ନୂଆଦିଲ୍ଲୀ ୨୧।୦୩; ଦୁନିଆର ସବୁଠୁ ବ୍ୟସ୍ତବହୁଳ ବିମାନବନ୍ଦର ମଧ୍ୟରୁ ଲଣ୍ଡନର ହିଥ୍ରୋ ବିମାନବନ୍ଦର। ଏବେ ସେଠାରେ ଏକ ବଡ ସମସ୍ୟା ଉପୁଜିଛି। ବିମାନବନ୍ଦର ନିକଟରେ ବ୍ୟାପକ ଅଗ୍ନିକାଣ୍ଡ ହେତୁ ଏହି ନିଷ୍ପତ୍ତି ନିଆଯାଇଛି ବୋଲି ଅଧିକାରୀମାନେ କହିଛନ୍ତି। ଶୁକ୍ରବାର ଦିନ ବିମାନବନ୍ଦର କମ୍ପ୍ଲେକ୍ସର ପାୱାର ପ୍ଲାଣ୍ଟରେ ନିଆଁ ଲାଗିଯାଇଥିଲା। ଯେଉଁ କାରଣରୁ ଏହି ନିଷ୍ପତ୍ତି ଶୀଘ୍ର ନିଆଯାଇଛି।
ରିପୋର୍ଟ ଅନୁଯାୟୀ ବିମାନବନ୍ଦର କମ୍ପ୍ଲେକ୍ସ ୨୪ ଘଣ୍ଟା ବନ୍ଦ ରହିବ। ବିମାନବନ୍ଦର ପରିଚାଳନା ଏହି ବିଷୟରେ ଲୋକଙ୍କୁ ସୂଚନା ଦେଇଛି। ପ୍ରଶାସନ କହିଛି ଯେ ନିଆଁ ଲିଭାଇବା ପରେ ବିମାନବନ୍ଦର କମ୍ପ୍ଲେକ୍ସକୁ ଟ୍ରାକକୁ ଫେରାଇ ଆଣିବା ପାଇଁ ଉଦ୍ୟମ ଚାଲିଛି। ହିଥ୍ରୋ ବିମାନ ବନ୍ଦର ବନ୍ଦ ହେତୁ ୧୩୦୦ରୁ ଅଧିକ ବିମାନ ପ୍ରଭାବିତ ହେବ। ୟୁରୋପରୁ ଆସୁଥିବା ସମସ୍ତ ବିମାନର ମାର୍ଗ ପରିବର୍ତ୍ତନ କରାଯାଇଛି। ବିମାନ ବନ୍ଦର ବନ୍ଦ ହେତୁ ନିକଟରେ ବିମାନର ଭିଡ଼ ଜମିଛି।
ବିମାନ ଉଡ଼ାଣ ଏପର୍ଯ୍ୟନ୍ତ ବାତିଲ ହୋଇନାହିଁ ବୋଲି ବିମାନବନ୍ଦର ପ୍ରଶାସନ କହିଛି। ବିମାନବନ୍ଦର ପ୍ରଶାସନର ଏହି ନିଷ୍ପତ୍ତି ଯୋଗୁଁ ପ୍ରାୟ ୨ ଲକ୍ଷ ଲୋକ ଫସି ରହିଛନ୍ତି। ଏହାର ବନ୍ଦ ଯୋଗୁଁ ସମଗ୍ର ବିଶ୍ୱରେ ବିମାନ ସେବା ପ୍ରଭାବିତ ହୋଇପାରେ। ଧୀରେ ଧୀରେ କାର୍ଯ୍ୟ ପୁମଃସ୍ଥାପନ କରିବାକୁ ଚେଷ୍ଟା କରୁଛି। ବିମାନବନ୍ଦର ପରିସରରେ କିପରି ନିଆଁ ଲାଗିଥିଲା ପୋଲିସ ତଦନ୍ତ ଆରମ୍ଭ କରିଛି। ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ଏହି ସୂଚନା ଗ୍ରହଣ କରାଯାଇ ନାହିଁ। ପୋଲିସ କହିଛି ଯେ ନିଆଁକୁ ନିୟନ୍ତ୍ରଣ କରାଯାଇଛି। କିନ୍ତୁ ବିଦ୍ୟୁତ୍ ସୁବିଧା କେତେବେଳେ ପୁନରୁଦ୍ଧାର ହେବ ଜଣାପଡି ନାହିଁ? ଅଗ୍ନିକାଣ୍ଡ ହେତୁ ହିଥ୍ରୋ ବିମାନବନ୍ଦରରେ କୋଟି କୋଟି ଟଙ୍କାର କ୍ଷତି ହୋଇଥିବା କଥା ମଧ୍ୟ ଚର୍ଚ୍ଚା ହେଉଛି। ସବୁକିଛି ଟ୍ରାକକୁ ଫେରିବା ପରେ ଏହାର ମୂଲ୍ୟାଙ୍କନ କରାଯିବ ବୋଲି ଅଗ୍ନିଶମ ବିଭାଗ କହିଛି।
