ଛାତିଥରା ଟ୍ରେନ୍ ଦୁର୍ଘଟଣାରେ ଚାଲିଗଲା ୧୩ ଜଣଙ୍କ ଜୀବନ, ୯୮ ଜଣ ଗୁରୁତର; କିନ୍ତୁ ଦୁର୍ଘଟଣାର ଭିଡିଓ ଆହୁରି ଭୟଙ୍କର

ନୂଆଦିଲ୍ଲୀ ୨୯।୧୨; ଦକ୍ଷିଣ ମେକ୍ସିକୋରେ ବଡ ଧରଣର ଟ୍ରେନ୍ ଦୁର୍ଘଟଣା । ଲାଇନଚ୍ୟୁତ ହେବା ପରେ ଟ୍ରାକ୍‌କୁ ଖସିଲା ଯାତ୍ରୀବାହୀ ଟ୍ରେନ୍ । ଦୁର୍ଘଟଣାରେ ୧୩ ଜଣଙ୍କର ମୃତ୍ୟୁ ହୋଇଥିବାବେଳେ ୯୮ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩୬ ଜଣଙ୍କୁ ଡାକ୍ତରୀ ସହାୟତା ଦିଆଯାଉଛି। ଏବେ ବି ରେଳ ଯାତାୟତ ବାଧାପ୍ରାପ୍ତ। ରାଷ୍ଟ୍ରପତି କ୍ଲାଉଡିଆ ଶେନବାଉମ୍ X ରେ କହିଛନ୍ତି ଯେ ଆହତମାନଙ୍କ ମଧ୍ୟରୁ ପାଞ୍ଚ ଜଣଙ୍କ ଅବସ୍ଥା ଗୁରୁତର ଅଛି ଏବଂ ମୃତକଙ୍କ ପରିବାରକୁ ସହାୟତା କରିବା ପାଇଁ ବରିଷ୍ଠ ଅଧିକାରୀମାନଙ୍କୁ ଘଟଣାସ୍ଥଳକୁ ପଠାଯାଇଛି। ମେକ୍ସିକୋ ଆଟର୍ଣ୍ଣି ଜେନେରାଲଙ୍କ କାର୍ଯ୍ୟାଳୟ ଘଟଣାର ତଦନ୍ତ ଆରମ୍ଭ କରିଛି।

ଅଧିକାରୀମାନେ କହିଛନ୍ତି ଯେ ଦୁର୍ଘଟଣା ସମୟରେ ଟ୍ରେନ୍‌ରେ ୨୪୧ ଜଣ ଯାତ୍ରୀ ଏବଂ ନଅ ଜଣ କ୍ରୁ ସଦସ୍ୟ ଯାତ୍ରା କରୁଥିଲେ। ଟ୍ରାନ୍ସଓସେନିକ୍ ଟ୍ରେନଟି ୨୦୨୩ ମସିହାରେ ତତ୍କାଳୀନ ରାଷ୍ଟ୍ରପତି ଆଣ୍ଡ୍ରେସ୍ ମାନୁଏଲ୍ ଲୋପେଜ୍ ଓବ୍ରାଡୋରଙ୍କ ଦ୍ୱାରା ଉଦ୍ଘାଟିତ ହୋଇଥିଲା। ବର୍ତ୍ତମାନ ପ୍ରଶାନ୍ତ ମହାସାଗରକୁ ମେକ୍ସିକୋ ଉପସାଗର ସହିତ ସଂଯୋଗ କରୁଥିବା ରେଳ ଲାଇନରେ ଯାତାୟାତ ଅଚଳ ହୋଇ ପଡ଼ିଛି। ରବିବାର ଓଆକ୍ସାକା ଏବଂ ଭେରାକ୍ରୁଜ୍ ରାଜ୍ୟକୁ ସଂଯୋଗ କରୁଥିବା ଟ୍ରାନ୍ସଓସେନିକ୍ ଟ୍ରେନ୍ ନିଜାଣ୍ଡା ସହର ନିକଟ ଏକ କର୍ଭରେ ଲାଇନଚ୍ୟୁତ ହୋଇଥିଲା।

​​​​​​​

ଏକ୍ସରେ ଓଆକ୍ସାକା ରାଜ୍ୟପାଳ ସୂଚନା ଦେଇ କହିଛନ୍ତି ଯେ ଆହତଙ୍କୁ ସହାୟତା କରିବା ପାଇଁ ଅନେକ ସରକାରୀ ସଂସ୍ଥା ଘଟଣାସ୍ଥଳରେ ପହଞ୍ଚିଛନ୍ତି।  ଦକ୍ଷିଣ ମେକ୍ସିକୋରେ ରେଳ ଯାତ୍ରାକୁ ପ୍ରୋତ୍ସାହିତ କରିବା ଏବଂ ପ୍ରଶାନ୍ତ ମହାସାଗର ଓ ମେକ୍ସିକୋ ଉପସାଗର ମଧ୍ୟରେ ଏକ ସଂକୀର୍ଣ୍ଣ ପ୍ରଣାଳୀ ତେହୁଆଣ୍ଟେପେକ୍ ପ୍ରଣାଳୀ ସହିତ ଭିତ୍ତିଭୂମି ବିକାଶ କରିବା ପାଇଁ ଏହି ରେଳ ସେବା ଏକ ବ୍ୟାପକ ପ୍ରୟାସର ଅଂଶ।