଚଓ ନବୀଦ୍ ଅଖତର ପାକିସ୍ତାନୀ ନ୍ୟୁଜ୍ ପେପର ଡନ୍ କହିଛନ୍ତି, କ୍ବେଟାର ମାର୍ଗେଟ୍ କ୍ଷେତ୍ରରେ ଏହି ଆକ୍ରମଣ ହୋଇଛି । ବମ୍ ନିରୋଧକ ଟିମ୍ ଗାଡ଼ିରେ ଯାଉଥିବା ବେଳେ ଆଇଇଡି ଦ୍ବାରା ତାଙ୍କୁ ଟାର୍ଗେଟ୍ କରାଯାଇଥିଲା । ଏଥିରେ ୪ଜଣ ଯବାନଙ୍କ ମୃତ୍ୟୁ ହୋଇଛି । ତେବେ ଏହି ବିସ୍ଫୋରଣକୁ ଏଯାଏଁ କୌଣସି ସଂଗଠନ ନିଜ ଉପରକୁ ନେଇ ନାହିଁନ୍ତି । ହେଲେ ବେଲୁଚି ବିଚ୍ଛିନ୍ନତାବାଦୀଙ୍କୁ ବିସ୍ଫୋରଣ ନେଇ ସନ୍ଦେହ କରାଯାଉଛି । ବେଲୁଚି ବିଚ୍ଛିନ୍ନତାବାଦୀ ଦେଶ ବିଭିନ୍ନ ସ୍ଥାନରେ ବିଶେଷ କରି ସୁରକ୍ଷାବଳ ଓ ପାକିସ୍ତାନ ନାଗରିକଙ୍କୁ ଟାର୍ଗେଟ୍ କରୁଛନ୍ତି । ପାକିସ୍ତାନ ଗୃହମନ୍ତ୍ରୀ ମୋହସିନ୍ ନକବୀ ବୋମା ବିସ୍ଫୋରଣ ଘଟଣାକୁ ନିନ୍ଦା କରିଛନ୍ତି ଏବଂ ସହିଦ ହୋଇଥିବା ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ଗୁରୁବାର ମଧ୍ୟ ବିସ୍ଫୋରଣ ହୋଇଥିଲା । ବେଲୁଚିସ୍ତାନର କଲାତ ଜିଲ୍ଲାରେ ରାସ୍ତା ପାର୍ଶ୍ବରେ ଛିଡ଼ା ହୋଇଥିବା ସୁରକ୍ଷାବାହିନୀର ଗାଡ଼ି ନିକଟରେ ବୋମା ବିସ୍ଫୋରଣ ହୋଇଥିଲା । ଏଥିରେ ସୁରକ୍ଷା ୩ ଜଣ ଯବାନ ସହିଦ୍ ହୋଇଛନ୍ତି । ଏହି ହମଲାକୁ ମଧ୍ୟ କୌଣସି ସଂଗଠନ ନିଜକୁ ଦାୟି କରିନାହାନ୍ତି । ବେଲୁଚିସ୍ତାନରେ ଲମ୍ବାଧରି ଉଗ୍ରବାଦୀଙ୍କ ଉତ୍ପାତ ଜାରି ରହିଛି । ଏଠାରେ ବେଲୁଚି ଲେବେରସନ ଆର୍ମି ସମତେ ଅନେକ ବିଚ୍ଛିନ୍ନବାଦୀ ସଂଗଠନ ସକ୍ରିୟ ରହିଛନ୍ତି ।...
