ନୂଆଦିଲ୍ଲୀ: ଭାରତର ବିଦେଶୀ ମୁଦ୍ରା ଭଣ୍ଡାର ବୃଦ୍ଧି । ୧.୫୬୭ ବିଲିୟନ ଡଲାର ବୃଦ୍ଧି ପାଇଛି । ଶୁକ୍ରବାର ଭାରତୀୟ ରିଜର୍ଭ ବ୍ୟାଙ୍କ ଦ୍ବାରା ଜାରି ହୋଇଥିବା ରିପୋର୍ଟରେ ଭାରତୀୟ ବିଦେଶୀ ମୁଦ୍ରା ଭଣ୍ଡାର ୬୭୭.୮୩୫ ବିଲିୟନ ଡଲାରରେ ପହଞ୍ଚିଛି । ଲଗାତାର ଷଷ୍ଠ ସପ୍ତାହରେ ଦେଶର ଫୋରେକ୍ସ ରିଜର୍ଭ ବଢ଼ିଛି । ଏହା ପୂର୍ବରୁ ଏପ୍ରିଲ୍ ୪ ତାରିଖରେ ସମାପ୍ତ ପୂର୍ବ ରିପୋର୍ଟିଂ ସପ୍ତାହରେ ବିଦେଶୀ ମୁଦ୍ରା ଭଣ୍ଡାର ମୋଟ୍ ୧୦.୮୭୨ ବିଲିୟନ ଡଲାର ବୃଦ୍ଧି ପାଇ ୬୭୬.୨୬୮ ବିଲିୟନ ଡଲାରରେ ପହଞ୍ଚିଥିଲା ।
ଶୁକ୍ରବାର ଜାରି ହୋଇଥିବା ରିପୋର୍ଟ ଅନୁଯାୟୀ, ଭାରତର ବିଦେଶୀ ମୁଦ୍ରା ସମ୍ପତ୍ତି, ଯାହା ଫରେକ୍ସ ରିଜର୍ଭ ଏକ ଗୁରୁତ୍ବପୂର୍ଣ୍ଣ ଅଂଶଧନ । ଏହା ୮୯୨ ମିଲିୟନ ଡଲାରରୁ ବୃଦ୍ଧି ପାଇ ୫୭୪.୯୮ ବିଲିୟନ ଡଲାରରେ ପହଞ୍ଚିଛି । ୨୦୨୪ରେ ବିଦେଶୀ ମୁଦ୍ରା ଭଣ୍ଡାରର ଉଚ୍ଚତମ ସ୍ତର ୭୦୪.୮୮୫ ବିଲିୟନ ଡଲାର ରେକର୍ଡ କରାଯାଇଥିଲା । ବିଦେଶୀ ମୁଦ୍ରା ସମ୍ପତ୍ତିରେ ୟୁରୋ, ପାଉଣ୍ଡ ଏବଂ ୟେନ ଭଳି ଅଣ-ଆମେରିକୀୟ ମୁଦ୍ରାର ପ୍ରଭାବ ଦେଖିବାକୁ ମିଳିଥାଏ ।
ଆରବିଆଇ କହିଛି, ସମାପ୍ତ ହୋଇଥିବା ଶେଷ ସପ୍ତାହରେ ଦେଶର ଗୋଲ୍ଡ ରିଜର୍ଭ ମଧ୍ୟ ବୃଦ୍ଧି ପାଇଛି । ଯାହା ୬୩୮ ମିଲିୟନ ଡଲାର ବଢ଼ି ୭୯.୯୯୭ ବିଲିୟନ ଡଲାରରେ ପହଞ୍ଚିଛି । ମାତ୍ର ଏସଡିଆର୍ ୬ ମିଲିୟନ ଡଲାରରୁ ହ୍ରାସ ପାଇ ୧୮.୩୫୬ ବିଲିୟନ ଡଲାରକୁ ଖସିଆସିଛି । ଆରବିଆଇ ରିପୋର୍ଟରେ କୁହାଯାଇଛି, ସମୀକ୍ଷାଧୀନ ସପ୍ତାହରେ ଆଇଏମଏଫ ସହିତ ଭାରତର ସଂରକ୍ଷିତ ସ୍ଥିତି ୪୩ ମିଲିୟନ ଡଲାରରୁ ବୃଦ୍ଧି ପାଇ ୪.୫୦୨ ବିଲିୟନ ଡଲାରରେ ପହଞ୍ଚିଛି ।..
