ମୋଜାମ୍ବିକରେ ବଡ ଅଘଟଣ ; ମଝି ସମୁଦ୍ରରେ ଓଲଟିଲା ଡଙ୍ଗା, ୩ ଭାରତୀୟ ମୃତ

ନୂଆଦିଲ୍ଲୀ ୧୮।୧୦; ହିନ୍ଦ ମହାସାଗରରେ ଏକ ଡଙ୍ଗା ଭାରତୀୟ ନାଗରିକଙ୍କୁ ନେଇ ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ତିନି ଜଣ ଭାରତୀୟ ପ୍ରାଣ ହରାଇଛନ୍ତି ଏବଂ ପାଞ୍ଚ ଜଣ ଏବେ ବି ନିଖୋଜ ଅଛନ୍ତି। ସେମାନଙ୍କ ପାଇଁ ସନ୍ଧାନ ଜାରି ରହିଛି। ଶୁକ୍ରବାର ଦିନ ମୋଜାମ୍ବିକର ବେଇରା ବନ୍ଦର ନିକଟରେ ଏହି ଦୁର୍ଘଟଣା ଘଟିଥିଲା।

ମୋଜାମ୍ବିକର ଭାରତୀୟ ଦୂତାବାସ ଅନୁଯାୟୀ, ଡଙ୍ଗାଟି ଏକ ଟ୍ୟାଙ୍କରରୁ କ୍ରୁ ସଦସ୍ୟଙ୍କୁ ନେଇ ଯାଉଥିଲା। ସେମାନଙ୍କୁ ନିୟମିତ ସ୍ଥାନାନ୍ତର କାର୍ଯ୍ୟ ପାଇଁ ଟ୍ୟାଙ୍କରକୁ ନିଆଯାଇଥିଲା ବେଳେ ହଠାତ୍ ଡଙ୍ଗାଟି ଓଲଟି ପଡ଼ିଥିଲା। ଯାହା ଫଳରେ ଏହି ଦୁର୍ଘଟଣା ଘଟିଥିଲା। ମୋଟ ୧୪ ଜଣ ଭାରତୀୟ ନାଗରିକ ଜାହାଜରେ ଥିଲେ। ଓଲଟିବାର କାରଣ ଏପର୍ଯ୍ୟନ୍ତ ଜଣାପଡିନାହିଁ।

ଏହି ଦୁର୍ଘଟଣାରେ କିଛି ଭାରତୀୟଙ୍କ ମୃତ୍ୟୁ ହୋଇଛି ଏବଂ କିଛି ନିଖୋଜ ଅଛନ୍ତି।  ଭାରତୀୟ ଦୂତାବାସ ଅନୁଯାୟୀ, ଦୁର୍ଘଟଣା ପରେ ୫ ଜଣ ଭାରତୀୟଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି। ଜଣେ ଗୁରୁତର ଆହତ ହୋଇଛନ୍ତି ଏବଂ ସେମାନଙ୍କୁ ହସ୍ପିଟାଲରେ ଚିକିତ୍ସା କରାଯାଉଛି। ଉଦ୍ଧାର ଏବଂ ରିଲିଫ୍ କାର୍ଯ୍ୟ ଏବେ ବି ଜାରି ରହିଛି।