ନୂଆଦିଲ୍ଲୀ: ବେଙ୍ଗାଲୁରୁ ଦଳାଚକଟା ମାମଲାରେ ଆଇପିଏଲ୍ ଫ୍ରାଞ୍ଚାଇଜ୍ ଆରସିବି ବିରୋଧରେ ଏଫଆଇଆର୍ ରୁଜୁ ହୋଇଛି । ଏହା ବ୍ୟତୀତ ଡିଏନଏ (ଇଭେଣ୍ଟ ମ୍ୟାନେଜମେଣ୍ଟ କମ୍ପାନି), କର୍ଣ୍ଣାଟକ ରାଜ୍ୟ କ୍ରିକେଟ୍ ସଂଘ ଓ ଅନ୍ୟାନଙ୍କ ବିରୋଧରେ ମଧ୍ୟ କ୍ୟୁବନ ପାର୍କ ପୋଲିସ ଷ୍ଟେସନରେ ଏଫଆଇଆର୍ ରୁଜୁ ହୋଇଛି । ଏଫ୍ଆଇଆର୍ରେ ଦଳାଚକଟା ଘଟଣାରେ ଅପରାଧିକ ଅବହେଳା କଥା କୁହାଯାଇଛି । ନ୍ୟୁଜ ଏଜେନ୍ସି ଏଏନଆଇ ଅନୁସାରେ ଏହି ମାମଲାରେ ଧାରା ୧୦୫, ୧୨୫ (୧) (୨), ୧୩୨, ୧୨୧/୧, ୧୯୦ ଆର/ଡବ୍ଲୁ ୩(୫) ଅଧିନରେ ମାମଲା ରୁଜୁ କରାଯାଇଛି ।
ଚିନ୍ନାସ୍ୱାମୀ ଷ୍ଟାଡିୟମ ବାହାରେ ହୋଇଥିବା ଦଳାଚକଟା ମାମଲାର ମାଜିଷ୍ଟ୍ରେଟ୍ ତଦନ୍ତ କରାଯାଉଛି । ତଦନ୍ତର ନେତୃତ୍ୱ ନେଉଥିବା ବେଙ୍ଗାଲୁରୁ ସହର ଉପାୟୁକ୍ତ ଜୀ ଜଗଦୀଶ ଗୁରୁବାର କହିଛନ୍ତି ଯେ କର୍ଣ୍ଣାଟକ ରାଜ୍ୟ କ୍ରିକେଟ୍ ସଂଘ, ଆରସିବି ଓ ପୋଲିସ ଉପାୟୁକ୍ତ ବି ଦୟାନନ୍ଦଙ୍କୁ ତଦନ୍ତରେ ସାମିଲ ହେବା ପାଇଁ ନୋଟିସ୍ ଜାରି କରାଯାଇଛି । ଏହାସହ ସେ ଚିନ୍ନାସ୍ୱାମୀ ଷ୍ଟାଡିୟମ ଯାଇ ସେଠାରେ ସ୍ଥିତି ନୀରିକ୍ଷଣ କରିଥିଲେ ।
ଏହା ପୂର୍ବରୁ କର୍ଣ୍ଣାଟକ ହାଇକୋର୍ଟ ଗୁରୁବାର ଚିନ୍ନାସ୍ୱାମୀ କ୍ରିକେଟ୍ ଷ୍ଟାଡିୟମ ବାହାରେ ହୋଇଥିବା ଦଳାଚକଟା ମାମଲାର ଶୁଣାଣି କରିଥିଲେ । ସ୍ୱତଃ ସଜ୍ଞାନକୁ ସ୍ୱତଃ ସଜ୍ଞାନ ରିଟ୍ ଆବେଦନ ଭାବେ ପଞ୍ଜିକୃତ କରିବା ପାଇଁ ରେଜିଷ୍ଟ୍ରିକୁ ନିର୍ଦ୍ଦେଶ ଦେଇଥିଲେ । କୋର୍ଟ କହିଥିଲେ ଯେ ଆମ ଆଡଭୋକେଟ୍ ଜେନେରାଲଙ୍କ ସାମନାରେ ଆମ କଥା ରଖିଛୁ । ସେ ସ୍ଥିତି ବାବଦରେ ଏକ ରିପୋର୍ଟ ଦେଇଛନ୍ତି, ଯାହାକୁ ରେକର୍ଡକୁ ନିଆଯାଇଛି । ହାଇକୋର୍ଟ ଜୁନ୍ ୧୦ରେ ଆବେଦନକୁ ପୁଣି ଥରେ ସୂଚୀବଦ୍ଧ କରିବା ପାଇ କହିଥିଲେ ।
