ଚଣ୍ଡିଖୋଲ: ବଡ଼ଚଣା ନିର୍ବାଚନମଣ୍ଡଳୀର ଦର୍ପଣ ତହସିଲ ଅଧୀନରେ ୧୫ଟି ନୂଆ ଆରଆଇ ଅଫିସ୍ ପାଇଁ ଶିଳାନ୍ୟାସ କରିଛନ୍ତି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସରେଶ ପୂଜାରୀ। ଦର୍ପଣ ତହସିଲ ଅଧୀନରେ ୧୬ଟି ଆରଆଇ ସର୍କଲ ରହିଛି। ଶୁକ୍ରବାର ବଡ଼ଚଣା ଠାରେ ଅନୁଷ୍ଠିତ ସ୍ୱତନ୍ତ୍ର କାର୍ଯ୍ୟକ୍ରମରେ ମନ୍ତ୍ରୀ ସୁରେଶ ପୂଜାରୀ ଯୋଗଦେଇ ସରକାର ପର୍ଯ୍ୟାୟକ୍ରମେ ଆରଆଇ ସର୍କଲକୁ ପଞ୍ଚାୟତ ସହ ସମୟାନୁସାରେ ଯୋଗ କରି ପ୍ରତି ପଞ୍ଚାୟତରେ ଆରଆଇ କାର୍ଯ୍ୟାଳୟ ପ୍ରତିଷ୍ଠା କରିବାକୁ ଲକ୍ଷ୍ୟ ରଖିଥିବା କହିଛନ୍ତି।
କାର୍ଯ୍ରକ୍ରମରେ ଯାଜପୁର ସାଂସଦ ଡ.ରବୀନ୍ଦ୍ର ନାରାୟଣ ବେହେରା ଓ ବଡ଼ଚଣା ବିଧାୟକ ଅମର ନାୟକ ଅତିଥି ଭାବେ ଯୋଗ ଦେଇ ମୋଟ ୧୮କୋଟି ୭୩ ଲକ୍ଷ ଟଙ୍କା ବ୍ୟୟ ଅଟକଳରେ ଏହି କାର୍ଯ୍ୟାଳୟ ନିର୍ମାଣ ହେବାକୁ ଥିବାବେଳେ ତହସିଲ କାର୍ଯ୍ୟାଳୟର ଭିତ୍ତିଭୂମିର ବିକାଶ ପାଇଁ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ।
ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ, ଉପ ଜିଲ୍ଲାପାଳ, ତହସିଲଦାର, ବିଡ଼ିଓ, ଗ୍ରାମ୍ୟ ଉନ୍ନୟନ ବିଭାଗର ନିର୍ବାହୀ ଯନ୍ତ୍ରୀ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଶିଳାନ୍ୟାସ ହେବାକୁ ଥିବା ବିଭିନ୍ନ ଆର ଆଇ ସର୍କଲର ଅଧିକାରୀଙ୍କ ସହ ଭିଡିଓ କନଫରେନସିଂ ମାଧ୍ୟମରେ ମନ୍ତ୍ରୀ ଆଲୋଚନା କରିବ ସେମାନଙ୍କ ଠାରୁ ବିଭିନ୍ନ ସମସ୍ୟା ସମ୍ପର୍କରେ ପଚାରି ବୁଝିଥିଲେ।
