ଚୋର ସନ୍ଦେହରେ ୪ ଜଣଙ୍କୁ ନିସ୍ତୁକ ପିଟି ପୋଲିସର ଜିମାଦେଲେ ଲୋକେ

ଭଦ୍ରକ ୨୬/୦୪ : ଗାଡ଼ି ଚୋରି ସନ୍ଦେହରେ ଲୋକମାନେ ମିଶି ୪ ଜଣଙ୍କୁ ନିସ୍ତୁକ ପିଟିଛନ୍ତି। ଭଦ୍ରକ ଟାଉନଥାନା ଅଧିନ ଗାନ୍ଧୀ ପଡ଼ିଆରେ ସ୍ଥାନୀୟ ଲୋକମାନେ ୪ ଜଣଙ୍କୁ ଚୋର ସନ୍ଦେହରେ ଅଟକ ରଖି ପୋଲିସର ଜିମା ଦେଇଛନ୍ତି। ସୂଚନା ଅନୁଯାୟୀ୪ ଦିନ ତଳେ ଭଦ୍ରକ ଟାଉନ ଥାନା ଅଧିନ ଗାନ୍ଧୀପଡ଼ିଆ ପାଖ ଏକ ଘରୋଇ ନର୍ସିଂହୋମରେ କାର୍ଯ୍ୟରତ ଜଣେ ଯୁବକଙ୍କର ଗାଡ଼ି ଚୋରି ହୋଇଥିଲା।

ଏହି ଗାଡ଼ିର ନମ୍ବର ପ୍ଲେଟକୁ ଭାଙ୍ଗି ଚୋର ଜଣକ ଚରମ୍ପା ରେଳ ଲାଇନ ସେପଟକୁ ଯାଇଥିବା ବେଳେ ସ୍ଥାନୀୟ ଲୋକ ସେହି ବାଇକକୁ ଦେଖି ପାଢ଼ୀ ନର୍ସିଂହୋମ କର୍ମଚାରୀଙ୍କୁ ଜଣାଇବା ପରେ କେତେକ ଯୁବକ ଏହି ସ୍ଥାନକୁ ଯାଇ ଚୋରମାନଙ୍କୁ ପିଛା କରିଥିଲେ। ପରେ ଚରମ୍ପାରେ ଥିବା ପ୍ରଭାତ ଆର୍ଟ ଆଗରେ ଧରି ଗାନ୍ଧୀ ପଡିଆକୁ ଆଣି ପଚରା ଉଚରା କରି ବା ସହିତ ନିସ୍ତୁକ ପିଟିଥିଲେ ଓ ପରେ ଭଦ୍ରକ ଟାଉନ ପୋଲିସକୁ ହସ୍ତାନ୍ତର କରିଛନ୍ତି। ପୋଲିସ ସେମାନଙ୍କୁ ଅଟକ ରଖି ମୋଟର ସାଇକେଲ ଚୋରି ଉପରେ ତଦନ୍ତ କରିବା ସହ ପଚରା ଉଚୁରା କରୁଛି ।