ମିଳିଲା ହାସ୍ୟ ଅଭିନେତା ଗୁରୁଙ୍କ ହଜିଥିବା ମୋବାଇଲ୍, ମୃତ୍ୟୁକୁ ନେଇ ଏବେବି ରହସ୍ୟରେ ପରିବାର

ଭଦ୍ରକ ୧୨।୧୨: ଯାତ୍ରା ହାସ୍ୟ ଅଭିନେତା ଗୁରୁ ପୃଷ୍ଟିଙ୍କ ଦୁର୍ଘଟଣାଜନିତ ମୃତ୍ୟୁ ଏବେବି ରହସ୍ୟ ଘେରରେ । ଦୁର୍ଘଟଣାରେ ତାଙ୍କ ମୃତ୍ୟୁ ହୋଇଥିବା କୁହାଯାଉଥିବା ବେଳେ ତାଙ୍କ ପତ୍ନୀ ହତ୍ୟା ଅଭିଯୋଗ ଆଣିଛନ୍ତି । ତେବେ ଗୁରୁ ପୃଷ୍ଟିଙ୍କର ମୃତ୍ୟୁ ପରେ ହଜିଯାଇଥିବା ତାଙ୍କ ମୋବାଇଲ୍ ଫେରିପାଇଲେ ସମ୍ପର୍କୀୟ । ଦୁର୍ଘଟଣା ପରେ ଗୋଟିଏ ମୋବାଇଲ ପୋଲିସକୁ ମିଳିଥିବା ବେଳେ ତାଙ୍କର ହଜିଥିବା ମୋବାଇଲକୁ ପାଇ ଲୋକେ ଧାମନଗର ଥାନାରେ ଜିମା ଦେଇଥିଲେ ।

ତେବେ ଗୁରୁଙ୍କ ପରିବାର ଲୋକେ ଧାମନଗର ଥାନାରୁ ଦୁଇଟି ମୋବାଇଲ୍ ନେଇଛନ୍ତି । ଗୁରୁଙ୍କ ସମ୍ପର୍କୀୟ କହିଛନ୍ତି ଯେ, ଏବେ ପର୍ଯ୍ୟନ୍ତ ଗୁରୁଙ୍କ ମୃତ୍ୟୁକୁ ନେଇ ସନ୍ଦେହରେ ଅଛନ୍ତି । ତେବେ ଗୁରୁଙ୍କ ମୃତ୍ୟୁକୁ ନେଇ ତାଙ୍କ ସ୍ତ୍ରୀ ପରବର୍ତ୍ତୀ ପଦକ୍ଷେପ ନେବେ ବୋଲି କହିଛନ୍ତି ।